أفيدوووني الله يرضى عليكم

إللي مرر بهالتجربه واللي عنده خلفيه يخبرني كيف أمور الالتحاق سهله ولا كيييف؟ الله يسهل للي يرد علي

حياك الله اختي وربي يوفقك

ادري انك محتارة وموضوعك صعب شوية
لكن اللي ما وضحتيه في كلامك ليه تبين تتركين كليتك دامك في جامعة حكومية وخلصتي سنة وامورك ماشية؟؟؟
انا نصيحتي لك قبل كل شيء اقولك كملي في الكلية اللي انتي فيها والتخصص اللي انتي فيه دامك ماشية فيه
صدقيني ازين لك بكثير من الغربة والبهذلة ولا تنسي انك لو جئتي مصر راح تبدين المشوار من جديد وتضيعي ع نفسك سنين،،،،،طبعا هذي مجرد وجهة نطر
بعدين انتي في كلية وتدرسين يعني الامور بيدك ومضمونة لكن البعثة ما تدرين ممكن تجيكي وممكن ما تجي وساعتها راح تخسرين كل شيء،،،،،،،،

بخصوص البعث
انا ما اقدر اقولك الانضمام سهل ولا اقدر اقولك انه صعب
لكن الانضمام حاليا صار سهل نوعا ما خاصة بعد صدور القرار الملكي اللي هو انضمام جميع الطلبة للبعثة
واكيد له شروط انك تخلصين 30 ساعة ومعدل اعتقد انه جيد

اختي اعتقد تخصصك تمريض
زي ما قلت لك انك كملي في كليتك وحتى لو فيه معوقات او صعودبة او فيه شيء مو عاجبك حاولي تتغلبين عليه مو تتركين الكلية او تفكري بالبعثة
شوفي القرار في النهاية بيدك وانتي الوحيدة اللي تعرفين مصلحتك اكثر من اي شخص
لكن فكري زين قبل لا تقدمي ع اي خطوة وقبل كل شيء صلي صلاة استخارة والله يكتب لك اللي فيه الخير

موفقة اختي

..

شوفي وانا أخوك
وقسم بالله كلام يطلع من قلب صادق انا مغترب الان في الاردن
الله يرحم اللي جابوك ويرحمك ..
اذا امورك طيبه في جامعتك ومتأكده انك بتدرسين التخصص اللي في بالك في السعوديه
أو تقدرين تضمنين كل شي نصيحه لوجهة الله كملي ثم كملي ثم كملي بالسعوديه
ولاتفكرين بالدراسه بالخارج إلا اذا تسكرت قدامك كل الابواب الله لا يقوله
والله الغربه شينه والله الغربه شينه
بتفقدين اشياء ما تحسين بقيمتها إلا اذا اغتربتي ..
يازين السعوديه يالهنوف يازين قررررب الاهل والام والاخوان وكل شي فيها =(
نصيحه لاتفكرين تبتعدين عن اهلك إلا اذا الامور تعقدت ويكون حل آخير
والله يوفقك ويسهل دربك ويحقق مبتغآكك
شوف انا الان مو مصدق من الفرحه تجي اجازة عيد الاضحى باقي لها كم اسبوع
والاجازة كلها ايام مجهز شنطتي من الحين
مو متصور كيف بيكون شعوري اول ما أوصل السعوديه
وقسسم صاير مثل البزآرين اللي ينتظرون ابوهم يمر لهم البقاله..ويوديهم الملاهي

بتقولي ليه انا الان أدرس بالاردن وتارك السعوديه؟؟
والله ياختي مقاعد الطب في جامعاتنا قليله يادوووب ياخذون الدوافير على عيال الواسطات ....ألخ
الله يوفقك ويسهل دربك
وآسف احس طووولت وخرجت عن الموضوع بس والله ما حبيت اطلع بدون ما أرد

اختي اشارك اخواني في كلامهم
اذا كنتي حالياً تدرسين بالجامعة حافظي على مقعدك والجامعات الحكومية ماراح تعادلك شي بتبدين من جديد
وزي ماقال اخوي صمت الغروب بجد الغربة صعبة والتعامل في الجامعات معقد ماودي اضايقك بكلامي بس هي نصيحة
اما البعثة مافيه شي مضمون الا بأمر الله حتى لو جبتي 30 ساعة مانتي ماخذتها دايركت يبي لها مراجعات بالرياض
الحمدالله ربي يسر امرنا هالسنة بأمر الملك بضمنا للبعثة بس من جد مافيه ضمانات للبعثة وخاصة ان فيه خبر طلع للدكتور الموسى الاسبوع اللي فات انهم يحاولون ينهون بعثات طلبة الدول العربية خلال 3 سنوات للأسف نظرتهم لنا مش في محلها..
اختي الله يكتب لك اللي فيه الخير بس حبيت اوضح لك والأخوان ماقصروا.

