تجمع لطلاب وطالبات جامعتي الشارقه والجامعه الامريكيه

و عليكم السلام ورحمه الله و بركاته ..

امممم اخي بحاول اساعدك ..

انا ادرس بجامعه الشارقه ..عشان كذا حكلمك بس عن الشارقه اما الامريكيه ما اعرف عنها شي ..
بس انا اقول لك من وجهه نظري إمكن غيري يرفضها ..
الامريكيه مرره كويسه و شهادتها تعبر قويه مقارنه بالشارقه بالذات لو حتدرس هندسه يعني الواحد يدرس في الامريكيه احسن من الشارقه ..
وجهه نظر لا غير .. و امكن اكون غلطانه ..

دحين حجاوب على اسألتك ..

بخصوص معادله الشهادات انا ما عندي اي فكره هذا يعتمد على التخصص و يعتمد على المواد إلى حتنزلها و هل الجامعه تعادلها ولا لأ ..لازم تسألهم

تكاليف الجامعه ..
يعني يبدأ في جامعه الشارقه من 29 ألف درهم إلى حوالي 45 ألف درهم بالسنه و هذا على حسب التخصص ..
ماعدا كليات الطب و طب الاسنان السنه التأسيسيه لهم بـ 37 ألف درهم .. اما بقيه سنوات الدراسه للطب و الاسنان 80 ألف درهم ..

بس شوف بمجرد ما تدرس 30 ساعه كامله و معدلك يكون 2.5 و ما فوق من 4 على طول تنظم للبعثه ..
بس قبل كذا لازم تفتح ملف في الملحقيه السعوديه في الامارات ..

السكن ما عندي فكره كيف السكن جوه الجامعه بس هذه صفحه تبين تكاليف الغرف في السكن ..
http://www.sharjah.ac.ae/Arabic/Admi...usingFees.aspx
في كثير طلاب يسكنوا بره يعني مو بالسكن في كثير بيوت جنب المدينه الجامعيه و عن التكاليف ما عندي اي خبره ..
إن شاء الله غيري يفيدك في هذه النقطه من الطلاب إلي بره و جوه السكن الجامعي ..

المعيشه في الامارات حلوه .. غاليه حبتين .. بعد ما تدخل على البعثه يعطوك مكافأة حوالي 4200 درهم (كثير طلاب يقولوا انها تكفي و الله اعلم .) انا ما اقدر احكم لأني حتى الان لم ادخل على البعثه ..

ممكن تتواصل معهم ..
هذه ارقام تليفونات جامعه الشارقه ..
http://www.sharjah.ac.ae/Arabic/Abou...contactus.aspx

و هذا موقعهم هتلاقي كل شي عنهم ..
http://www.sharjah.ac.ae/arabic/Pages/default.aspx

و هذه ارقام الامريكيه ..
. UAE, Phone: +(971) 6 515 5555, Office of Enrollment Management: Phone: +(971) 6 515 1000

و هذا موقعهم ..
http://www.aus.edu

و إذا عندك اي سؤال انا جاهزة ..

و إن شاء الله غيري يفيدك في الاسئله إلي ما قدرت اجاوبهم ..

بالتووفيق لك اخي ..

تقبل فائق إحترامي و تقديري ..

إختك ..
MiSs_Dr

السلام عليكم ورحمة الله وبركآته

انا طالبة جديده , سجلت بجامة الشارقه تخصص طب بشري ..

ولما رحت اسجل قالو لي ان فيه سنه تأسيسيه يبي لي اجيب فيها درجآت عاليه عشان اكمل طب

انا مرره راغبه بالمجال وممكن اسوي اي شي وادرسه عشآن كذا قبلت وقلت بسوي كل اللي اقدر عليه عشآن احقق حلمي

بس عندي شوية اسئله وياليت تفيدوني :

1- ابي اعرف اكثر عن السنه التأسيسيه .. وش المواد اللي رآح آخذها ؟ كيف اقدر اعدي المواد بسهوله ؟ كم يبي لي اجيب بكل ماده عشآن اكمل طب ؟

2- اللي درسو بالجامعه كم جلستو وجاكم الابتعآث ؟

3- ياليت اقدر اتواصل مع اي بنت نفس تخصصي وادرست سنه تأسيسيه لاني محتاجه حد يفهمني وش السالفه

4- انا قالو لي ان فيه اختبار توفر بتآريخ 7 سبتمبر بالجامعه نفسها فاياليت اي احد عنده فكره عن اختبار التوفل يقول لي ..

