قرب ياولد قرب (لطلاب مصر السعودين ) :(

تبا للشيطان نسيت اقول لكم نسبتي 79 والقدرات 66 والتحصيلي < ماعندي

هل نسبتي تدخلني تخصص ملتهب زي هندسة قوى كهربائيه ..؟



او دكتوراه مثلا هههههههههههههه لاامزح في ذي

ووش الاجرات التي سوف اعملها ان شاءالله هنا في السعوديه ..؟

كلمه ولو جبر خــآطر

وعليكم السلام

هلا اخوي ولا تستخف بدمك ثاني مرة ههههههههه يالعنبو التحطيم
تراني امزح معاك ياقميل ما تزعلش مني

بخصوص الدراسة في مصر
طبعا التسجيل راح يبدا شهر 7 ميلادي عاد انت احسب كم بالهجري
اعتقد يوافق شعبان لان الفرق بين الهجري والميلادي شهر واحد
بخصوص ال30 الف ريال حقتك والله يرزقك ب 30 مليون ريال وشكلك تبي تجحدني لا جاك خير وتنسانا
المهم
الدراسة في مصر رخيصة نوعا ما
تدفع اول سنة 3000 جنيه استرليني تقريبا 18 الف ريال سعودي
هذا فقط اول سنة لكن بعد كذا رح تدفع نص المبلغ ذا يعني 9 الف ريال فقط لا غير
هذا طبعا في الجامعات الحكومية وفي جميع التخصصات في لطب والهندسة والقانون وادارة الاعمال

بس اهم شيء بالجامعات الحكومية هي نسبتك بالثانوية والقدرات
تخصصات مثل الطب والصيدلة والهندسة والقانون يبي لها نسب عالية شوية
ع الاقل قريبة من 90

المعيشة برضو مو غالية
بس تقدر تقول الشقق غالية شوية يعني لو تبي تاخذ شقة في مكان محترم ومكيفة تحصلها ب2000 جنيه مصري بالشهر تقريبا 1500 ريال سعودي
طبعا شقة متكاملة فيها كل شيء ومفروشة ع الاخير
ولو ما عندك مشكلة وتبي تسكن اي حي تلاقي ارخص من كذا بكثير
طبعا الميشعة انت وصرفياتك
بالعربي كذا 30 الف ريال باذن الله رح تكفيك

التسجيل مثل ما قلت لك شهر 7 ميلادي وهو عن طريق ادارة الوافدين بالقاهرة وبرضو لهم موقف ع النت بس للاسف احيانا ما يفتح معاك الموقع
فلو تجي القاهرة وتسجل وتخلص امورك يكون احسن وتختار التخصص والجامعة اللي تبيها وكل هذا ما ياخذ منك يومين
طبعا اول شيء تروح الملحقية وتفتح لك ملف وتاخذ منهم ورقة

الله يوفقك اخوي ويسهل لك
وان شاءالله تكون وضحت لك الصورة
موفق

هههههههههههه

صبح صبح جمعه مباركه علينا وعليك ان شاءالله

يالعنبو < من اي قاموس ذي ههههههههههههه

خذ راحتك طال عمرك

تصدق لو تجيني 30 مليون ان لك 5 مليون بس خلها تجي هالحين
حلو عرفت الحين ان الجامعه يبي لها 18 الف يقا 12 تتوقع تكفي سكن واكل ومواصلات لمدة 8 شهور او تسعه ..؟
وبخصوص ادارة الوافدين متى اروح لهم ..؟ عادي بعد اسبوعين ..؟

وشهادتي الثانويه اصدقها من هنا ولا اسوي ببها شي هنا ..؟
واذا كانت زي ماقلت اختار ثلاث تخصصات وهم يختارون لي واحد لان انا ادرس الان في جامعه وتخصص معقول وناوي افصل اذا ضمنت اني انقبل في احد التخصصات اللي هي هندسه و علم نفس و صيدله او تمريض ..!
ومعليش على الاساله

وماقصرت الله يرفع قدرك ويحقق لك مبتغاك قول امين

سلام يامعلم

واياك ان شاء الله

والله ياخوك اذا انت في كلية الحين وضامن عمرك
احسن لك من البهذلة والغربة
خاصة وانت مطفر مثل ما تقول
بعدين ترا البعثة مو مضمونة 100% يعني ممكن تقعد تدرس ع حسابك اكثر من سنة
يعني فكر زين واستخر ربك قبل لا تخسر كليتك وانا مثل ما قلت لك خلك بكليتك خاصة ان نسبتك معليش نازلة شوية
ما اتوقع انها تجيب لا هندسة ولا صيدلة ولا حتى قانون التخصصات هذه كلها يبي لها نسب عالية لا تقل عن 90
التمريض مدري عنه والله


الوافدين ما بعد فتحو التسجيل التسجيل باقي عليه اكثر من شهر
طبعا الشهادة تبي تصدقها من الخارجية السعودية ومن السفارة المصرية بالرياض او القنصلية بجدة

موفق اخوي

الله يوفقك ويرزقك وويسر لك امر ك من حيث لاتحتسب ..

ان شاءالله ابي استخير واشوف وش يختار لي الله سبحانه ..

بيض الله وجهك ، ماقصرت