متى بداية السنة الدراسية الجديده في جامعة الشارقه

هلا بك اخوي
الدراسة تبدا في تاريخ 19-9-2010
طبعا التقديم مفتوح الان اذا لسه ماسجلت
اذا متزوج طبعا ماتقدر تسكن بسكن الجامعه
في شقق قريبة من الجامعه وايجاراتها تتراوح من 30 الى 40 الف حسب عدد الغرف
بعجمان ارخص تقريبا تلاقي غرفتين وصاله بـ 38 الف درهم بس بعيده شوي وبعض الاحيان يكون زحمة الطريق
المكافأة بما انك مع زوجتك اعتقد ماتكفي مره خصوصا عندك ايجار شقه عالي وتكاليف معيشه والبنزين لاتنسااه غالي مره هنا
والمعيشه اصلا غاليه بالامارات مقارنة بالسعودية
يعني يبيلك تجدول مصاريفك وتحسبها بالريال

موفق يارب

معليش اخوي صاحب الموصوع
سؤال - انا لقيت تخصص مساحة في جامعة الشارقة
وانا معي دبلوم كلية التقنية هل الجامعة تعادل الساعات ؟؟
وشكرا

اخوي الافضل تجي الجامعة وتتفاهم معاهم
لان بعض الاحيان يعادلون واحيان لا

موفق ياخوي

اهلين اخوي انا للحين ماعادلت شهايدي بس اخذت قبول مبدأي من عندهم والحين افكر بالمعادله

بس اللي اعرفه ان المعادله عن طريق التعليم العالي الإماراتي

لاهي صعبه مره ولا سهله مره الدراسة متوسطة ويبيلها شوية اجتهاد وتحصل امتياز ان شاء الله

موفق يارب

الله يعطيك العافيه اخوي نواف

والله يسمع منك أن شاء الله



تقبل إحترامي ومودتي لك

السلام عليكم
اخوي اتمنى تفيدني كيف قدمت ع البعثه
لانو انا كمان حابة ادرس في جامعة الشارقة بس مني عارفه متى يبدا التقديم وكيف
ودخلت ع الموقع بس دايما يكون التسجيل منتهي
اتمنى تفيدني والله يوفقكم جميعا

اهلين اختي مادري اذا كنتي موظفه او لا؟ لانها تفرق

انا موظف وكان وقتها مفتوح الابتعاث وقدمت طلب عن طريق المستشفى الي اعمل فيه وبعد كذا خلصت الاوراق المطلوبه وذهب للمديريه اللي تابع لها وبعد كذ اخذتها ورحت للوزاره وهناك خذت وقت وطلبو مني قبول مصدق من إحدى الجامعات وانا اخترت جامعة الشارقه ورحت لهم واخذت القبول وارفقته لإدارة التدريب والإبتعاث بوزارة الصحة والحمد لله تمت الموافقه على طلبي هذا اللي صار معي بإختصار اتمنى اني قدمت فائدة لك
تقبلي إحترامي