استفسار محتاج قبول في جامعات الإمارات

وعليكم السلام ورحمة اللهـ و بركاته ...

اخوي عزوز .. هلا و مرحبا فيكـ .. و ان شاء الله ما فيه ورطة و لا شيء مقلق ..

بالنسبة للجامعتين اللي ذكرتهم .. حسب حسمعتهم .. فهي جامعتين متميزة و الدليل اعتمادها وتوقيع اتفاقيات معها من وزارة التعليم العالي السعودي ...

مسألة القبول الالكتروني هي صعبة نوعاً , ايضاً مسأله الاتيان بقبول لك من اي جهة هو امر صعب .. بإعتبار كافة الجامعات العربية تتعامل بالنظام الورقي الروتيني على العكس من الجامعات في أوروبا و الأمريكيتين , و التي تتعامل بالنظام الالكتروني للقبول و التسجيل و المتابعة.

الامارات بلد غالية .. و المعيشة فيها عالية الثمن و بلا مبالغة هي اغلى دولة عربية من حيث الأسعار , و لكن المعيشة و الجو العام فخو رائع و مناسب .. نظراً لقربها الجغرافي من المملكة ..

الأفضل لك هو الذهاب الى الامارات و التسجيل بالجامعة و اخذ كافة المعلومات منها مباشرةً .. التوجه الى مدينة أبوظبي .. عن طريق الخطوط الجوية السعودية .. أو طيران الاتحاد الاماراتي .. او طيران ناس ..

انا جاهز للرد و التواصل معك على هالموضوع أولاً بأول .. فقط حدد رغبتك و أسئلتك و ان شاء الله بكون بمساعدتك و لا تتردد بالسؤال معاك حتى 1000 سؤال فقط

بيض الله وجهك انا اشهد انك ماقصرت اخوي chemist

بس ابي اوضحلك وضعي انا ابي اجيب القبول علشان اقدمه للبعثات من هنا او اسوي ألحاق بعد ماادرس
بس كم تتوقع راح تأخذ معي اجراءات القبول هل راح يعطونني القبول علطول وهذا بتوقعي مستبعد ولا راح يطول
وماهي الأوراق اللي يطلبونها بالظبط
هل الجامعات يوم السبت راح القاها فاتحه ولا إجازة

القبول مباشرةً يكون بالجامعة في حال حصولك على الشهادات اللازمة ( الثانوية + الايلتس او التوفل )

اجراءات القبول بشكل عام ميسرة و ان شاء الله تقبل فيها من غير تعب

الاوراق المطلوبة :
صورة من شهادة الثانوية العامة ( مصدقة من سفارة دولة الامارات بالرياض أو من الملحقية السعودية بدبي ) + صورة من جواز السفر + شهادة الايلتس او التوفل + صور شخصية .. وهذي كلها طلبات عامه

... الجامعات يوم السبت مغلقة ...

جاهز للرد اذا عندك اي استفسار

بس عندي استفسار : انت جربت تسأل عن الجامعات الاهلية بالمملكة و برامجها .. أو بحثت موضوعها ,, أو فكرت فيها ؟؟ و الا لا ؟؟

بالنسبة للوثائق كلها تمام الا مسألة الإيلتس والتوفل انا ناوي ادرسها هناك ، هل بالإمكان يعطوني قبول ولو حتى مبدئي اقدر اقدمه على البعثات الين اجيب التوفل او الإيلتس ؟؟

بالنسبه لإستفسارك انا اصلا موظف وماراح اقدر اني ادرس في السعودية في اي جامعه سواءً حكومية او أهلية
فالحل أني اجيب لزوجتي ابتعاث واطلع معها مرافق وقتها اقدر اكمل دراستي واذا مشى حالي وقتها اقدر استقيل من الوظيفة

عزوز انت اي تخصص ناوي تدرس

مساء الخير

حاب اضيف معلومه يمكن انها تفيدك اخي عزوز


جامعة الشارقه معترف فيها من قبل التعليم العالي السعودي

وقبولها المبدئي سهل جدا جدا

مجرد حضورك لساعه فقط مع احضار صور من الشهائد مصدقه من الخارجيه لدينا

ودفع رسوم رمزيه 150 درهم فقط .

بكذا اعتبر نفسك حاصل على القبول المبدئي والله يوفقك

انا حاضر لاستفساراتك

وان اعطيك ارقام القبول بالجامعه وهم بصراحه لطيفين بالتعامل .

