مبتعث جديد New Member
البحرين
Dr.mbt3th11 , ذكر. مبتعث جديد New Member. من السعودية
, مبتعث فى البحرين
, تخصصى طب
, بجامعة الخليج
- الرياض, الرياض
- السعودية
- Aug 2011
المزيدl August 10th, 2011, 01:40 AM
August 10th, 2011, 01:40 AM
السلام عليكم ورحمة الله وبركاته
اخواني عندي كم سؤال للي يدرسون بالجامعه
اولا حاب اعرف بالنسبة للسنه التحضيرية وش يدرسون فيها هل بس انجليزي او زيادة مواد طب ؟؟
سمعت ان اصعب سنه هي السنة الاولى والطرد يكون كثير فيها واذا اجتزتها تضمن انك تكمل ان شاء الله اللي ابعرفه كم المعدل حق النجاح في السنة الاولى وكم المعدل اللي اذا جبته ممكن اعيد السنة ؟؟
بالنسبة للمذاكرة بكتب ولا نوتات ولا ؟؟
سمعت انها تعتمد اعتماد كلي تقريبا على نفسك يعني الدكتور يجي يقرا سلايداته ويمشي وانت تفهم وتحفظ كل شي صحيح هالكلام ؟
ايش الاقوى هي ولا جامعة الدمام كلية الطب ؟
الجامعة بشكل عام تعتبر صعبة او متوسطة او سهلة ؟
اتمنى القى اجابات لاسئلتي
شكرا
وعليكم السلام ورحمة الله وبركاته
السنة التحضيرية،
أول شي يسون لك اختبار يحددوون فيه انت سنة أولى ولا تحضيري
خل نقول انهم خلوك تحضري، حلو ؟
المعهد نفسه بيختبرونك اختبار تحديد مستوى
بالتحضيري: بتدرس لغة انجليزية + رياضيات بالانجليزي
بعدين آخر السنة بتختبر آيلتس (لان المعهد من السفارة البريطانية )
فيه معدل لازم تجيبه عشان تروح على سنة أولى
سنة أولى،
سنة أولى مو صعبة ! سنة أولى دوامها كثيير كأنك في مدرسة
واللي يخوف فيها إنا مافي اعادة سنة. فيه بس دور ثاني
صدقني ينة اولى هي السنة الي تقدر تدرس المنهج كامل ههههه
باقي السنوات لازم تدرس بذكاء
معدل النجاح فيها كل سنة يخلف ! بس ترا ما يسقطون كذا
واللي يسقطوا هم اللي مهملين
يعني انت تدرس تطمن
لازم تجيب ٦٠٪ وفوق عشان تنجح بالسنة
لجميع المواد
BushoOor August 10th, 2011, 02:48 AM
7 " نظام الجامعة،
انت اللي تتكلم عنه ماله علاقة بسنة أولى
سنة أولى محاضرات عادية مثل أي دراسة جامعية
من سنة ٢ - ٤= يبتدي نظام اسمه Problem-Based Learning
نظام جديد في تدريس الطب
عبارة عن ٣ فصول في السنة
كل فصل يتكلم عن جهاز معين بأمراضه وتشخيصاته وأدويته
يعني مافي شي اسمه هالترم بدرس تشريح و صيدلة والترم الجاي بدري علم وظاذف الأعضاء
لا! يكون مثلا سنة ثانية درست فيها ٣ فصول :
- الانسان والبيئة
- دورة حياة الانسان
- الجهاز القلبي الدموي والجهاز الرئوي
مثلا جهاز القلب: درست التشريح والأمراض وتشخيص الأمراض والأدوية
ووظيفة القلب ووووو الخ
مخصر درست كل المواد اللي تتعلق بالقلب
حتى ننزل نرووح المستشفى ونشوف مرضى !
