مساعدة أحتاج مساعدتكم ورأيكم الله يوفقكم...لأني مرررررة محتااارة

بليييييز...نصيحة والله ماطلبنا شي

والله الصيدلة ممتازة ومجالات عملها فى شركات الادويه مرة رهيبة احسن من شركات البترول... بس على العموم الطب فى مصر بيتطلب معدل عالى للجامعات الحكومية فوق ال 90% بعد المعادلة
اما افضل الجامعات هى القاهره..عين شمس ...الاسكندرية..الازهر..حلوان...المنصورة

مشكوووور والله يجزاك كل خير ويوفقك في دراستك

تقدري تكملي صيدله وبعدها تدرسي طب في سلطان..
او انك تدرسي على حسابك الخاص..

الله يعطيك العافية ومشكووورة يا د.مريم وبالتوفيق

وعليكم السلام ورحمة الله وبركاته
اختي ربي يوفقك ويحقق لك فيما هو خير لك

صعب انو انا ولا اي احد ثاني يقولك التخصص الفلاني ازين لك او افضل لك
لكن
اكيد انت عارفة وش تبين بالضبط ووش التخصص اللي شايفة نفسك راح تبدعين فيه
انا والله حاسس وعارف وشهو شعورك لاني بالضبط صارلي نفس الشيء وع فكرة قبلت علوم طبية في ام القرى وعندنا في الرياض في الملك سعودي قبلت في المختبرات
لكن كنت ابي طب فجلست سنة كاملة وسحبت ملفي من كذا كلية لان كان هدفي هو الطب
وع فكرة والله كانو مواعديني اذا جبت معدل زين ع الطول احول الى الطب البشري لكن سالت طلاب قالوا لي التحويل صعب جدا

المهم
اختي انا نصيحتي لك
استخيري الله عزل وجل مرة مريتين ثلاث فاذا والله لقيت نفسك مرة ما تبين الصيدلة ولا مرتاحة فيها وشفتي نفسك تميل اكثر الى الطب
انا اقولك توكلي ع الله وقدمي ع البعثات العربية وهي راح تبدا بعد كم اسبوع
عندك الاردن مصر البحرين
لكن تاكدي هل نسبتكي فوق 90 واذا تبين تقدمين ع مصر لازم ما تقل نسبتكي عن 93 او 94
وكمان القياس حقك فوق 70 والتحصيلي بعد

مثل ما قلت لك ما احد منا يعرف وين الخيرة له
لكن انت عليكي بصلاة الاستخارة ثم شوفي وش ترتاحين له وسويه
ع فكرة انتس تضيعي سنة او سنتين او حتى 3 اهون بكثير من انتس تضيعي عمرتس في تخصص ما تبينه او تخصص حاسة نفسك ما راح تبدعين فيه
اغلب الطلاب حقين البعثات اغلبهم ضاعت عليهم سنة او سنتين ونا واحد منهم لكن في النهاية حصلنا ع التخصص اللي نبيه


اختي اذا نسبتكي كويسة وتحبين الطب وعندك استعداد لدراسة الطب بما فيه من مدة طويلة ودراسة صعبة ومذاكرة طويلة
اذا عندك استعداد لهذا كله
توكلي ع الله وقدمي ع البعثات العربية وربي ييسر لك وتوصلين لهدفكي

البعثات العربية راح تبدا قريب وودي انبهك ع شيء
البعثات العربية ما يعلنون عنها بشكل واضح مثل برنامج خادم الحرمين الشريفين
يكتبون في زاوية صغير(والله مدري ليه ) لكن للاسف فيه طلاب كثيرين ما يدرون عنه الا عقب ما ينتهي
فانتي تابعي من الان موقع تبع الوزارة وشوفيه كل يوم
وكمان التسجيل والتقديم لابد من الحضور الى الرياض تروحين للوزارة في حي الغدير تقدمين اوراقك هناك


الله يوفقك اختي
ادري كلامه ماهوب مرتب لكن اهم شيء تكون وصلت الفكرة
واذا محتاجة اي شيء من مصر حنا حاضرين والله يقدم اللي فيه الخير
موفقة يارب

السلام عليكم ورحمة الله وبركاته اختي

نصيحه اخ اذا انت باقي على تخرجك 3سنوات فكملي صيدله وبعدها قدمي على برنامج خادم الحرمين الشريفين للبعثات الخارجيه وقدمي بكالوروس طب في كندا او امريكا وتدرسي 4سنوات فقط طب ويعطكي الزماله اذا كنت مجتهده في دراستك

يعني 5سنوات والله وشهادة من امريكا ولا كندا تسوى شهايد الطب اللب في السعوديه كلها

للطبيب السعودي الله يجزاك خيرويوفقك دنيا وآخره وماقصرت وأنا الحمدلله نسبتي فوق ال90والقدرات والتححصيلي فوق ال70
ولوسمحت أخوي الكريم لازم أسحب أوراقي الرسمية من الجامعة ولاعادي أقدم أوراق صورة بماأن أوراقي في الجامعة؟؟؟
وكيف شفت الدراسة في مصر من كل النواحي؟؟؟
اعذرنا ع الأسئلة الكثيرة

مشكورويجزاك ربي الخير محب الرسول
طيب ماتدري كم مدة البرنامج حتبقى؟؟؟وشهادة الثانوية من شروطهم مايكون مضى عليها أكثر من 3سنين