يآليت تفيدوني وتردون علي بـ اقرب وقت لاهنتو

مشكورين وجزاكم الله خير

هلا عزيزتي ~

اهلا وسهلا بك معانا
وبالتووفيق ان شاء الله بسنتك الجديده ياارب ..

انا طالبه طب بشري في جامعه الشارقه السنه الجايه 3 جامعه 2سنه طب ..
لو محتاجه اي شي من استفسارات وكدا انا جااهزةبأي شي ~
\\
اسمحيلي اجاوب على اسئلتك ~
1- السنه التأسيسه احنا نسميهـآ سنه منافسه لا اكثر لآنه الجامعه تقبل 300 طالب وطالبه للبشري والاسنان ويتم اختيار 200 أو 160 طالب وطالبه عشان يكملوا طب ..
الاختيار يتم على اساس معدلك للفصلين 30 ساعه بالاضافه للمواد العلميه ..
المقصود انتي المفروض تجيبي 2.5 فأعلى من 4 عشان تطلعي سنه اولى طب ..
بس لازم تحطي ببالك اعلى 100 حينقبلوا !!
يعني دفعتي وقفوا على 3.1 من 4
والدفعه الجديده هذه السنه وقفوا على اعلى من كدا على حد علمي !!
فلازم تشدي حيلك كوويس
الدراسه حلوه ..
حتواجهي صعوبه في البدايه بسبب الضغط وما الى ذلك ..
بالاضافه ممكن اللغه تكون عائق في البدايه بس الموضوع يسهل بعد كدا
بس اهم شي شيدي حيلك ..
واسألي الطلاب الي اكبر منك عن الدراسه والاختبارات والدكاتره وكدا ..
المواد الي لازم تاخذيها في هذه السنه ..
بايو 1 و2 ومختبراتهم
كيميستري 1 و 2 ومختبراتهم
فزكس ومختبر
اكاديمك انجلش
انجلش تيرمينولوجي
انترودكشن تو ميدسن
هذه تقريبا المواد الي انتي مطالبه فيها
بس اهم شي البايو 1و2 والكيمستري في نهايه السنه لآزم تكوني جايبه فيهم اعلى من 2.5 من 4
\\
2- انا بعد ما خلصت السنه التاسيسيه يعني 30 ساعه ومعدل اعلى من 2.5 من 4 جاء لي الابتعاث على طول ..
بس في الوقت الحالي على حد علمي الالحاق بالبعثه مغلق ..
بس ممكن تتصلي بالملحقيه تفيدك ..
\\
4- بخصوص التوفل ..
اختبار الجامعه توفل ورقي ..
اهم شي غاليتي انك تعرفي طريقه الاختبار وتدربي عليهاا ..
الاختبار مكون من استماع و قواعد و قرأة قطعه عليها اسئله
كله اختياري ؟؟
بس لازم تتدربي عليه وتشوف اسلوب الاختبار ..
لآنه الاختبار يعتمد على السرعه السرعه في اختيار الاجابه الصحيحه..
ولازم تجيبي 500 ومافوق حتى تدخلي وتبدأي تداومي ..
المشكله انه الاختبار يوم 7 والدوام 11 يعني الوقت ما يكفي ..
فلو لاقدر الله ما نجحتي بالاختبار ما تقدري تداومي الا على السمستر الثاني فبهذه الحاله لازم تاخذي صيفي ..
بس احنا ما نبغى نتكلم على هذا الموضوع دحين اهم شي انك تركزي بالتوفل وتجيبيه ..
او انك تحاول تقدمي لآختبار الايلتس وتبدأي تدربي عليه ..
\\
بالتوفيق عزيزتي ~
ولو عندك اي استفسار ثاني انا جاهزة
بالتووفيق ان شاء الله ~

