سؤال بالنسبة للانترنت بكوالالمبور

اخي الكريم انا سمعت ان شركة ديجي وسيليكوم توفر خدمة الاتصال عن طريق الجوال باسعار رمزيه
وسمعت عن شركة سيليكوم الاتصال فيها حلو وسريع وبقي عليك ان تسأل عن الافضل بين هذين الشركتين ولاتنسى ان يكون جوالك يدعم خدمة الوايرلس في حال اذا كنت تستخدم الكيبل من اجل الحصول على سرعة جيدة .. مع خالص تحياتي

السلام عليكم ورحمة الله وبركاته


بالنسبه لشركة ماكسيس طلبت منهم الكنكت الي زي حق موبايلي وسألتهم قلت يشتغل في اي محل قالوا ايه قلت لهم انا ساكن في عمارهـ في الدور الـ14قالولي لا مايشتغل اقصى حد يشتغل فيه الدور 7وبالمقابل شركة سيلكوم قالولي يشتغل ونضمنه لك اذا مااشتغل تقدر ترجعه

جميع اشتراكات اللاسلكي (ديجي، ماكسيس، سيلكوم، إيزي) سرعاتهم غير ثابتة ودون المأمول، وفي الغالب تاخذ سرعة اقل من 256، الحل الوحيد السريع هو اشتراك دي اس ال ستريمكس.

وحتى الستريمكس بطيء مع جميع المواقع خارج ماليزيا، ولكنه افضل السيئين.

طيب مافكرتو بالاكسبريس كونيكشن كارد؟؟

كارد الكتروني تشبك فيه شريحة انترنت توفرها لك شركات الاتصالات بماليزيا واسمها ( Information SIM Card ) للانترنت

والكارد الالكتروني اللي اقصده متوفر من عدة شركات مصنعه وافضلها شركة AT&T واللي انا قاعد استخدمها الحين وشغاله معاي تمام التمام في كوالالمبور وماشفت مثل سرعتها على الاطلاق واذا حاب تقابلني واخليك تستخدمها حياك الله

شريحتي اللي داخلها خذتها من ماكسس ,, ادفع لها شهريا 99 رنقت انترنت مفتوح وداونلود مفتوح وسرعه خياليه داخل كوالالمبور في شارع العرب والكي ال سي سي والتايم سكوير وبعض الكوندومينيوم اللي يتوفر بالقرب منها برج ماكسس
وهذي صورة للكارد والشريحة






اذا مهتم ومحتاج تفاصيل اكثر عن الاسعار ومكان بيع هذي الكارد وكيفية استخدامها علمني بس وابشر بسعدك

السلام عليكم ورحمة الله وبركاته

اخوي العزيز:جلوي العتيبي


ممكن تفيدنا كم سعر القطعه الي هي الاكسبريس كونيكشن اذا منيب غلطان

ومن وين اقدر اشتريها ؟

وبالنسبه لكلامك تقول تشتغل اذا كان عندك ارسال لشركة ماكسيس يعني شبكه

هل تقصد انها على شبكة الي تلقط ارسال الجوال ؟

وكم المدهـ الي تاخذها على ماتطلع الشريحه من شركة ماكسيس وهل يحتاج ان يكون معك فيزا والا لا؟
وهل تدفع تأمين يعني مقدما؟وكم سعرها

<<<<<بنقالي مايعرف يشرح
خخخخخخخخخخخخخخخخخخخخخخ

العذر يااخوي جلوي

الظاهر اطلنا عليك

هلا اخوي جلوي اشكرك على الرد و اقدر تعاونك معي بس ياخوي جلوي

انا استخدم اخوي ماكسس برود باند نفس طريقة اشتراكك بس اللهم ان القطعه تبعهم وتعبت معهم و عانيت بقوووووة و شالحل ما عرف يعني من جد تعبت ما ادري هو البرج هو وشو بالضبط ما ادري

لكن اخوي سمعت عن هذي الخدمة وابحط رابطها و اذا تبي نتقابل باي وقت انا حاظر انا ادرس بمعهد ايركون الحين وهو جمب معهد اي ال اس قلي وش لون تبينا نتقابل و ودنا نتعرف بالناس الطيبة مثلك وشرواك

المهم اخوي ولا انسى هذا رابط الشركة http://www.streamyx.com.my/main.php

انتظر ردك اخوي

تحياتي لك

هلا والله فيكم

اخواني هذا الكارد اللي معي الآن من AT&T سعره في ماليزيا ( 1100 رنقت ) وبالسعودية ( 500 ريال ) فـ تشتريه من السعوديه افضل بكثير وتنصيبه على الجهاز سهل جدا
وفيه شركة ثانيه ارخص AT&T في ماليزيا وهي D-Link وسعرها في ماليزيا ( 700 رنقت ) وفي السعودية ( ماني متأكد والله بس يمكن تكون ارخص بعد )
كل هالشركات وغيرها تحصلها في LOWYAT مجمع الالكترونيات المعروف ,,

اما بالنسبه للشريحه فـ هي مختلفه تماما عن البرود باند ,, البرود باند تدفع لها شهريا 138 رنقت والشريحه هذي تدفع لها 99 رنفت شهريا ,, والسرعه ليست بالشريحة فقط بـل بالكارد ايضا

انا كنت استخدم هذا الكارد في كوالالمبور وبجانبي في التايم سكويرز صديق لي معاه برود باند وكان ابطأ مني ويفصل عليه ويتحول ذاك النور الازرق إلى اخضر إلى مدري ايش

استخراج الشريحة من ماكسس ما يتطلب فيزا طالب , فقط بعض الاثباتات مثل الجواز الاصل وبطاقة طالب ان وجد وبطاقة بنك
ولازم عليك طبعا تدفع الديبوزت حق الشريحه وهو 300 رنقت + سعر الشريحة 100 رنقت يعني الاجمالي 400 رنقت
إلا في حالة انك معاك برود باند من ماكسس فـ ترجعها لهم وتقول لهم انك دفعت الديبوزت على البرود باند وراح يطلبون منك 100 رنقت فقط للشريحة

استخراجها ماياخذ 15 دقيقه , وتتفعل بعد ساعة من لحظة استلامك لها وتستخدمها !
الدفع الشهري يتم في فرع ماكسس الكي ال سي سي ويمكن في باقي الفروع لكن ماني متأكد ياليت تتأكد وتسألهم عن هالشي


اخوك جلوي العتيبي

السلام عليكم ورحمة الله وبركاته

اول شي كثر الله خيرك يااخوي جلوي العتيبي

وماقصرت طال عمرك عى هالمعلومات

علما انا استعمل حاليها انترنت وايرلس بس هالاستعلامات عشان واحد من ربعي

على العمووووووووووم ماقصرت وكثر الله خيرك

اخوك:تميم

السلام عليكم
يا أخواني الاعزاء الموضوع مهم
وانا عندي باند لوكس في الصورة .. هل اجيبه معي من السعودية أفضل ؟؟؟ وهل يشغل شرائح ماليزيا ؟؟؟؟؟





http://www.up4ksa.com/index.php?action=getfile&id=11949


الاخ العزيز جلوي والأخوان الباقين هل هي أفضل الموجود الآن ؟؟ أم الكونكشن كارد أفضل ؟؟؟؟
لأنها آخر شي بالسوق على حد علمي والله أعلم
ارجوا الرد ... وجزاكم الله كل خير