بعثة للأردن تأيدون ام لا ؟؟

الله يوفقك اخوي

انا صراحة ما قريت كل الموضوع بس فهمت الموضوع
اولا: شيء طيب انك فكرت انك تكمل دراستك بدل ما تقعد على الفين ولا الفين ونص طول حياتك
اخوي انا ما ادري وش رغبتك انت
على العموم في تخصصات حلوة لا هي طويلة ولا هي صعبة
وفي نفس الوقت مرغوبة وراتبها كويس والله يعلم اللي فيه الخير
اما بالنسبة للالتحاق للبعثة نعم في التحاق للبعثة
يعني تدرس تقريبا ثلاثين ساعة وتجيب معدل
اتوقع ماهوب معدل صعب بس يعني تقريبا جيد جدا
وبعض الشروط الثانية اللي ممكن تستفسر عنها عندالملحقية
بعدين انا ما انصحك بمصر لانو الطلبة كثيرين هي صحيح افضل من الدول الغربية بالنسبة لي
لكن بالنسبة للانضمام للبعثة اتوقع انها صعبة لانو مثل ما قلت لك الطلبة واجدين
بس الاردن والله ما ادري عنها
ممكن الاخوان يفيدوك
معليش اخوي انا تفلسفت عليك واجد بس لاني شفت ما احد رد عليك فقلت يمكن اني اقدر اساعدك
اتمنى تكون معلوماتي البسيطة هذه افادتك وربي يوفقك وييسر امورك ................
وتقبل تحياتي

اخوك الطبيب السعودي

انا معك اخوي الكريم اطلع بعثة أفضل لانها فرص لن تتكرر يعني تدرس من 30 ساعه الى 33 واذا كملتها تنضم وطبعا يكون معدلك جيد جدا والافضل لك مصر لان الاردن مشاكلها كثير واغلب الجامعات وقفو فيها الابتعاث ومصر سهل جدا انك تعيش فيها والشعب مره طيوب وكويس واذا على الوظيفة انشالله لما ترجع بــ شهادة راح تتوظف ضعف المبلغ اللي قلت علية موفق اخوي وانشالله ربي يوفقنا اجمعين

الحمدالله .. والله يكتب اللي فيه الخير ان شاء الله .



والله الرغبات واجد بس اللي مقتنع فيه :

هندسة كهرباء - هندسة حاسب - ادارة اعمال ) وش تقترح انت علي " ان الله كتب ورديت علي مره ثانيه "


يعطيك العافيه ما قصرت انا بس كنت ابي هالمصطلح ( الالتحـاق بالبعثة ) وطلعت الشروط . تسلم طال عمرك


انزين ليش مصر لالالا .. صحيح انهاا مليانة عشانهاا طيبة ومرغوبة واجد .. : (
الاردن شيكت عليهاا الي قال حلو بالطب .. والهند مدحوهاا كثير *_*



اكيد يالـغلا ساعدتني ويعطيك ربي مليون الف عافيه ويوفق الجميع ان شاء الله .

يعني اتشوفين ان مصر افضل من الاردن ؟

هو صحيح الاردن معظم الجامعات موقفين الابتعاث فيهاا ( لتكدس الطلاب )

ان شاء الله نشوف مصـر .. الا ما علقتي ع االهـند وش رايك .. ؟

ويعطيكي العافيه ع المساعده ولله يوفق الجميع .

ان والله ائيدك على الصين <<<<<<<والله ما امزح
ماشاء الله الملحقيه هناك مرة ممتازيين والامور ماشيه تمام والطلاب مافيه تكدس واسعار الجامعات تعتبر معقوله ومقدور عليها
بس اذا انت بكالوريس راح تكون دراستك بالصيني يعني لازم تلتحق بمعهد لغه تابع للجامعه لكن اللغه مرغوبه جدا خاصه في الوظايف لدى شركات كبيرة مثل ارامكو او سابك وفي تخصصات مثل الادارة العامه او المحاسبه او التسويق
ممكن تدرس الطب البشري في الصين ويكون باللغه الانكليزيه ولا عندهم تعقيدات من نا حيه النسب او استخراج الفيزا
وكمان عندك اليابان وفي فرصه الان للي يبغى يبتعث الان ولكن على حساب الدوله اليابانيه وتلاقي الخبر هنا
http://www.mbt3th.us/vb/forum83/thread104626.html
وراح ينتهي التقديم عليه يوم الاحد المقبل
عموما اللي نسمعه ان الاردن وقفوا الابتعاث لها في كثير من الجامعات لتكدس الطلبه السعوديين هناك
ومصر ماعندي خلفيه عنها
اما الهند فكثير من الناس في المنتدى يمدحون فيها
الله يوفقك وييسر امورك ويختار لك الطيب

ام جودي

مشكورة خيتو والله فكره عظيمة ( اليابان )

خبرني عليها ولد عمي قال رح اليابان .. ( وقتها ضحكت في وجهه حيل فطست ضحك عليه )

لكن الحين انتي ماشاء الله عليكي كفيتي ووفيتي بالشـرح وفهمتنينا بالدراسة اشلون وعطيتنا معلومات ما ندري عنهاا ودخلت الروابط كلها وتعمقت شويات ..