الأخ chemist يا ليت تفيدنا بمعلومات

انا اتصلت على جامعة الامارات و سالتهم عن القبول

يقولون المقاعد المخصصه للسعوديين تكون فقط لابناء الموظفين في الملحقية او ابتعاث رسمي

واللى يبغى يدرس على حسابه لازم ياخذ استثناء من المدير

عندك علم بهالكلام ..... تكفى فيدني

السلام عليكم و رحمه الله و بركاته ..

اخوي عزوز اعذرني و الله دحين لسه شفت الموضوع ..
الحمدلله اخوي كمست ما قصر .. ربي يعطيه العافية ..

اخواني مثل ما قال اخوي كيمست ..
القبول يلزم الحضور ..

اخوي monster
تقريباً الكلام مزبوط .. لأنه طوال دراستي و استفسارات الجميع لم يمر علي اي طلاب سعوديين يدرسون في جامعه الامارات ..
اتوقع شروطها مختلفه بالاضافه انها جامعه حكوميه و مخصصه للطلاب الاماراتيين ..( و الله اعلم ,, و هذا على حسب علمي ) ..
فالافضل لك اخي تتصل على الملحقيه في دبي و تسألها عن هذا الموضوع ..
دبي :: 0097142697444

ما اعرف اوقات العمل في رمضان .. بس اتوقع اول ما تتصل بيرد عليك السنترال و بيقول لك ..

بالتوفيق ان شاء الله ..

و كل عام و انتوا بخير ..

قسم الإتصالات

والله ياخوي محايد كنت أرغب في جامعة الشارقة من الأساس وطبعا هي جامعة راقية بس للأسف موقوفة من التعليم العالي وتقدر تشوف هذا في صفحة الجامعات الموصى بها في الأمارات.


انا قبل ثلاث اسابيع اول ماكتبت هالموضوع وبعد ماقالي الاخ chemist اني اذا اردت القبول في جامعات الإمارات لازم احصله بنفسي رحت علطول على الإمارات ورحت الملحقية علشان عندي بعض الإستفسارات ، فسألتهم عن أشياء كثيرة عن الدراسة في الإمارات بصراحة انا تحطمت كثيرررر لأني أولاَ ماحسيت بأي نوع من الترحيب والله كأني نزلت على قلوبهم وثانياَ مافادوني بأي معلومة أو مساعدة تخليني أستفيد شيء وثالثاً قالولي انحش (أهرب) من الدراسة في الأمارات لأنها صعبة وأن الدكاترة والأساتذة في الجامعات الإماراتية أغلبهم عرب ويستقعدون للسعوديين وراح تطفش وماأعرف ايش ومن هذا الكلام ، أنا تجاهلت كلامه وقلتله أبي المفيد قلت له ابي اجيب قبول من جامعة الإمارات قلي ماتقدر لأنه بأختصار هذي حقتنا قلت كيف قال هذي لأولاد أعضاء القنصلية والناس المتغربين من السعوديين للعمل في الإمارات .
طبعاَ انا ماصدقته ورحت للجامعة في العين وكلمت القبول والتسجيل عندهم قالولي في كل فصل دراسي نضع 6 مقاعد للسعوديين ويتم الترشيح لهذي المقاعد من الملحقية ، طبعاً انا في أعتقادي الشخصي ان مسألة جامعة الإمارات موضوع وسايط ومن هالموال.
أذا بالنسبة لي صار مافيه إلا جامعة زايد في ابو ظبي وهذي ماأقتنعت فيها ولا صلحت لي.
على هالأساس كنسلت فكره الدراسة في الإماااااااارات .




مشكورة اختي MiSs_Dr ومايحتاج ماراح تقصرين ، انا والله كنت أتمنى أني أدرس في الإمارات لأسباب عديدة بس الضاهر ماالله كتب أنه يصير وخاصة الدراسة في جامعة الشارقة بس للأسف صارت موقفة وكثير من جامعات الإماراات مافيها ألا جامعة الإمارات بالعين وجامعة زايد فرع أبوظبي للطلاب وفرع دبي للطالبات وأكاديمية الشرطة بس .

والواحد مايقول الأ الله يكتب اللي فيه الخير ، ويعطيكم العافية جميعاً على التفاعل مع الموضوع .