نصيحه لوجه الله كملي ثم كملي ثم كملي بالسعوديه .. اشكر من قالها و هذا الصح

الله يعطيكم العافية ويسهل طريقكم وين ماتروحو على هالكلام. وأنا مااستشرتكم إلا عارفه انكم بتفيدوني بكل ماعندكم. بس المشكله يأخواني انا صح ادرس بجامعه حكوميه لكن مش التخصص الي اقدر أمشي نفسي فيه انا تخصصي تمريض وعديت سنه فيه وصحيخ هالتخصص مرغوب هنا كثير بس بالاخر كل أنسان عارف نفسه ابدا ابدا ماعندي استعداد ولاقدرة أعطي كل ماعندي بهالمجال قد ماضغط على نفسي احس حالي أرجع لورا والموضوع كله بسبب حاله نفسيه من هالجامعه وأنا صارلي سنتين متخرجه من الثانويه أن ماسويت شي هالسنه بيروح علي كل شي . أنا متأسفه كثير ان طولت عليكم الكلام بس وربي مالي غيركم يفهمني ويساعدني المطلوب منكم مشورتكم الاخيره لي بوضعي هذا أطلع ولا ماطلع؟وأذا أنتو مستصعبينها من أي ناحيه بالضبط! ألبعد عن الاهل! طيب انا لي معارف وإن شاء الله مافي قلق والصراحه الصراإحه كلامكم افادني وبنفس الوقت حطمني كنت متأمله بس صدمتووني بإنتظاركم ،

لا والله لا تطلعين ..
كلنا كنا متحمسين بنروح ندرس برآ بنروح ندرس برآ لكن ياليتنا رضينا لو بالقليل وجلسنا في ديرتنا
وبعدين تخصصك حلو وتقدرين تضمنينه في السعوديه..يابنت الحلال أحمدي ربك ع النعمة اللي أنتِ فيها
حتى لو عندك معارف هناك والله حالهم بيكون مثل حالنا والكل يادوووب شايل همه...والان اذا درستي برا بتبدين من الصفر
والموسى طلع قبل يومين يقول خلال 3 اعوام بنسحب كل الطلاب منة الدول العربيه
يعني اذا شملك القرار مستحيييييييييييل يعادلون لك كل الساعات ويردونك للمملكه بس ما رآح تكملين من حيث وصلتي في مصر
أحتمال ترجعين كم ساعة ورى..يابنت لاتغبنين نفسك بنفسك وأرحمي حالك والله مثل السعوديه ما تحصلين يكفي مباني جامعاتنا والنعمه اللي حنا فيها
يكفي بين اهلك واقاربك والرآآآآآآآحـــة النفسيه وأمـــور كثير الابتعاث قرار آخير وصعب كلنا أضطرينا له ...
عموماً حبيت أحطك بالصورة اللي انا فيها الان..والله انا الغربه بهذلة وتعب نفسي ..
بكرة تحسين بقيمة الكلام اللي كتبناهـ لك

ولكن اذا ربي ما كتب لك هنا ....الله يعينك ويسهل عليك وكمل برآ
وبالنسبه لسؤالك ؟؟
للآسف ما عندي اي خلفية..لكن اللي اعرفه الان شغالين يقلصون عدد الطلاب المبتعثين ورفعو الشروط ....ألخ
هل يشملك الالتحاق والله مدري ...
وياخي عندك حل ثاني ارحمممم لك بكثيييير بكثثيييير من الغربة والبهذلة
وبدون سنه تحضيري وبدون شروط وقرف
و بدون مراجعه ملحقيه وتعامل مثل الزفت وياكثر القصص الكارثيه عنهم ومراجعه ورى مراجعه وقلق وياارب التحق
شوفي لك جامعة او كلية اهلية واختاري التخصص اللي في بالك وريح رآسك
وخليك بين أهلك
وانا أشوف افضل حل أنك تكملين في جامعتك وركزي فيها ..
شوفي انا الان متأكد أنك ما رآح تستوعبين كلامي لان كثير نصحوني لكن لا حياة لمن تنادي
تعلمت درس واللهي وياليت تستفيدين منه
..

وان شاء الله يجي أحد يفيدك عن الالتحاق ووو..........ألخ

إممممم . مشكوور جدا اخوي صمت ع الرد وإهتمامك . ومافي أقوول غير ياإاإارب أن فيها خيره لي تممها على خير. أخوي بعد إذنك وعارفه أزعجتكم بس ماعليه اتحملوني فهمني ايش معناته كلام الموسى! يعني بعد ثلاث سنين يرجعو الطلاب ولاماعاد في بعثات ع الدول العربيه ؟

..
هذا الخبر :
إنهاء دراسة السعوديين في الجامعات العربية خلال 3 أعوام - صحيفة سبق الإلكترونية

والله ياختي الامور كل ما لها تصعب
واللي كاتبه الله خير ..~
لكن السؤال هل ينفذونه ؟؟
الله اعلم