بس فكرة اني اطلع لدولة غير عربية ماظنتي ( على كلام الوالد )

لكن ان شاء الله بأعرض عليه الموضوع وان شاء الله خير وتسلمين طال عمرك ع المـساعده

والله يوفقك ويحقق لك اللي تبيه ان شاء الله .

والله ياخوك ليش لا وش بلاها الصين ولا اليابان
وبعدين مثل ما قلت لك انا شخصيا قابلت طلاب كثيرين عندنا في مصر وكلن يدور على هالبعثة
فاهم شيء بالنسبة لك انت هو مكان ما يكون فيه عدد الطلبة كثير
طيب وش رايك باليمن جامعة العلوم والتكنلوجيا والله انها زينة ورخيصة واليمن بلد حلوة وقريب من عاداتنا ولا تحس انك في غربة والجامعة معترف فيها عالميا ......(بس بدون ضحك لو سمحت.....هههههههههههههههههههههههههههههههه)

اما من ناحية التخصص الهندسة خاصة الكهرب حلو بس في نفس الوقت صعب يعني يبي لك تكون حق رياضيات وطال عمرك تفهم في المادة هذه لانو اهم شيء رياضيات
بس والله كنصيحة انصحك في بعض التخصصات الطبية اللي هي مرغوبة في كل المستشفيات وللاسف بعضنا ما يعرف قيمتها
مثل المختبرات اربع سنوات ولا هو تخصص صعب وبرضو الاشعة
تقريبا هي كلها اربعة سنوات وهي من التخصصات اللي الدولة تبتعث لها ومثلها مثل الطب والاسنان والصيدلة
كنصيحة اخ فكر فيها ورح استشر ناس كبار وناس تفهم في التخصصات المرغوبة
معليش ترى مجالي الطب عشان كدا ابغاك تصير حق مختبرات يعني نصير زملاء في مستشفى واحد
ههههههههههههههههههههههههههه

الله يوفقك اخوي

ولا تنسى الاستخارة فهي اهم من كل النصائح ومن كل كلامنا هذا

تقبل تحياتي اخوك الطبيب السعودي

الصين واليابان احسها صعبه من جد ياخي والدراسة تكون على لغتهم ( يعني انا لي مدري كم سنة ما فلحت بالإنقلش زين )

اليمـن ؟ ( اليمن دولة عزيزة وغاليه ونحترمهـاا ) بس بيني وبينك كثير قالولي اليمن حلوة ومعترفه وكل شي " بس انا ما ني معترف فيها قبل كل شي " ( انت قلت بدون ضحك )

طيب ماعليـناا خلنا من الهندسـة . انا من اول افكر بالطـب وش رايك " بالأشـعة او الصيدله ؟ .. وهل دراستهـا صعبة ..

زي ما انت عارف انا ما فكرت بدراسة للخارج الا من شان ارتقي بالراتب بعدين .. ) وعلمني كم تكلفة هالتخصص في اي بلد كان . ؟

انت درست بالخارج ولا لا .. واذا درست علمني وشلون امورك


ويعطيك العافيه .. لنا عودة اكيد ان شاء الله

الله يوفقك اخوي
اولا كل تخصصات الطب مهمة ومرغوبة بس الطب البشري طويل شوية فهمت علي
بس التخصصات الثانيية اقصر منه نوعا ما مثل الاسنان والصيدلة والمختبرات والاشعة والعلاج الطبيعي
بالنسبة للاسنان والله انا اشوفه احسن تخصص ومن ناحية الرسوم هو طبعا ارخص من الطب
اما الصيدلة اللي اعرفه انها صعبة لان فيها الكيمياء وتعرف الصيدلة فيها عقاقير ومركبات
اما المختبرات فهي صراحة تخصص جيد وكل المستشفيات محتاجة وتقريبا مدتها ابرع سنوات
والاشعة نفس الحكاية
اما من ناحية التكاليف والله ما عندي اي فكرة بس اعرف عن جامعة العلوم والتكنلوجيا اليمنية تقريبا الصيدلة بثلاث الاف دولار تقريبا 12 الف ريال سعودي طبعا هي ارخص دولة على مستوى الدول العربية اما الاشعة والله ما عندي فكرة

وانت سالتني عن الدراسة في الخارج والله شوف الغربة ماهيب سهلة واكيد الدراسة في ديرتك افضل
بس خلاص اذا انت تبي العلم وتبي تدرس وتشوف مستقبلك ما في شيء يعيقك باذن الله

وانا نصيحتي لك شوف لك اي دولة عربية تدرس فيها طال عمرك قريبة من عاداتك ودينك
ومرة ثانية اقول فكر باليمن تراها حلوة ورخيصة وفيها جامعة قوية مثل ما قلت لك

الله يوفقك اخوي
وان بغيت اي شيء من مصر تراني حاضر وان شاء ما رح نقصر معاك انا وكل الاخوان اللي في مصر

يلله في امان الله