بخصوص تكملة دراسة الطب باليمن ؟

الله يوفقك اخوي (وعقبالي اكون مثلك يوم من الايام سنة سادسة يا حظك والله ياخوك)

انا اسف ما اقدر افيدك في المعادلة ما المعادلة لكن ياخوك ممكن سؤال اعتبره لقافة مني
لكن انت وراك تحول الى اليمن معليش ليش هل الدراسة صعبة في ام القرى بعدين وش اللي عاجبك في الغربة ؟؟؟؟؟؟؟

معليش على الاسئلة الكثيرة .............................
اما عن التواصل للجامعة فعن طريق السفارة اليمنية في الرياض او القنصلية في جدة
ماني متاكد عن جدة لكن الرياض السفارة اليمنية فيها جناح لجامعة العلوم والتكنلوجيا يعطونك استمارة على انت تقدر تستفسر من عندهم
الله يوفقك

انشاء الله شباب اليمن ما يقصرون معك ورح يفيدوك باذن الله

السبب انه احس السنة صعبه عليا .. وانا ما ابي اكمل في الطب في حياتي
ابوي رجل اعمال وباروح اشتغل معه
بس وش اسوي وصلت سنة سادسه
وانا تقريبا محبط .. ويا دوب بس بادفع نفسي عشان الشهاده وحسب ما سمعت انه جامعة اليمن اسهل ... من هنا فعشان كذا باروح اكمل هناك

اذا رقم السفارة بالرياض انا اتصل بهم ؟

اخي روقي/ المعادلة في جامعة العلوم والتكنولوجيا اووووووووقفت وبشكل نهائي ومتاكد من كلامي 100%

والسبب لانها جامعة اهلية وتحب الفلوس حسبي الله عليهم

وعلى فكره انا واحد من الطلبه السعوديين في هذه الجامعه ونصيحة اخ لاتجي هنا اول شي العيشه هنا سااااامجه والوضع الامني لك عليه شوي

يعطيك العافية اخوي الاول

مع اني متصل قبل شوي بالاخ الاهدل بالقنصلية اليمنية ومسؤول الجامعة
وقلي نعادل لك المواد
لكن مافي تقديم الان
لازم الصيف
وقلي لازم شرط قبولك في الملحقية الثقافية باليمن طالما انت سعودي ؟
بصراحة ما عرفت وش شرط الملحقية لاني باروح على حسابي

اما بخصوص المعادله بالله تأكد لانه كذا مالنا حل الا في التكملة بالسعودية بدون نفس والله ... .. وماهمني المعيشة كلها كم شهر باذن الله وانا مخلص وراجع البلد

والله غريبه انه قالك فيه معادله !!!!!!!!

كثير من اخويياي يبون يسجلون في الجامعه قالو لهم قسم القبول والتسجيل ماااااااافيه معادله خلاص الغيناها نهائيا بس انا راح اسال واتاكد واردلك خبر

اخوي الاول .. هل تأكدت
ارجو سؤال احد منسوبي الجامعه وان كان ع المبلغ انا مستعد ادفع الدبل

وشكرا

السلام عليكم ياغالي

اول الله يوفقك يارب باقي الجماله كمل احسن لك << مجرد نصيحه

انا طالب لي اربع سنوات بالجامعه

قصه معادله مافيه يالغلا يمكن السنه الجايه يفتحونها مدري بس الحين فيه قرار ممنوع المعادله الخارجيه بس معادله من نفس الجامعه فيه

بالنسبه للوضع الامني انا ارى مافيه شي الاوضاع بصنعاء مستتبه

اي سوال ثاني حاظر

سلام عليكم وبعد انا اخوي بي يتخرج هذي السنه ويبي يدرس طب اسنان معى العلم ان نسبته المركبه حتي الان 91%فا بغيت اسأل عن جامعة العلوم والتكنولوجيه هل معترف فيها؟ وكم تكلفت الدراسه؟ وهل فيه طلاب سعودين ؟ وتكلفة المعيشه هناك مرتفعه؟وماهي شروط القبول اهم شي ؟ هل في اختبار قبول؟ ااااااااااااااااااااسسسسسسسسسسففففف جدا علي كثر الاسأل ارجوكم لوسمحتوا اردبسرعه ولكم الاجر وشكرا