تقرير جامعة مردوخ الاسترالية في دبي - الامارات، احصل على شهادتك الاسترالية من دبي

أحب أن أنبه الأخوان أن الدراسة في فرع الجامعة في دبي غير معترف بها من وزارة التعليم العالي ويستلزم الدراسة في نفس مقر الجامعة في أستراليا والله الموفق.

اخوي صالح

اصلا الشهادة ما بيكون مكتوب فيها انه فرع دبي يعني كأنك دارس في استراليا

مثال
انت تخرجت من الجامعة في دبي ومعاك شهادتك ورحت امريكا وعطيتهم الشهادة بيحسبوك انك درست في الجامعة الام باستراليا
وما في اي دليل مكتوب في الشهادة انك درست في دبي

بالتوفيق ان شاء الله

واي استفسارات حاضرين

طيب معليش ممكن أفهم إيش مصلحتك في الموضوع ؟ إذا إنك إماراتي وتروج لها الجامعة فهذا شئ ثاني وكلامي موجه للسعوديين

ومو مهم مصدر الشهادة ولكن المهم أمور قانونية ونظامية قد يغفل عنها كثير من الناس وراح تكشفك وتكشفهم ويترتب عليها أشياء كثير أولا:
- إذا جيت تطلب تذاكر راح يطلبون منك الوجهة وأختام الجوازات وصورة من الفيزا.
- إذا جيت تلتحق ماراح يقبلون لأن الجامعة مو معترف فيها.
- وهذي الأهم إذا جيت تتخرج وإستلمت شهاداتك وجيت تبي تعادل الشهادة راح يطالبونك ياحلو بتصديق وختم الملحق الثقافي في أستراليا وكذلك راح يطالبونك بالمستندات اللي تثبت إقامتك النظامية ودراستك في أستراليا من أختام الجوازات إلى صورة الفيزا إلى التقارير الدراسية وماإلى ذلك وراح تورط غيرك وبالنهاية الشهادة هذي ماراح تنفع وراح تبل مويتها وتشربها ومامنها فايدة وكانك يابو زيد ماغزيت.

وعلى العموم إذا كنت من الطلاب السعوديين في هالجامعة أنصحك لاتضيع وقتك ومستقبلك وشف لك مكان ثاني تدرس فيه وإذا كنت مكتب وتروج للجامعة فأحب أنبه إخواني إنهم يتأكدون من إدارة معادلة الشهادات قبل كل شئ وذكرتني بجامعة سوينبرن في ماليزيا حيث أنها غير معترف بها وإليك الرابط: ط¬ط±ظٹط¯ط© ط§ظ„ط±ظٹط§ط¶ : ظپط±ط¹ ط¬ط§ظ…ط¹ط© ط³ظˆظٹظ†ط¨ط±ظ† ط§ظ„ط£ط³طھط±ط§ظ„ظٹط© ط¨ظ…ط§ظ„ظٹط²ظٹط§ ط؛ظٹط± ظ…ط¹طھظ…ط¯ ظپظٹ ط§ظ„ظ…ظ…ظ„ظƒط©

وكذلك موقع إدارة المعادلة في التعليم العالي اللي ينص على الدراسة في المقر الرئيسي للجامعة وإليكم الرابط: http://ru.mohe.gov.sa/Must_Read.aspx?url=/Default.aspx والله الموفق.

هلا اخوي صالح
انا طالب اماراتي ادرس في هذي الجامعة
والله يا اخوي لو ذكرت بس انه مو معترف من وزارة التربية والتعليم السعودي
كان ما ناقشت في الموضوع اصلا

بس الشروط اللي ذكرته لطلاب البعثة والا لجميع طلبة السعوديين (قصدي اللي يدرسون على حسابهم من غير البعثة)؟

عالعموم بالتوفيق للجميع
وجزاك الله خيرا على التوضيح اخوي صالح في ميزان حسناتك ان شاء الله...

حياك أخوي والشروط منطبقة على جميع الطلاب السعوديين ولك تحياتي.