جاني قبول بجامجعة العلوم والتكنولوجيا بالأردن

ياخوي انا ما انصحك لانه يقولون موقفين الالحاق بالبعثه بالاردن وبعدين رسوم الاختبار كثييره

جم ساعة عادلولك من الدبلوم وشنو تخصصك

هلا ابو سعود كاتبين أنهم عدلو 45 ساعة يعني الحد الأدني لاكن أنا أتوقع أنهم راح يعادلون في حدود 50 ل 55 ساعة لان المعادلة بالجامعات الأردنية على حسب جهة الدبلوم يعني لو كانت كلية المعادلة راح تكون 55 ولو كان معهد 45

تخصصي صيدلة يالغالي

انصحك تراجع الوزارة او الملحقية قبل لاتجي الاردن بخصوص الموضوع وخصوصا انه حسب علمنا ان الوزارة وقفت الابتعاث الى الاردن سواء كنت على حسابك او حساب الوزارة

والله يوفقك ان شاءالله

السلام عليكم ورحمة الله وبركاتة
هذي لى اول مشاركة وان شاء الله تكون فاتحة خير
وراح اشرح لك اخوي موضوعك وخلك معي خطوة خطوة ولو تبي بعد رقمي وتستفسر مني اكثر انا بعد تحت امرك
لاني نفس حالتك بالضبط تخصصي صيدلة وناوي اكمل بالاردن