المميز في هالنظام انك مو تدرس مادة معينة وتمشي فيها على كل الأجهزة
هذا النظام يمسك جهاز معين ويغطيه من كل النواحي
تقولي تدرس بنفسك ؟ ايه تدرس بنفسك
من سنة ٢، بتتقسم الدفعة على مجموعات
كل مجموعة فيها ١٠ - ١٢ طالب
ايش يصير ؟
كل أحد وخميس يكون عند حصة اسمهت ( توتوريال )
هاذي تجتمع فيها مع زملائك ويكون معكم دكتور
يعرض لكم مشكلة (بروبلم) الاسبوع
يوزع أوراق. فيها قصة بسيطة عن الموضوع اللي راح تدرسونه هالاسبوع
( جاء محمد الى قسم الطوارئ وكان يعاني من ضيق في التنفس مع ألم متمركز على صدره ... الخ ) بتكون بالانجليزي طبعا
وتاخذك هالقصة من يوم ما يدخل المستشفى لين ما تشوف النهاية يتعافى ولا يموت
عليك انت واصاحبك. تمسك القصة وتفصفصونها من معاني ولا اي شي
او انه تتكلمون وتقعدون تطلعون اعراضه بعدين ايش يحتاج تشخيص وتحاليل
بعدها كيف ممكن نعالجة و مع كل قطعة يبان معك كل شي. بس قبل لازم تتوقعون وتفكرون وتتعاونون
الدكتور عليه يراثب كيف الجلسة تكون اذا حس انكم طلعتوا عن الموضوع شوي يحاول يرجعكم
ولا فيه شي فاتكم يقعد يتكلم فيه. او شي ما فهمتوه يحاول يبينه بشكل مبسط
طبعا كل قطعة بتكون عندكم تسؤلات. فبتكتبونها بورقة
نهاية الجلسة بتكون عندكم اسئلة. راح توزعونها على بعض بالتساوي
ويوم الخميس يجي كل واحد حافظ وفاهم موضوعه ودارسه. يقعد يشرحه لزملاءه
بين الاحد والخميس راح يكون فيه محاضرات و لابات و دورات ومشرحة
بس بيتكلمون بشكل مره بسيط. انت عليك انك بجلسة الاحد
بيعطيك ورقة فيها الكتب وصفحاتها اللي لازم تدرس منها حقت الاسبوع
BushoOor August 10th, 2011, 03:07 AM
7 " جامعة الخليج العربي حصلت على افضل جامعة في عام ٢٠٠٦ في الشرق الأوسط
لا تستهين فيها وهي احسن و اقوى من جامعة الدمام بكثير
نظامها غير وتخرج دكاتره بعد كرف ٦ سنوات يعني يكرفونك كرف مضبوط
الجامعة ياخوي كرف في كرف في كرف
يعني يبييلك تشد حيلك وتدرس زين واول باول
يعني وربي لو ما تدرس اول باول بتاكل هوا في نهاية
وجد لما اقول كذا مو مثل ايام ثانوي ذاكر اول باول ولا بتتعب
بعدين تدرس قبل الاختبار بيوم وتاخذ ٩٩
لا انا اتكلم جد وانا عن تجربة وتندمت !!
ذاكر اول باول
لان الجامعة كرف
اي سؤال انا حاضرة
BushoOor August 10th, 2011, 03:13 AM
7 " كاتبلك سوال بالموضوع الثاني
خالد بن حميد الشمري August 10th, 2011, 03:17 AM
7 " اللغة الانجليزية
أنصحك باللي تحطك فيه الجامعة
اذا حطتك تحضيري خلك تحضيري
اذا حطتك سنة أولى خلك سنة أولى
وفيه فترة زمنية يعطوها لك بسنة أولى تشوف نفسك فيها
اذا تقدر تكمل ولا تحول تحضيري
بس انا اقولك اخوي ترا حتى بسنة أولى الانجليزي مكثف بشكل مو طبيعي
يعني غصب تتعلم
سنة أولى،
ذاكر من كل شي وركز عالسلايدات
لان يمديك ترتب امورك ان شاء وتخلص كل شي
بعد سنة اولي هاذي قصة ثانيه P=
معدل الدراسة يختلف !
لازم تعرف انا كل واحد وطقوسه بالدراسة
لو اقولك طقوسي بتضحك P=
انا ادرس ٦ ساعات باليوم
وفيه ايام يكون ما عندي دوام مرات اقعد بالجامعة من ٨ ص - ٨ م
ومرات اخذه يوم اوق P=
وانا من الناس اللي معدل درجاتهم عادي اكون معك صريحة
انت بتجي الجامعة وبتكون لك طقوسك الخاصة هههههههههه
واعذرني ما رديت عليك بسرعة اليوم انشغلت شوي
BushoOor August 11th, 2011, 03:38 AM
7 " 
LinkBack URL
About LinkBacks
August 10th, 2011, 01:40 AM
السلام عليكم ورحمة الله وبركاتهاخواني عندي كم سؤال للي يدرسون بالجامعه
اولا حاب اعرف بالنسبة للسنه التحضيرية وش يدرسون فيها هل بس انجليزي او زيادة مواد طب ؟؟
سمعت ان اصعب سنه هي السنة الاولى والطرد يكون كثير فيها واذا اجتزتها تضمن انك تكمل ان شاء الله اللي ابعرفه كم المعدل حق النجاح في السنة الاولى وكم المعدل اللي اذا جبته ممكن اعيد السنة ؟؟
بالنسبة للمذاكرة بكتب ولا نوتات ولا ؟؟
سمعت انها تعتمد اعتماد كلي تقريبا على نفسك يعني الدكتور يجي يقرا سلايداته ويمشي وانت تفهم وتحفظ كل شي صحيح هالكلام ؟
ايش الاقوى هي ولا جامعة الدمام كلية الطب ؟
الجامعة بشكل عام تعتبر صعبة او متوسطة او سهلة ؟
اتمنى القى اجابات لاسئلتي
شكرا