إلى الطلاب السعوديين في جامعة الشارقة

هلا بك اخوي
نعم في شقق كثير جنب الجامعة وتلاقي العماير عند المنطقه اللي فيها مطعم هوت برجر
والاسعار تترواح من 30 الى 50
غرفه وصاله تلاقيها بـ 30 .. غرفتين وصالخ تلاقيها بـ 38 الى 42
طبعا اذا بتدفع كاش رح يقل المبلغ حسب اتفاقك معاهم بس اذا على دفعات مثل المبالغ اللي فوق لكن حط في بالك اذا على دفعات لازم تحط شيكات عندهم وتكون من بنك اماراتي

بعجماان تلاقي أرخص بشوي مافي فرق كبير

الله يوفقك ويسهل عليك

يعطيك العافيه اخوي نواف بس ياريت تقولي اسم المنطقه او الحي اللي فيه طلاب سعوديين

وبالنسبه للإيجار في البدايه لازم مقدم ولا ايش؟

والاثاث عندك فكره عنه يعني في محلات تبيع لك بالجمله

شاكر لك اخوب مررره ثانية

مرحبا فيك في الامارات
انا امارتية ويمكن افيدك بالموضوع
اول شي في الامارات مافي سكن مع عائله اماراتية
يمكن تلاقي سكن مع اجانب في دبي
بشكل عام عجمان ارخض من الشارقة ودبي
انصحك تسكن في عجمان
وترى لي يفصل بين عجمان و الشارقة جسر بس
اصلا مافي فرق بينهم
و جامعه الشارقة موقعها مب في وسط المدينة بل هي في مدخل مدينه الشارقة وقريبه من عجمان

وتعتبر الشارقة انظم واجمل مدينه في نظري ،، صحيح دبي مشهوره بس الشارقة احلى بكثير

و اذا عندك اي استفسار انا حاضره

شكرا لك اختي اماني

لا انا اقصد سكن مع عائلتي لاني متزوج

واستفساري عن اسعار الشقق واماكن السكن القريبه وهل السكن بعجمان افضل واوفر ام اسكن بالشارقه افضل

تحياتي لك

العفو اخوي
حياك الله انت وعائلتك
السكن بعجمان ارخص و عجمان ما فيها زحمه نفس الشارجة

وعجمان ترى مابينها وبين الشارجة الا جسر يعني تقدر تعتبرهم مدينه وحده

راجع هذا الموقع بتلاقي فيه شقق للايجار بعجمان
ط§ط¹ظ„ط§ظ†ط§طھ ظ…ط¨ظˆط¨ط© ط³ظˆظ‚ ط§ظ„ط¹ظ‚ط§ط±ط§طھ ظˆ ط§ظ„ط¥ط³ظƒط§ظ† > ط´ظ‚ظ‚ ظ„ظ„ط¥ظٹط¬ط§ط± ط§ظ„ط¥ظ…ط§ط±ط§طھ ط¹ط¬ظ…ط§ظ† : ط£ط³ظˆط§ظ‚

واذا حبيت اجيب لك رقم دليل عقاري بجيب لك

وحياك الله مره ثانية

تسلمي اختي اماني الله يعطيك العافيه فعلا ماقصرتي معي خجلتيني بكرمك وطيبتك

انا شاكر ومقدر لك
واذا عندك معلومات اضافيه لاتحرمينا

شاكر ومقدر لك

اخ متعب ........ السلام عليكم و رحمة الله و بركاته

السكن هنا متوفر و مسهل .. راحت ايام الغلا بالاسعار ..

تستطيع انك تسكن باحدى الامارتين .. الشارقة أو عجمان

جداً الامور مبسطة و اسهل مما تتصور .. فقط زيارة واحدة و تنهي كل امر السكن ..

يعني لا تخلي امر السكن مقلق لك .. توكل ع الله و حياك .. و نتقابل ان شاء الله اذا جيت .. ننتظركـ

شكرا لك اخوي chemist ويعطيك العافيه

هونت علي كثير

اذا ممكن ترسل لي اميلك ع الخاص اذا مافي ازعاج