دلوم صيدله وابي بكالوريوس من جامعات الاردن الله يوفق اللي يرد علي

مرحبا عزيزي
يوجد امكانيه معادله لك بجامعه العلوم والتكنولوجيا بالاردن والجامعه الاردنيه .
بالنسبه للحصول على القبول فيه امكانيه من الان يعطوك قبول مبدئي .
بالنسبه كم ساعه اعتقد لايتجاوز 40 ساعه.
والله يوفقك

ياشباب وين الردود تكفون ضروري

اسبوع ومامن رد

أفيدونا يا جماعة الخير ..

وفقكم الله

اوه نسيت ..

صحيح سؤال الاخ مبهم شوي بس بحط استفسارات انشاء الله تكون واضحة عشان يستفيد من اجابتها اي واحد يدخل الموضوع ..
أولاً : بالنسبة للمعادلة ,, انا اطلعت على الجامعة الأردنية وحصلت انهم يعادلون مالايزيد عن 45 ساعة ..
ومشترطين اختبار ,, يسمونه ( امتحان التأهيل لغايات التجسير ) .. هل من الممكن احد يوضح سالفته ؟
ثانياً :بالنسبة للجامعات المعترفة من الوزارة تجدها اخوي على هالرابط ( http://ru.mohe.gov.sa/univ.aspx?uc=s...rtid=0&stid=-1 )
بعضها موقوف بسبب التكدس بس اغلب المتوقف تلاقيه مرحلة ماستر ودكتوراة ..


انا عندي استفسار ,, اللي يبي قبول لازم يسافر للاردن , والا فيه من يجيبه له , خصوصاً ان فيه شرط اختبار وماني فاهم سالفته , هل اختبار هيئة التخصصات السعودية يغني عن هالاختبار ؟؟


مجرد استفسارات , انشاء الله من اجابتها استفيد ويستفيد غيري .. وأتمنى من عنده عنها خلفيه يحاول مجاراتنا بمعرفته ..

وفقكم الله

وللمره الثانية أنسى نقطه مهمه لأخوي السائل ..

حبيبي انت تقول دبلومك من معهد خاص ,, وانا أخبر المعاهد السعودية الخاصه شهاداتها غير معتمده في وزارة التعليم العالي السعودية ,, فلو لازالت غير معتمده فمافي جامعة في أي دولة في العالم راح تقبل شهادتك ( واقصد دبلومك ) ...


انشاء الله ما اكون حطمتك

السلام عليكم
بالنسبة للاختبار المذكور علشان التجسير اتوقع هو اختبار الشامل
لانه بالاردن ما يعترفوا بشهادة الدبلوم الا فيه و كمان علشان التجسير وهذه الاختبار يكون بمواد الدبلوم والله اعلم والافضل تسال في نفس الجامعه اللي ناوي تجسر فيها
ومن الجامعات عند الاردنية والعلوم والتكنولوجيا وهي من افضل الجامعات الحكومية و عندك ايضا جامعة العلوم التطبيقية بس تاكد من مسالة الاعتراف اولا لانهم اوقفوها قبل فترة وبالتوفيق

هلا فيك اخوي الفاضل , ولا تتنازل أبدا عن اكمال بكالوريوس صيدلة افضل لك من نواحي كثيرة جدا ولا مجال للمقارنة بين فني صيدلة و صيدلاني متخصص , ويكفيك ان تكون خبير الأدوية الأول بالمستشفى , عموما ً

أنا خريج معهد السباعي من المدينة المنورة , و لي سنة ونصف في جامعة البترا الخاصة في الأردن يعني مكمل 3 اترام = 42 ساعه , وعادلوا لي 45 ساعه اول ماسجلت (لكن معادلة الساعات تختلف من جامعه الى جامعه )

ابي اعطيك بعض النوت واستفيد منها :

1- الدراسة في الأردن ممتازة جدا من ناحية التحصيل العلمي .
2- المعيشة في الأردن عالية شوية بس تقدر تمشي امورك سلام سلام .
3- وزارة التعليم العالي وقفت الاعتراف بالجامعات الخاصة .
يعني تدرس في الجامعات الحكومية (اذا انت ولد دراسة و دافور بتمشي زي العسل اما اذا انك من عامة الطلاب , يقولون فيها صعوبة ومعانا شباب محولين من جامعة العلوم و التكنولوجيا = شاردين عنها لأن تعرف التخصصات الطبية صعبة من حالها فما بالك لو كانت الجامعه عكره شوية ) انا ماودي احطمك والله وانا اخوك و لكن ماودي تنخم زي بعض الشباب , ابي احطك بالصورة يسير بكره تكون مقدم على شيئ وانت راضي وعارفه من اول .
4- التسجيل امره بسيط جدا وتستطيع انت تجي بنفسك وتشوف الملحقية وتخلص اوراقك منها وتسجل في الجامعه الي تبيها , ودائما افضل شيئ (اتصل من السعودية على الملحقية وشوف شو الجامعات المعتمدة في تخصصك ثم اتصل على الجامعات او احسن انك تدخل على موقعهم الالكتروني وتشوف اوقات التسجيل وهاي كلها ابسط مما تتصور )
5- بالنسبة للامتحان الشامل زي امتحان الهيئة بالتمام , يختبرونك فيه علشان تعتمد الجامعه تسجيلك عندهم , وهو اختبار بسيط يعتمد على معلوماتك في الصيدلة وكنا نذاكر من اوراق اختبارات الهيئة ومشت امورنا وامور كثير من الشباب . و اختبار الهيئة لا يغني عن هذا الاختبار .
6-تستطيع تسجل بنفسك وهذا افضل لك بكثير لأن اول مره تجي راح تنكرف كرف وتلف اكم من لفة , تروح الملحقية ثم السفارة ثم وزارة التعليم العالي الأردني ثم الجامعه ..... يعني صعب تلاقي واحد فاضي يتلفلف بأوراقك من مكان لمكان و خاصة اذا عكروا عليك وطلبوا وجودك , يا ابن الحلال من قاصرها ( ترى مابتكلف عليك كثير تعال وخلص امورك بنفسك وتمشى شوية بره السعودية واطلع م ذا الحر وتعال هون في الأجواء الحلوة هاليومين خصوصا بالمساء ) بس اهم شيئ لا تجيئ الا وانت على بينه من الملحقية وهاض رقمهم 0096265375555 واعطيهم معلوماتك كلها واستفسر على الي تبي
7- بالنسبة للأخ الفاضل الي ذكر ان وزارة التعليم العالي لا تعتمد شهادة المعاهد الخاصة , اقول له غلطان الله يجزاك خير ولا توهقون العالم يا اخوان الي عنده علم اكيد يقوله ولا لا يورط الشباب معاه وياكثر هاي ماتسير مع الطلاب كل واحد يفتي من عنده ومن دون علم , انا طالب مبتعث وشهادتي من معهد السباعي معتمده من وزارة التعليم العالي ومن الملحقية وكل شيئ تمام .

أسئل الله عز وجل أن يسهل لك أمورك ويفقك ان شاء الله

ولا تنسانا من دعواتك

بالتوفيق للجميع