لجميع الاستفسارات عن الجامعات أو الدراسة بدولة الامارات العربية المتحدة

موجودة الاسعار بأحد الردود الأخيرة .. والتقديم غالباً في يونيو 2012 .. و بالتوفيق

سلام عليكم ورحمه الله وبركاته
اود ان استفسر اخوي انا ابي ادرس ماجستير معي بكالريوس انجليزي بس تقديري مقبولوابي اعرف هل يقبلوني بجامعه الامريكيه في الشارقه او اي جامعه ثانيه بالامارات وكم تكلفه الدراسه عندهم بالريال السعودي وكيف نظام الدراسه لاني مقدر اسكن في الامارات لظروف اهلي الخاصه
ومشكور اخوي لمجهودك الجبار

وعليكم السلام و رحمة الله و بركاته

ما اتوقع القبول بإعتبار تقديرك مقبول .. تواصل مع الجامعة الامريكية بالشارقة - القبول و التسجيل - موجودة أرقامهم بالصفحة الأولى

الرسوم غالية بطبيعة الحال ..

فيه معلومة بسيطة : الامارات ليست مثل بعض الدول العربية من حيث سهولة الحصول على الشهادة .. يعني تحتاج انضباطية عالية بالحضور

ممكن اعرف نوع الدراسه "طالب زائر"
اقوم بدراسه المواد اللي بقت لي من الجامعه اللي جيت منها ,,
بوقت معين من ترم الى سنه ؟؟

بجامعه الامارات بالعين او زايد ,,, ؟؟

طالب زائر مقصود فيه طالب يجي للدراسة فترة و يعود لجامعته و غالباً تكون فترة صيف او شيء مثله

بخصوص تحويل البعثة .. ارسلت لك رسالة له بهالموضوع و يا هلا

مساء الخير .. فعلًا مجهود تشكر عليه الله يجعله بميزان حسناتك
انا الحين اخر سنه بالثانوي و ناويه ادخل طب اسنان باذن الله و ودي اسجل ترم ثاني
سؤالي هل فيه معاهد تابعة للجامعات في الامارات او اي معاهد ينصح فيها لدراسة اللغة الانجليزية لان ابغى استفيد فترة الصيف و الترم الاول في دراسة اللغة بالامارات يعني تقريبا 6 شهور .. و كم التكلفة ( تقريبا )
بماذا تنصحني ؟

مساء النور .. و اللهم آمين ,,,

حلو طموحك و الله يوفقك ,, شدّي حيلك و ان شاء الله تجيبي احسن الدرجات ,,

و بما انك تبين نصيحتي بموضوع اللغة بالتحديد , ابشري :

موضوع اللغة الانجليزية يعتمد على الشخص نفسه - حتى لو كنتي بقلب بريطانيا ممكن ما تستفيدين .. لازم تطوري لغتك بنفسك ,, و تشتغلي بتركيز على هالنقطة , طبعاً بدخول المواقع و قراءة الكتب و كل شيء له علاقة باللغة ,,,

بالامارات للاسف المعاهد ( أقل من عادية ) , بالسعودية أفضل و انصحك بالبريتيش كاونسل ( British Council ) .. جداً راقي هالمعهد و سمعته ممتازة و انا شخصياً درست فيه و استفدت منه ..

أبداً ما أنصح بالامارات لتعليم اللغة الانجليزية ,,

و اذا عندك استفسار آخر , لا تترددي .. و الله يوفقك و يوفق الجميع

اللہ يعطيك العافيه .. أنا كنت أبغى بالإمارات لضروف عائلية بس دام عندنا أحسن خلاص شكرا لك و بالتوفيق

الله يعافيك .. و موفقة ان شاء الله

مرحبا
انا الحين طالبه هندسه في جامعه الشارقه مفكره احول للامريكيه
ايش تنصحوني احول ولا ابقا على جامعه الشارقه؟ اذا بحول يعادلون لي المواد؟