استفسار بخصوص الـ MBA

هلا يالغالي
للاسف شفت المشاهدات 14 والردود صفر لكن انا بجوابك شف يالغالي انت متاكد انك قاري كل الشروط ؟ ةحاط انك موافق عليها ؟
اذا انت حاط علامة صح في المربع وعبيت البيانات صح ! اذا الجامعة عندها نفس التخصص بيطلع لك النتائج عندها نفس التخصص اما اذا ما حطيت علامة صح للموافقة على الشروط او حطيت صح وعبيت البيانات وما طلع شيء اعرف ان الجامعة ما عندها او ان موقع الوزارة الحلو ما سوى تحديث فاحسن حل خذ رقم الجامعة ودق عليهم واسالهم وريح راسك يالغالي اهم شيء يكون ماستر لان فيه تخصص اعمال وادارة بكالوريوس
الله يوفقك

الاخوان
((ziyad))
أجيبها صح

أشكركم من صميم أعماق خلجات قلبي
وهذا ان دل فانما يدل على التعاونية المشتركة في بوتقة الاحتمالات المتضادة التي تستنبط من الفكر الواعي اللامتناهي في حضارة الترف والاضمحلال الكينوني . .
حقيقةً بارك الله فيكم
زِدْتَ على ما طلبتُ يا زياد وجبتها صح يا أجيبها صح

بس حبايب ألبي انا قاعد أفكر في عدد من الجامعات السهلة نوعاً ما في الـ MBA والتي تبدأ في January القادم وطلعت لي عدد من الجامعات هل تنصحوني بها
University of East Anglia - UEA
University of the West of England - UWE Bristol
University of Westminster
University of Wolverhampton
هل تنصحوني بها .. واذا فيه غيرها وعندها نفس التخصص وفي نفس التاريخ آمل منكم راجياً تزويدي بها.
السؤال الاهم والذي يبطح نفسه دائماً:
كيف أقدم على تلك الجامعات؟؟ (اذا كنت ترغب في استكمال دعوة صمت البراطم لك .. الرجاء الاجابة على السؤال الاخير - اجباري ، عليه 100 من 50)

بارك الله فيكم

شكراً لكل الاعضاء اللي يقدرون يفيدونا بس مالهم خلق يردون

يقولون في الامثال: ما حك جلدك غير ظفرك

وعلى قولة أخواننا المصريين

آدي وشي إن دخلت هنا تاني

عموماً بارك الله فيكم

سلام

اخوي ابو البراطم
حياك الله جيت والله جابك
انا نفس وضعك هل هالجامعة معتمدة
University of Wolverhampton
تحياتي

قروشة

صمت البراطم
انا ماعندي خبره في شي لأن حالتي زي حالتك قاعده اشوف تجارب الأعضاء عشان لما ابتدي اقدم
بس اتوقع اذا تبي تقدم في أي جامعه تراسلها وترسل لها ملخص عن مؤهلاتك وكل شي عنك وتشوفها تقبلك ولا لا وهي راح تراسلك اذا بتقبلك مبدئيا ولا لا وراح تطلب منك اوراق واشياء زي كذا وبعدها ان شالله راح يتم قبولك بسهوله يارب وتتسهل كل امورك وبعثتك

الله يسهل علينا وعلى الجميع