الابتعاث الداخلي والخارجي

انتظظظظظظظظظر ..

وعليكم السلام ورحمة الله وبركاته
اخوي مدري وش تقصد بالبعثة الداخلية قصدك المنحة
زين وين راحت الجامعات في المملكة يعني انت ع الطول فكرت بالبعثة
شوف
انت اكثر واحد يعرف مصلحتك وانت ادرى باللي تشوفه انه يصلح لك
لكن لو حبيت نصيحة اخ
واقولك اياها ع البلاطة.............دراستك عند اهلك وفي بلدك تسوى الدنيا وما فيها
انا انصحك بانك تقدم ع الجامعات السعودية خاصة اذا نسبتك زينة قدم ع اكثر من جامعة وع التخصص اللي تبيه سواء كان طب او هندسة
لكن انك ع الطول تفكر بالبعثة اعتقد البعثة بدري عليها
انا قولك اسال مجرب ولا تسال طبيب (هذا رايي انا مو راي كل المبتعثين لكن اتكلم عن نفسي )
اقولك اذا جاك قبول في التخصص اللي تبيه واللي نفسك فيه في جامعة في المملكة سجل فيه ولا تتردد واترك عنك البعثة
ادري انك بتقولي الشهادة برا اقوى والبعثة فيها راتب ومكافاة
فبخصوص الشهادة احب اقولك تخصص مثل الطب البشري او الاسنان ماعادت تفرق الحين وين درسته لان كلنا سواء اللي درس في السعودية ولا اللي درس برا لكنا في انهاية المطاف راح ناخذ التخصص برا
ويوم تجي تتوظف ما احد بيسالك وين درست بالكالوريوس

بخصوص المكافاة( وما ادراك ما المكافاة؟)
شوف طال عمرك هي كافية بل تزود لكن في النهاية هي تروح في مصاريفك الشخصية وممكن ما تغطي


فانا انصحك قدم ع الجامعات في المملكة واعتقد جامعاتنا هي من اقوى الجامعات المشكلة بس في هالواسطة اللي خربت عليها
لكن صدقني نسبة كبيرة بل الاغلب من البعثين هم اللي ما لقو تخصصاتهم اللي كانو يحلمون فيها في المملكة(ونا واحد منهم)
لكن ان تيسر لك القبول لا تتردد
ادري اني طولت عليك لكن استحملني شوية انا رجال ثرثار احب اتفلسف شوية
بخصوص التخصص اقول بالمختصر المفيد
شوف انت وش تبي شوف وش التخصص اللي انت تبيه مو اللي ابوك يبيه ولا امك تبيه ماعليك من احد لانو انت اللي بتدرس مو احد غيرك
اذا تحب الاحياء والحفظ وتحب تذاكر كثير ولا تحب لارياضيات او الفهم ممكن الطب او الاسنان انسب لك
واذا العكس بحيث انك تحب الرياضيات والفهم ولا تميل للحفظ انصحك بتخصص هندسي

الله يوفقك
والعذر والسموحة ع الاطالة والفلسفة .............