مساعدة اللي في الأردن عاجل ! ..~}

...............

أختي أعتقد أنهم ممكن يقبلوكي في السنة التحضيرية بودي أفيدك أكثر لكن ماني رايح للأردن الا يوم السبت القادم قبل الدراسة بيوم

وبالتوفيق

اختي انا لي معارف حصلوا قبول في جامعة موته كثير يمدحونها لو بغيتي اساعدك تتواصلي معاهم

أختي روحي لهم انتي بنفسك لأني سمعت الموظفة تبع التكنو تقول باقي التقديم إلى نهاية الأسبوع يعني يوم الخميس ...

و نصيحتي لكـ
جهزي صور من الثانوية و صور من الجواز و صور شخصية لكـ و اتصلي على الملحقية على هالرقم 0096265375555 و اضغطي التحويلة رقم صفر ..
علميهم بوضعك وانه تبين تدرسين على حسابك الخاص و هم راح يرشدونكـ ..
عقبها اذا مشت أمورك و قالو لكـ تقدرين احجزي على عمان و انا حصلت لكـ رحلة من جده على عمان الإقلاع الساعه 10 و 55 دقيقة بكرة إن شاء الله في الصباح و الوصول الساعه 1 تقريبا بـ 560 ريال سعودي

المرحلة الثانية
في حالة تأكدك بأن الفتره كافيه للتقديم و طبعا تتاكدين من هالشيئ من الملحقية
جهزي أمورك من جده و تلاقين فرع بالمطار لبنك الراجحي اصرفي عملاتك هناك و اتجهي للصالة الدولية و هي بجوال بنك الراجحي و كملي إجراءات الجوازات بآآخر منفز على يدك اليمين و انتي داخلة الصالة الدولية
و عقب الوصول لمطار عمان توكلي من مطار عمان لين وسط البلد بقيمة 19 دينار أردني للتكاسي و راح تلاقين سكن اجلسي فيه لين يوم الخميس الصباح و تكلفته في الغالب يوم واحد بسعر ما يقارب 60 -80 ريال سعودي اي في حدود 10 إلى 15 دينار اردني ...
بعدها بتسألي صاحب الفندق تقولين له وين اقرب موقف للباصات و النقل و راح يدلك على اقرب موقف للتكاسي و الباصات و تروحين له مشي عقبها بتركبين مع تآآكسي لونه ابيض وعلميه إنه تبين مجمع الشمال الي يودي على اربد و طبعا كل راكب راح يدفع 45 او 35 قرش اي ما يقارب أربعه ريال او ثلاثة ريال سعودي ...
عقب ما توصلين مجمع الشمال راح تكون هالمنطقة فيها باصات و افضلها باصات حجازي و باصات العروبة طبعا الأنسب لكـ هو باصات العروبة لأنها راح توديك على جامعة العلوم و التكنولجيا اما باصات حجازي بتويدك إلى موقف الباصات باربد و من بدها بتطلعي تآكسي للجامعة و اسعار الباصات من مجمعم الشمال إلى اربد لا تتجاوز 2 دينار و نصف اي حدود 15 ريال سعودي و الزمن في حدود الساعه و النصف تقريبا ..
اول ما توصلين الجامعة بتلاقين ناس عاد اسأليهم عن مبنى صلاح الدين و اتجهي له و من هناك يتم إجراءات طلاب الموازي و هنآآك راح تلاقين طلاب يوجهونك و تخلص باقي إجرائتك ..

و الإجرائات الجامعية تقريبا هي كالتالي : يطلبونك منك شهادتك الثانوية و صور من الجواز و بعدها تتوجهي للمالية من شان الرسوم عقبها تروحين لقسم عمل الملفات و آخر شيئ إصدار الهوية الجامعية و عقب ما ترجعين البيت أدخل موقع الجامعة و ادخلي بيانات لانهم راح يعطونك يوز باس من شان تكملي بياناتك
ملاحظة : الدوام بالأردن من الأحد إلى الخميس
لا تقومين بالحجز إلا بعد ام تسألين الملحقية السعودية هل اقدر اكمل اوراقي خلال هالفتره ؟
ينصح باستخدام به خاصية gps و استخدام برنامج آي قو
بإمكانك التوجه من المطار لمواقف وسط البلد ثم الذهاب فوراً لأربد
عنوان الملحقية(( السفارة السعودية )) :
الملحقية الثقافية فى الأردن- عنوان الملحقية

ختمآ اختي انا حبيت اساعدك بالي اقدر عليه و رسميت لك خطة سير من شان تقدرين تستوعبين الإجراءات إلي بتكون بالأردن

ربي ييسر للجميع دنيآ و آخرهـ ...