مساعدة قبول دكتوراه في تخصص ادارة المخاطر Risk Management

ماشاءالله تبارك الله
الله يوفقك

افضل مصدر يعطيك الجامعات هو المشرف حقك في الملحقية , او تراسل ملحقية امريكا !
القائمة دائما تتغير و قبول الدكتوراة له شروط غير في الملحقية ..!
الله يوفقك ويسهلك امرك

ماشاءالله لا قوة الا بالله .......

بالتوفيق وعقبال الدكتوراة ......

اشكرك على ردك اخوي والله يجزاك خير بس اسمح لي اخالفك في الرأي وبكلمك عن ملحقيتنا في كندا والله انهم مايدرون وين الله حاطهم، قبول بكالوريوس مايقدرون يجيبون فما بالك دكتوراه وقبولي في الماجستير الفضل لله اولا ثم بجهدي وتعبي انا شديت حيلي في اللغة وجبت الدرجة المطلوبة في الايلتس ورحت للجامعة بنفسي وعملت مقابلة مع رئيس القسم وعطوني قبول غير مشروط والحمدلله ارسلته للملحقية ووافقو عليه على طول وبالنسبة لملحقية امريكا انا بصراحة مااعرف عنهم شي بس من خلال دخولي على ملتقى امريكا في الموقع كثير يذمون فيهم

وشكر لك اخوي

جزاك الله خير اخوي واتمنالك التوفيق من كل قلبي

سلام عليكم

أنا احبيت نتشارك الجهود, أنا أبحث عن قبول في مرحلة الدكتوراة في أي من مجالات العلوم المالية

و إدارة المخاطر من المواضيع التي تستهوني

فيالت نتكاتف,

إذا حبيت معلومات عن معدلي و الجيمات ياليت نتواصل في الخاص أو الإيميل

سلااااااااام

هلا اخوي جمال
الماجستير حقك في اي تخصص ؟ بصراحة انا كثير حبيت مادة ادارة المخاطر لما اخذتها في برنامج ماجستير المالية حقي وحسيت اني ممكن ابدع في هالمجال عشان كذا اخترت اني اكمل الدكتوراه فيه. خلينا في الخاص احسن واتمنالك التوفيق من كل قلبي

اذا الملحقية ماتفهم وهم يحطون النظام , وش تتوقع اجل من طلاب !!
خذ لسته يرسلسها لك طارق الشيخ المسؤول عن الجامعات في الملحقية في امريكا , وكلم الجامعة وحده وحده و قابلهم !

الله يوفقكم

بو كارلوس انت مرة مستسهل الشغلة وماخذ مقلب في الملحقية واي نظام ياخوي تتكلم عنه ؟؟ عموما يعطيك العافية على مشاركتك وبصراحة لا راح اعطي لستة لاحد ولاشي انا الحمدلله لقيت الجامعات اللي عندها الدكتوراه في هالتخصص وببدأ اراسلهم "مايحك جلدك مثل ظفرك" بعدين انا طالب وقلت انا اللي جبت قبول الماجستير في كندا وانت تقول وش تتوقع من الطلاب صدقني لا ملحقية ولاغيرها بتنفعني وبيض الله وجهك وماقصرت على مساعدتك

Risk Management هي أحد الملامح التي عن طريقها تستطيع أن تحدد ما إذا كان مجتمع ما متطور أم لا
فالمجتمع الذي يمارسها هو كالذي يمشي في طريق مظلم و يحمل منظار ليلي متطور يكشف له محيطه بأكمله
و المجتمع الذي لا يمارسها هو كالذي يمشي في طريق مظلم شديد الظلمة لا ينتبه للحفرة التي تحت قدميه إلا بعد الوقوع فيها

دراسة الـ Risk لذيذة و رائعة و قد تشرفت بالتعرف إليها كونها أحد مواضيع شهادة الـ PMP محترف إدارة المشاريع
فيا ترى كيف لو درستها دراسة أكاديمية !
لكن المهم هو تطبيقها و ليس دراستها

وفقك الله أخي ماسترز