دراسة طب في الدول العربية

الجامعات الحكوميه في مصر جميعها معترف فيها ونصيحة لك لانك تسأل بخصوص المعدل خل عندك ثقة في نفسك بس جيب جيد وقدم طلب انضمام للبعثه بالتوفيق

صعب مصر انا افكر البحرين او اليمن لان الدراسه في اليمن رسومها قليلة بس كيف اعرف الجامعات المعترف فيها ؟؟
ويصير انضم للبعثه من الترم الثاني ؟

حياك الله اخوي
بالنسبة للانضمام للبعثة انشاء الله سهلة خاصة عقب القرار الملكي
وكيف تعرف ان الجامعات معترفة سهلة.......خش موقع الوزارة وتلاقي الجامعات الموصى بها في كل دولة

بالنسبة لمصر ...........كل الجامعات الحكومية معترف فيها ........القاهرة عين شمس المنصورة الاسكندرية طبنطا الازهر

انت قلت اليمن .........اليمن الجامعة الوحيد اللي كانت معترف فيها هي جامعة العلوم والتكنلوجيا وللاسف بعد اللي صار في اليمن
ما اعتقد انها مناسبة ...........والله العالم وحده وش مصير البلد

البحرين اعتقد انها غالية عليك
شوف ما اعتقد راح تلاقي ارخص من جامعات مصر الحكومية ................
بس بشرط نسبتك تكون عالية لانهم ما يقبلون الا فوق 95 فاذا نسبتك زينة
قدم ع احدى الجامعات المصرية الحكومية.......................

وانشاء الله تنضم للبعثة
الله يوفقك اخوي وييسر اامرك...............واسف ع الاطالة واذا محتاج اي خدمة حنا حاضرين

احم احم انا بنت
بالنسبة لمصر صعب جدا اروح مصر
طيب البحرين ممكن بس ادرس ترم على حسابي وبعدين يصير احول بعثة ؟؟ او لازم اكمل سنة ؟
طيب ما اقدر ادرس في البحرين ولما اصير على حساب البعثة احول سعود في الرياض ؟
جدا مشكور يعطيك العافيه اخوي

هههههههههههه
العذر والسموحة اختي ما انتبهت للاسم

اعتقد صعب تنضمين للبعثة الا بعد مرور سنة
كل الشباب اللي انضموا للبعثة انضموا عقب ما خلوا سنة

بعدين فيه شيء ثاني
البحرين اللي اعرفه ان مقاعد الطب محدودة ومخصصة للطلاب اللي الدولة تبتعثهم...........هذا اللي سمعته عن جامعة الخليج البحرينيتة اعتقد هي اللي فيها المبتعثين وانشاء الله شباب البحرين يفيدوكي اكثر

اختي لو تقدرين وعندك امكانية....... نصيحتي لك
سجلي في جامعة خاصة في المملكة في الرياض في جدة في القصيم فيه كليات خاصة فيها طب
بعدين الحين المنحة الداخلية صارت سهلة جدا. اسهل بكثير من البعثة ....وبالراحة تقدرين تنضمين اعرف شباب كثيرين انضمو للمنحة الداخلية
غير كذا اصلا الجامعات الخاصة هذي دراستها سهلة ...بسهولة تجيبين معدل حلو وع الطول يدفعون عنكي وتجيكي منحة داخلية


موفقة اختي

فكرت جامعة خاصة في الرياض بس حتى لو انضميت للبعثة مايصير احول لسعود بعد انضمامي للبعثة
لو على الامكانية ممكن ادفع الى ما انضم للبعثة بس المشكلة راح اسوي المستحيل و احول لسعود ما في اي طريقة ممكن احول لسعود بعدها ؟

والله ما عندي فكرة
بس ما اتوقع.........انتي عارفة الملك سعود مايمشون لك شيء الا اذا عندك واسطة( انا درست فيها وعارفها زين)

طيب ليه مصرة ع التحويل للملك سعود
بالعكس الخاصة اريح وتمشين سلام سلام لا تعقيد ولا اختبارات صعبة
ودوام سهل
وفي النهاية المواد هي هي .............اذا تحسبين ان الدراسة مو قوية
اقولك الطالب اللي يجتهد ويبي فعلا يصير دكتور ناجح حتى لو توديه افشل كلية صدقيني راح يتعلم

ع العموم انتي قدمي ع الخاص.......واذا الله يسر لك وقبلوكي في الملك سعود كان بها واذا ما جاكي قبول خلاص كملي في الخاصة

الله يوفقك اختي

مره شكرا الله يعطيك العافية
طيب اذا درست في خاص وبعدها حولت لسعود
ما ادرس سنة تحضيرية صح ؟؟
لو انا دخلت كلية الطب خاص وحولت لسعود على طول اكمل طب صح ؟

العفو اختي

مثل ما قلت لك ما قد سمعت عن تحويل من الخاص الى جامعة حكومية
فما اقدر افيدك يادكتورة
لكن اعتقد ما راح تحتاجين الى سنة تحضيرية واذا سمحو لكي بالتحويل اكيد راح يخلوكي تكملين من السنة اللي انتي فيها
لان السنة التحضيرية للطلاب الجدد قبل دخولهم للطب .............

موفقة