سؤالين عن جامعة مالايا

مرحبا أخوي ..

ما أدري بالضبط كم الدرجة ... هم مخصصين درجة معينة بإمكانك أن تجدها في موقعهم .. لو جبتها خلاص بيعفونك من دراسة اللغة ... أعتقد أنها 550 درجة .. بس ياليت تتأكد ..

سؤالك الثاني .. احتمال أن يعادلوا لك السنة التحضيرية فقط ... أما غير ذلك فلا أعتقد ...

معادلة الساعات في الجامعات الأهلية .. أما غيرها فقليل جدا ...

وفقك الله

طيب اخوي عيدين وش رايك بالدراسة بماليزيا

زينة ولا لا
فية واحد بالمنتدى يقول انة تحسف يقول يمكن اول شهر تنبسط وبعدها لا

مع اني سبق وانا رحت لماليزيا بقصد السياحة واللة حلوة

بس تتوقع وش قصدة هل يمكن تدريسهم مهو زين

تكفى رد بسرعه اللة يوفقك

أبشر أخوي ...

الكلام طال في الموضوع هذا ... وكل واحد وله رأيه ... ومن الصعب جدا أن تجد الطلاب هنا متفقين على رأي ... فيه ناس مبسوطين مرة ... وناس لأ ..

لكن باختصار .. أكتب لك وجهة نظري الشخصية .. مع أن فيه ناس يعارضوني فيها :

تقول أنا على حسابي وحالتي المادية على قدي أو أنت مبتعث على حساب الحكومة وتبغى تتزوج مثلا أو عندك دين ونحو ذلك وتريد تسديده وقبل ذلك كله تقول أنا أريد بلد الفتنة فيه أقل وبلد مسلميه كثير ويوجد به مساجد بكل مكان فماليزيا بلد مناسب جدا ...

حالتك المادية ميسورة وتريد لغة قوية وممارسة لغة على أعلى مستوى وقوة دراسة فعندك الدول الناطقة بالإنجليزي ..

بعض الزملاء يقول أنا أدرس هنا لأن الدراسة ليست صعبة وللجوانب المادية مثلا .. واللغة ملحوق عليها بعدين ... حتى لو تأخذ دورة بعد دراستك لمدة 6 أشهر أو أكثر .. فهذه وجهة نظر محترمة جدا جدا ..

في الأخير كما قلت لك أنت من يقرر ..... لكن ماليزيا أشوفها بلد جيد للدراسة ... ليس ضعيف .. وليس قوي جدا .. ويكفي أن نظام التعليم فيه بريطاني ..

وفقك الله

الشي الثاني
واللة انة مضيقن صدري يقولون القبول بجامعة مالايا صعب
انا معي دبلوم وبكمل بكالريوس علما اني اجيد اللغة الانجليزية بطلاقة تحدثا وكتابة
وراح اعزز نفسي بالتوفل
وتخصصي تقنية معلومات

وبا الاخير

اسئل اللة لي ولكم التوفيق

انتظر الردود

هل الدراسة بجامعة مالايا بالانجلش ولا لغة المالايا طبعا للي بيدرس بكالريوس

فزعتك يا عيدين

أخي الكريم ... لهم فترة بدؤا بتدريس الباكالوريوس باللغة الإنجليزية ..

طبعا هل راح يعادلوا لك ؟؟ .. وكم من المواد بيعادون لك ؟؟ ... الصراحة لا أعلم ... ولا أعتقد أنك ستجد إجابة كافية إلا بمراسلة الجامعة شخصيا .. ولابد من ترجمة السجل الأكاديمي باللغة الإنجليزية ( للدبلوم ) ... واصبر عليهم .. تراهم باردين شوي .. ويمكن تستخدم الإيميل والهاتف معا ... أو يكون لك أحد تعرفه بالجامعة ..

خل بالك وسيع شوي .. ترى فيهم شوية برود وإن شاء الله بييسرها الله لك ..

دعواتي لك بالتوفيق ..

شاكر لك عيدين

بس شفت بالمنتدى نلس واجد مامدحوها ويقولون بهم برود

بالفعل ... الماليزيين فيهم شوية برود ... ( يمكن هذه ميزة وليس عيب ) .. لكن البرود ما يصلح لنا نحن العرب .... خصوصا سعوديا عريبيا !!

لكن هذا بإذن الله لن يؤثر عليك أو على دراستك إن شاء الله ..