العفوو يالغلا ..ما عملت شي
مو مشكله ان شا ء الله خيره ~
اهم شي شدي جيلك بالتوفل عشان تداومي من بدايه السنهـ ^_^
ان شاء الله وانتي قدهـآ ان شاء الله ~
لا تخافي واتوكلي على الله ..
\\
المشكله انه مافي اي نموذج حق الجامعه بره ..
بس بعطيك نبذه عن كل جزء من الاختبار عشان يكون عندك فكره عليه ..
\\
اول شي الاختبار ينقسم اى 3 أقسام ..
طبعا مافي وقت راحه بين قسم وقسم الاختبار تقريبا ساعتين ونص ..

القسم الاول

الاستماع ..

تقريبا 50 سؤال
ينقسم الى 3 أقسام

القسم الاول A
تقريبا 35 سؤال = 35 محادثه مختلفه
طبعا السؤال مو موجود قدامك بس اجاباتك وانتي تحتاري الاجابه الصحيحيه..
مثال ::
o Female: Why are you leaving so early? The movie doesn’t start till seven.
Male: I don’t want to be at the traffic there. It’s a nightmare on the expressway during rush hour.
Question: What does the man mean?
♦ He wants to go early to avoid a traffic jam.
ο He wants to leave the theater before the movie is over.
ο He doesn't know the way to the theater.
ο He doesn't usually get up at 7:00.
× × ×
القسم الثاني B

تسمعي محادثنين اطول وقدامك تقريبا 6 اسئله تجاوبيها
× × ×
القسم الثالث C

تسمعي محادثه طويله وقدامك تقريبا 8 اسئله ..
× × × ×

القسم الثاني ..

القوآعد
25 سؤال ..
مقسمين على قسمين ..

الاول :
اختياري عادي
10 اسئله
× × ×
الثاني :
15 سؤال
يجيبوا لك جمله وتحت 4 كلمات خطوط ويقولولك طلعي الكلمة الخاطئة ..
× × × ×

القسم الثالث ..

القرأءة ..
5 قطع وكل قطعه عليها اسئله ..
تقريبا مجموع الاسئله 50 أو 55 سؤال ..
والوقت 50 دقيقه ..
||

هذا هو الاختبار ..
يحتاج سرعه وتدريب وتركيز ..
الاستماع والقواعد يعتبر سهل لو ادربتي عليه والقرأة هي الواحد الي يلاقي فيها صعوبه بسبب انه الوقت واحيانا القطعه ما تكون مفهومه بسبب استخدام بعض الكلمات الغريبه وكدا
فيصعب عمليه فهم القطعه ..
\\
بس لاتخافي توكلي على الله .. وربك كريم ^_^
في كتاب حلو اسمه Longman
يساعدك عشان هذا الاختبار يعني فيه نماذج وكدا ..
بس عيب هذا الكتاب انه السي دي الي موجود مافيه كل القطع حق الاستماع ..
بس الكتاب حلوو من ناحيه طريقه الاستماع و القواعد و القرأءة يعني شاارح لك كل شي ممكن يجيك ..
انتي ادخلي الاختبار واتوكلي على الله ..
وربك كريم ..
بس لا قدر الله لو ما عديتي لا تيأسي عاادي جداً ..
وعلى اساس الدرجه الي بتجيبيها تدخلي ليفل ( مستوى لغه ) في الجامعه ..
لو تبغي يعني انتي مو مجبوره انك تاخذيها ..
وفكري بالايلتس ..
الايلتس حلوو وفرصه حلووه بالنجاح ..
__________________________

بالنسبة للسكن حلوو ..
اول الايام بتحسي نفسك غريبه وكدا بس الوضع بيعجبك بعدين ..
الواحد يعتمد على نفسه ..
وببتعرفي على بنات كتيير هيناك .
ولا تخافي كتيير سعوديات بالسكن يعني احنا معاكي ^_^
بالتووفيق عزيزتي ..
ولو احتجتي اي شي احناا موجودين ^_^