وصلت قبولات سنغفورة للسفارة

السلام عليكم ورحمة الله وبركاته


اخواني اخواتي طلاب سنغفورة احب اهنيكم وصوووول القبولات في السفارة




استعدو وجهزو اغريضاتكم ترا السفر قريب

المهم توني مكلمة السفارة بالرياض على رقم ((014803855))
وكلمتني الموظفة من الجنسية المصرية وقلت لها على الاسم وشيكت على اسمي في لسته وقالت مو موجود اسمك لكن عندنا لسته جديدة لحضة شوية (( وشربت شاهي )) لين جت وقالت لي الاخت (فلانة بنت فلان) قلت لها سّمي معتس على الخط قالت اسمك موجود وننتظرك تعملي الفيزا وعلى فكرة ترا انتي اخر أسم << اخر وحدة خخخخخخخخخ

قلت لها الله يجزيك الخير بالنسبة للفيزة وش تبون اجيب وياي غير القلم؟؟

قالت يا وخيتي جيبي وياك صورتين وجوازك وعبي لنا نموذج a14 من الموقع
موقع السفارة السنغفورية
http://www.ica.gov.sg

قلت لها طيب يا وخيتي جعلش الجنة والعلة الي وياي وش اسوي فيهم اجيب لهم صوور ولا ؟؟
قالت اي اذا عندك مرافقين جيبي جوازاتهم وصورتين وعبي لكل واحد نموذج a14


عاد بعد ما قفلت مني سبحان الله البعثات دقو علي بس كنت في الحمام وكلمهم زوجي
كلمته وقالت له انت فلانه؟؟ قال لها لا انا وكيلها الشرعي خخخخخخخخ
وقالت له تم رفض تغيير الدولة لان الاسباب غير مقنعه
عاد هو شبك في حلقها وقال دام انتو المتصلين ابي انشب لكم (فرصة) وبدا يسألها وهي تجاوب
من ضمن الاسألة الي سألها بعد ما نسوي الفيزا وش نسووي ؟؟ قالت له تجي تعمل قرار الابتعاث وتشيل التذاكر ونعطيك خطاب موجه لمقر عملك ثم لا نشوف خشتك انت وياها الا عند الملحقية او راجعين بشهاداتكم ورافعين خشتكم فوق بالعالي والعلم الاخضر يرفرف ويضللكم بضلاله

عاد بيني وبينكم انا توهقت وشلون اعبي نموذجa14
وابي الفزعة منكم الي عنده الخبرة يشرح لنا بالصور كيف نعبي النموذج وهذا الرابط للنموذج
http://www.ica.gov.sg/e_services.asp...d=313&secid=11
تلاقي تحت مكتوب للطلاب


بالتوفيق للجميع