جامعة مصرية سهل الدراسة بها وتعامل الدكاترة جيد

وعليكم السلام
هلا بك اخوي كل عام وانت بخير

ياخي اللي اعرفه ان جامعات مصر الخاصة كلها موقوفة
لكن جامعة فاروس والله مدري عنها يمكن مو ممنوع التسجيل فيها لان هي لحالها في مدينة واغلب الجامعات الثانية في القاهرة
لكن
انت ليه ما قدمت ع الجامعات الحكومية؟؟؟؟؟؟؟؟ كيف نسبتك ؟؟؟؟؟؟؟ اذا معدلك زين انصحك بالجامعات الحكومية لان الجامعات المصرية في الطب والاسنان والصيدلة يطلبون فيها نسب عالية
واذا والله النسبة مو ذاك الزود خلاص مالك الا الخاصة سوا فاروس ولا غيرها لكن انت لازم تتاكد لاني خابر ان الملحقية اوقفت كل الجامعات الخاصة وممنوع تسجل فيها
انت اتصل ع الملحقية في القاهرة واسلهم
واذا ما لقيت مصر مالك الا الاردن وان شاء الله تلاقي الجامعة اللي تبيها وربي يوفقك
واسف ع الاطالة ،،،،،،،،،،،،،،،،،

انا نسبتي بالثنوية ثاني وثالث 95 الله يخلى المدرسة الاهلية هع

بس يالغالى كيف اجيب رقم الملحقية بمصر بس الجامعات الحكومية شكلها صعبببة بقووة ماتشوف المصارية كيف جادين الهمممة بقووة وعشاء مايقدرون يتعشون سندوتشات بس
ياكل وهو يدرس ياويل حالى الاردن كيف اسعارها بالله الله يعين

والله ما هقيتها منك هههههه ليه تقول ان المصارية احسن منك
ترا مخ المصري زي المخ السعودي ههههه وش رايك بالتعبير
المهم
شوف اذا تبحث عن السهل اقولها لك تراك بتتعب والله اني عارف اثنين من الشباب كانو مبتعثين معنا لمصر وحولو الى الرياض في جامعة خاصة وبعد يشتكون من صعوبة الدراسة
الطب طب وين ما كان
وترى اذا انت فعلا جاد وتبي العلم راح تنجح وتبدع فيه بعد توفيق الله
انا اليوم راجع مصر وان شاء الله اتاكد لك عن الجامعات الخاصة وهل فاروس معترف فيها
لكن مثل ما قلت لك اذا نسبتك زينة و95 احسن لك قدم ع الجامعات الحكومية وصدقني مو صعبة ولا شيء ومافيه داعي للخوف وترى اللي مجحو فيها ماهوم احسن منك بشيء
وع فكرة التسجيل في الجامعات الحكومية قرب ينتهي هذا اذا ما انتهى اصلا؟؟؟؟؟؟ ففكر زين وخلك شجاع وواثق من نفسك وقول انا قدها وقدم ع الجامعات الحكومية وان شاء الله تبي تصلح اسناننا يوم من الايام ولو اني ما احب حقين الاسنان

موفق

فديت الطبيب السعودي والله وانشاء الله اكون احد اصحابك في مصر يالبى قلبك الواثق
بس ياليت الحق السنة ذي اقدم وياليت اتشرف بالاضافتك على الاميل
وانشاء الله ربي يفرجها لي يارب

الشرف لي الله يسلمك
وان شاء الله تلحق وتسجل في مصر
وباذن الله راح اتاكد لك عن الجامعات الخاصة وعن وقت انتهاء التسجيل

أخوي الطبيب ابيك ترسلي ايميلك ضروري.