اشرح لك من البداية
حبيبي انا كنت الاسبوع اللى فات في الاردن ورحت اتاكد هناك بنفسي من الجامعات ومن كل شي
اول جامعة بدءت فيها جامعة العلوم والتكنلوجيا
ورحت سألت هناك طبعا المبني مررره كبير وجامعة تستاهل هالكلمة ولكن في اشياء اهم من ذالك
رحت انا وسألت عن نظام الدراسه قالو نعادل لك مواد ونسوي لك نظام التجسير وتختبر وتكمل الرسوم الباقية ومن هالكلام
بس اول شي تاكد من قسم الصيدلة وشوف كم راح يعادلك
قلت طيب اوكية رحت قسم الصيدلة ودخلت على نائب العميد اسمه كارم الزعبي
وقلت انا دارس كلية صحية بالسعودية صيدلة وابي اكمل عندكم قال نعادل لك 55 ساعه وتكمل الباقي
قلت طيب كيف الجامعة من ناحية الدراسه ومن ناحية الدكاتره قال الجامعة مو سهله وسمعتها فووق وما يحتاج يعنى على حسب شطارتك قلت اوكية جزالك الله خير
طلعت وقابلك واحد هناك وسألته عن الجامعة وقال لى نصيحة اذا تبي تكون حياتك بدري لا تكمل هنا قلت ليش قال ما راح تعدي لو ايش ما كان وكثير طلاب سعوديين ما عدو وناس نسبهم في التسعينات وعباقره وما عدو وتأخرو في الدراسه وجاهم احباط بسبب رسبوهم وحنا عارفين بعض ونكون صريحين طبعا انا نصحوني ناس كثير يقولو ان الجامعة بحته وما ترحم احد ولا في شي اسمه مساعده ونظام الاسئله عندهم بالجهاز يعنى الكتروني ومافي احد يقدر يعدل درجتك لانو نظام الكتروني وقلت اوكية بعدها اتجة لجامعة عمان ونفس الحكاية بس الدراسه هناك متيسره والدكاتره يتواضعو للطلاب ويساعدوهم بالمعقول ورسومهم الترم 12000 ريال مع رسوم التسجيل وكل شي
ونفس نظام المعادلة
بعدها رحت جامعة البترا ونفس الحكاية نفس حامعة عمان بس الرسوم اقل بألف ريال بس ونفس النظام اللى في جامعة عمان
قلت اوكية طيب خلص هذاك اليوم
واليوم الثانية اتجهة على الملحق الثقافي اللى في الاردن وهو اهم نقطة لانو هو اللى راح يحدد مصيرك
رحت وسألتهم وقلت ابي اكمل دراسه
قال لي ايش تخصصك قلت صيدلة دخل على الجهاز وطبع لى ورقة وقال هذي الجامعات المعتمدة عندنا في السعودية
جامعة عماان وجامعة البترا وجامعة العلوم التطبيقية
يعنى العلوم والتكنلوجيا موقفه ومو معتمده
قلت طيب حلو ايش الاجراءات
قال عشان تكون شهادتك موثقه ويوم ترجع السعودية تكون معتمدة في اجراءات لازم تتبعها في الملحق
قلت اوكية مافي مشكلة واهم شي انها تكون معتمده مو ارجع بشهادة انام عليها
قال اديني جواز السفر
اديته جواز السفر وكتب اسمي ورقم السجل وطبع لى خطاب موثق من المحلقية
وقال هذا خطاب للاحوال المدنية بجدة طبعا اانا اخترت الاحوال اللى بجدة لاني ساكن بجدة
وقال هذا الخطاب تسحب فيه برنت من الاحوال يثبت انك طالب قلت اوكية وبعدها
قال بعدها تصدق الشهادات من السعودية
طبعا تصديق الشهادة كالتالي
الشهادة الثانوية من المحافظة اللى انت تابع لها واللى صدرت منها الشهادة يعنى مثل الشهادة كانت من التربية والتعليم بجدة تتصدق من هناك اوكية
بعدها تصدقها من الخارجية السعودية وبعدها تصدقها من السفاره الاردنية
هذي بالنسبة لشهادة الثانوية
بعدها تجي تاخذ شهادة الدبلوم والسجل الاكاديمي وتصدقه من الخارجية السعودية في الرياض ومن السفاره الاردنية من الرياض
بكذا تكون اوراقك كاملة وما ناقصك شي في السعودية
بعدها ترجع الاردن وتروح الخارجية الاردنية وتصدق الثانوية من هناك وبعدها تروح التعليم العالي في الاردن وتصدق الدبلوم من هناك ويكتب لك نظام المعادلة كم ويحدد لك اختبار في جامعة البلقاء اللى هو اختبار التجسير بعدها ترجع الملحقية واوراقك مختمه وجاهزه ومعاك البرنت اللى من الاحوال المدنية
ويسحب منك الخطاب ويدك استماره موافقة دراسه على الحساب الخاص وتعبي الاستماره وتوقع على التعهدات وبعدها يدك خطاب لا مانع من قبول الطالب لديكم بالجامعة طبعا الجامعة اللى انت تبي تدرس فيها وتتجه الى الجامعة ومعك الشهدات وتسلمها الجامعة وتسلم لهم الخطاب وتدفع لهم الرسوم ويدوك خطاب انهم قبلوك في الجامعة بعدها ترجع للملحقية وتديهم خطاب القبول ويفتحول لك ملف انك الحين صرت تبع الملحقية ويقول لك في شرطين اذا كنت تبي تلتحق وتنظم للبعثه
انك تدرس 30 ساعه على حسابك ولا يقل معدلك عن 75 في % وهذا الشرط مو مضمون لانو راح يكون حسب الاماكن الشاغره يعنى ممكن اذا حققت هالشرط يضموك او لا
بس في الاول والاخير يهمك ان الشهادة تكون معترفه وتكون موثقه وحكاية الرسوم ما راح تكلف اذا كان المقابل افضل واحسن
هذا طريقة التقديم من الالف الى الياء
طبعا حبيبي انا مثلك خلصت كل اوراقي هنا بالسعودية ولكن محتار بشي ولسى ما اخذت قراري فيه
ولو تحب انو نتشارك بالراى ماعندي مشكلة وافهمك على امور اكبر من كذا
راح ارسل لك ايميلي على الخاص انت ضيفني ونتكلم واوضح لك امور يمكن تكون نفس حالتي لاني كنت بتأسرع ولكن لحد الان محتار وسلامتك اى استفسار انا حاضر وجاهز لك بأي وقت

ما عليش اخوي الحلم السرمدي يقول ما اقدر ارسل رسالة لان مشاركاتي قليلة ولكن هذا ايميلي واتمنى ما ينحذف من الموقع لان قصدي اساعد الناس مو شي تاني
(تم حذف الإيميل لأن عرضه مخالف لشروط المنتدى)

حبيبي الحلم ايميلي هو آرآر22آرآر22 ( آت علامة البريد وبعدها msn .com طبعا ممنوع كاتبة الايميل ولكن ابي اساعدك واتمنى انك فهمت ايميلي :!!_!!

هلا و غلا بك اخوي الله يسعدك ويسهل امرك أنا اظفتك عندي ع الايميل و أيميلي هو abunasser_848 على الهوتميل

يالله يعني اللحين لازم اروح الاردن اخذ الخطاب اللي من الملحقية للاحوال يعني ما اقدر اطلع برنت من الاحوال بدون هذا الخطاب