تعبت نفسيا ساعدووووووووووني بليز !!!

الله يوفقك اخوي

بالنسبة لمصر والله مانب متاكد بس سمعت انهم ما عندهم تخصص مختبرات مثل ما عندنا في المملكة عندنا كلية علوم تطبيقية وفيها تخصص المختبرات لكن مصر سمعت انهم يدرسون في كلية العلوم

على العموم انا نصيحتي لك الاردن لاني سمعت عن الجامعات الخاصة ولو انها غالية شوية
وعندك كمان اليمن اعتقد انها رخيصة جامعو العلوم والتكنلوجيا جامعة خاصة ومعترفة وقوية كمان
وفيها طلاب سعوديين واجد

أبشرررررررررررررررررررك مافي للأسف..

انا خريجة دبلوم مختبرات من جامعة الملك سعود دراستي كانت سنتين ونصف .. رحت الأمارات في ابو ظبي وزارة التعليم هناك تعادل شهادة الدبلوم لكن المشكلة من الجامعة.. الجامعة تعادل كل التخصصات ماعدا تخصص المختبرات مادري ليش!!

ورحت الأردن جامعة العلوم والتكنولوجيا في أربد نصب في نصب قبل لأروح تعالي وبنعادل ولما رحت ماعادلت شي أبدأ من الصفر وما ارتحت للوضع وسحبت منها ورجعت..
هي الجامعة اوك قوية بس راح تبدأ فيها من جديد.. قبل لا أرجع نصحوني اني اروح جامعات اهلية في الأردن يعني مو حكومية يقولون انهم متساهلين اكثر ويعادلوا ساعات تقدر انت تراسلهم وتشوف شنو يقولون لك..

في جامعة الرياض(طب الاسنان والصيدلية)..هذي سنوات الدراسة فيها 5 سنوات 4 تخصص و سنة تدريب لما طلبت منهم معادلة عادلوا لي 30 ساعة تقريبا سنة وكلها مواد عامة .. تقدر تسألهم عن المعادلة تدفع 500 ريال اظن او يمكن 100 مادري نسيت ويطلعوها لك في اسبوع او اقل..

في جامعة البترجي في جده اظن نفس الشي ..

طبعا بالنسبة للأردن والأمارات او اي دولة عربية اذا تبغى بعثه ياتروح تقدم اوراقك وتاخذ قبول وبعدين تروح الوزارة وتقابل العطية وتقول له انا عندي قبول وتشرح له وضعك يمكن يلحقك ببعثة .. او تروح تدرس على حسابك ولما تكمل 30 ساعة يعطوك بعثة يعني بعد سنة دراسية..

بالنسبة للجامعات الا في السعودية فيهم ابتعاث داخلي بس ماعرف وش طريقته بس الا كنت اعرفه مثلا جامعة الرياض اذا جبت معدل اوك تلحق بالبعثة واذا نزل المعدل تنسحب منك ومافيها مكآفأت وأظن الابتعاث الداخلي بشكل عام مافيه مكافأت بس تعفى من رسوم الدراسة

طيب يفرغوني من وظيفتي بحيث أني استلم راتبي الين اخلص الدراسة واضم زوجتي كذلك لتكمل دراستها ولا كيف الطريقة


بجد الى يبغا العلم يعقدونه والى مايبغاه يعطونه كل شي والله قهر


الواسطات ماصارت تنفع كل واحد يلله يتوسط لنفسة وشغلة لكن أسأل الله أنه ييسرها لى وللجميع

الله يوفقك اخوي وانصحك تسال كثير قبل اي خطوه تخيها وانصحك انك تسال الطلبه الي في مصر وطريقه المعادله وانك متى تنضم للابتعاث بعد كم ساعه .
ولا تتعب عقلك ولا نفسيتك وراس الادمي صحته بما انك مرتاح نفسي انت في ممن من الله
وكيف تنضم في اي دوله يكتبها ربي لك
وبالله التوفيق

أتوقع اي جامعة بتدرس فيها لازم ماتكون مرتبط بوظيفة حكومية يعني متفرغ للدراسة.. او انك تخلي زوجتك تدرس وبعدين اذا التحقت ببعثة انت تدرس كمرافق ومحرم لها..

بس الابتعاث الداخلي في السعودية لو انك دارس بالسعودية والتحقت ما أظن تقدر تلحق زوجتك بالدراسة لأن اصلا مافي مكافأت بس تعفى من الرسوم ماتدفع شي وهذي يبي لها مصرف

اما الابتعاث في الدول العربية بعد ماتلتحق انت ببعثة راح يعطوك مكافأة متزوج وتقدر زوجتك تدرس بعد.. لكن لازم تكمل 30 ساعة عشان تحصل بعثة..


الدراسة في جامعة العلوم والتكنولوجيا اربد لما رحت ماكانت غالية كانت تقريبا 9 آلاف ريال بالسنة .. بس زي ماقلت لك مايعادلوا واجد.. ولازم تكون دراستك معترف فيها من وزارة التعليم العالي هذي في اي مكان اذا بغيت تكمل لازم تكون دراستك معترف فيها عشان تتعادل لك ساعات ..
وفي جامعة اربد عشان يكتمل تسجيلك لازم تاخذ اختبار في جامعة البلقاء في نفس تخصصك اذا عديته تحسب لك ساعات المعادلة واذا ماعديت يرجعوك من اول بس أظن تقدر تعيده اكثر من مرة وتقدر تبقشش ويعدوك

الجامعات الخاصة في الأردن متساهلين اكثر من الجامعات الحكومية..

انت ع العموم حدد المكان الا تبغاه ادخل على موقع وزارة التعليم العالي وشوف الدولة وايش الجامعات المعترف فيها والتخصص اذا موجود او لا .. بعدين ادخل على الجامعات وخذ الأرقام وكلمهم وشوف وش يقولوا لك و وش المتطلبات..

الله يوفقك اخوي,,

بنت الشرقية وفقك الله فعلاً وقفة لاتنسي

وأشكر أخي فايز العنزي


وأخي الطبيب النفسي

وتقبلوا تقديري لكم

أبو يارا((العلم من المهد الى اللحد)),
العلم ليس له سن معين, وبعدين الله يخليلك اطفالك,والحمد لله انك بعافيه وصحه واقولك اذا انت محدد لك هدف راح تاصل له باذن الله عز وجل بالعزيمه والاصرار,

امور الدراسه يبيلها بحث ومعلومات دقيقه باختصر عليك اذا تبي الاردن انصحك بالجامعات الخاصه مثل ما تفضلو الاخوان,مو تقصير بالجامعات الحكوميه بالعكس ,
ثانيا/اسئل اهل الخبرة من الناس الي هم نفس تخصصك وطريقة التكمله وهذا اميلي للتواصل معك وانا اخوكhoojas991@hotma