الأعضاء الإشتراك و التسجيل

الملتقيات
ADs

مساعدة يا أخوان. ضروري

مساعدة يا أخوان. ضروري


NOTICE

تنبيه: هذا الموضوع قديم. تم طرحه قبل 4743 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية asoom1
    asoom1

    مبتعث جديد New Member

    asoom1 البحرين

    asoom1 , ذكر. مبتعث جديد New Member. من السعودية , مبتعث فى البحرين , تخصصى الهندسة الميكانيكية , بجامعة جامعة البحرين
    • جامعة البحرين
    • الهندسة الميكانيكية
    • ذكر
    • المنامة, الصخير
    • السعودية
    • Mar 2011
    المزيدl

    March 25th, 2011, 01:32 PM

    السلام عليكم ورحمة الله وبركاتة .
    يا اخوان انا قدمت اوراقي في الملحقية وكل شي تمام بس متابعة الطلبات ما هي مفهومة
    مع العلم ان هذا اول فصل دراسي لي في جامعة البحرين والمشرف طلب السجل الاكاديمي
    كلمتة وقال خلاص ارسل ملاحظة ان هذا اول فصل دراسي لك وما عندك سجل درجات في الجامعة
    سؤالي : هل تشملني عضوية البعثة ولا لازم اكمل فصل دراسي

    وهذا متابعة الطلابات:


    الطالب تم إنشاء الطلب إنشاء الطلب 2011-03-09
    الملحقية الثقافية المشرف الدراسي إعادة إلى الطالب 2011-03-20 امل ارفاق السجل الاكاديمي للفصل الاول
    الطالب إعادة إرسال الطلب إعادة إرسال الطلب 2011-03-20 لا يوجد لدي سجل اكاديمي في الجامعة باعتبار ان هذا الفصل الدراسي الاول بالنسبة لي
    الملحقية الثقافية المشرف الدراسي الطلب تحت الدراسة 2011-03-21
    الملحقية الثقافية مدير الإشراف الدراسي الطلب تحت الدراسة 2011-03-21
    الملحقية الثقافية اعتماد الطلب من قبل الملحق الثقافي تم إرسال الطلب للوزارة 2011-03-21
    الإدارة العامة للبعثات اسناد الطلب للموظف المختص الطلب تحت الدراسة 2011-03-24
    الإدارة العامة للبعثات تدقيق الطلب سيعرض الطلب على اللجنة في الاجتماع القادم (الجلسة رقم بتاريخ


    ملاحظة ( ما كتبوا لي رقم الجلسة ولا التاريخ)
    ساعدوني يا اخوان الله يجزاكم خير
  2. انا مثلك .. وادرس بالبحرين .. ونفس وضعك الحالي .. اوراقي بالوزارة .. ان شاء الله خير

    بس انت تابع الوضع اول باول .. شوف شنو يردوا عليك الوزارة

    للعلم .. بجامعتنا قالوا اللي مسجل هالعام ماله مكرمة .. غريبة انت مشووا اموورك .. ما شاء الله عليك

    انا بعد ما كتبولي لا رقم جلسة ولا تاريخ

    بس يمكن يقصدون اقرب جلسة اللي بتاريخ 22-4-1432هـ

    احنا انتابع .. والله ييسر امورنا

    بالتوفيق للجميع .. واكتب شصار على وضعك هنا
    7 "
  3. بالنسبة لكم ان شاء الله تجيكم ومافي شئ اسمه مافي مكرمة للناس للي اول فصل دراسي لهم
    انا بمصر اول فصل دراسي لي وجتني البعثة بإذن الله تجيكم الموافقة
    ملاحظة هامة جدا: اذا تجاوزتو مرحلة التقييم اللي هي بعد تدقيق الطلب اعرفوا انكم مقبولين بإذن الله
    اذا فيه شئ مومفهوم اسألوا وانا في الخدمة
    وشكرا
    7 "
  4. ان شاء الله يارب

    انت تدرس بالبحرين .. للحين مداوم؟

    انا خايفة صار لي اسبوعين ماداومت .. ويقولون الاحد دوام .. شلون؟؟!!

    اتوقع الوضع للحين موب امان .. شلوون نرووح؟؟

    ياليت ترد علي .. اذا انت للحين تداوم؟؟

    كيف قبلوك بجامعة البحرين؟؟

    موفق ان شاء الله
    7 "
  5. انا ادرس بالبحرين ما داومت من اسبوعين مثلك والمبنى المكسر المبنى اللي ادرس فية s20 حق الاورينتيشن اذا تعرفينة قسمي هندسة ميكانيكية
    من اللي قالك الدراسة الاحد ما بعد اعلنوا شي . حتى لو اعلنو وقت الدراسة لا تداومين من اول يوم اصبري يومين ثلاثة وتتأكدين
    وللعلم محد مداوم بالجامعة الوقت هذا
    وموفقة انشا الله اي اخبار ردي بهذا الموضوع واذا فية استفسار انا حاضر.
    7 "
  6. الله يوفقك ان شاء الله .. ان شاء الله ما صابك شيء او ما كنت مداوم؟؟

    اي هذا الا اقوله مع نفسي .. ماراح اداوم الا بعد فتره .. لما اتأكد من البنات الا راحوا قبلي

    انا جامعتي (الجامعة الملكية للبنات)

    الجامعة والسفارة أرسلت لنا الدوام يوم الاحد 27 مارس 2011 .. كاتبين ان الوضع أمان > غريبة

    سؤال : كيف قبلوك بجامعة البحرين؟؟
    7 "
  7. والله قبلوني بواسطة
    بس ليش انتي قدمتي ولا قبلوك؟
    الجامعة اللي انتي فيها يمكن قالوا الدوام الاحد بس السفارة لا مستحيل انا مكلمهم قالو ما وصل شي بعدين هم اي شي جديد يرسلون على الايميل وانا ما وصلني شي. لا تداومين الا اذا السفارة اعلنوا ( نصيحة)
    جامعتك (الجامعة الملكية ) من الجامعات الموصى فيها الله يوفقك انشا الله ويضمونك للبعثة .
    واي شي جديد بكتبة هنا .
    7 "
  8. ايوه قبولك بالواسطة .. لان مستحيل وصعب القبول هناك .. انا جربت .. الله كريم

    بس اقدر ادرس بجامعة البحرين (في فترة الصيف) .. يمكن اجرب هالصيف .. اذا عدت الاوضاع .. وصارت بخير ان شاء الله .. بس ع كلامهم يقولون صعبة الدراسة هناك

    لا .. السفارة رسلت لي رسالة .. كاتبين في مقدمة الرسالة (هذا ما وردنا من الجامعة الملكية للبنات)

    يعني مو على ضمان السفارة .. على ضمان الجامعة

    انا رسلت رسالة الى الدكتور عبدالله الزهراني .. بخصوص العودة للدراسة (بجامعتي)

    للحين ما عطاني خبر .. بس يرد علي راح اكتب هنا

    اي الجامعة من الجامعات الموصى بها .. مستحيل ادرس شيء موب معترف .. ماله فايدة

    بالتوفيق ان شاء الله
    والله ييسر امورنا وننضم في اقرب وقت يارب

    انا بعد اي شيء جديد راح اكتبه هنا
    سلام,,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.