LinkBack URL
About LinkBacks
43 وولا احد رد؟
7 " 
استفسار بخصوص كيفية التسجيل بجامعة الشارقه!
استفسار بخصوص كيفية التسجيل بجامعة الشارقه!
تنبيه: هذا الموضوع قديم. تم طرحه قبل 4329 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- 7 "
السلام عليكم..
وعليكم السلام ورحمة الله وبركاته
عندي كم استفسارر بخصوص جامعة الشارقه واتمنى تفيدوني
ان شاء الله افيدك بللي اقدر عليه
انا سعوديه تخرجت السنه الي راحت 2011 ودرست سنه في جامعه الدمام وابي اقدم الحين على الشارقه طب اسنان
عارفه شروط البعثه انه لازم اجيب فوق 2.5 و ادرس 30 ساعه بس هل بعدها يردون لي المبلغ؟
انا اللي اعرفه يرجعون لك المبلغ للترم اللي تم التحاقك فيه بالبعثه ، اما المبلغ للسنة الاولى (30 ساعه) ماعندي فكره
ولما فتحت التسجيل الالكتروني مكتوب من المستندات المطلوبه شهادة حسن سيره وسلوك وانا مدرستي ما عطوني قالو خلاص انو صارت مع الشهاده ايش اسويي!
وبعد 1-مايفيد انجاز الطالبه لـ12 سنه دراسيه
مايفيد انجاز الطالبه لـ12 سنه دراسيه ،، هي نفسها شهادة ثالث ثنوي
2-مايفيد قبول شهادة الطالب في الجامعات الحكوميه في الدوله المانحه
في وحده من الاخوات ردت في الموضوع المثبت أي استفسار عن الجامعات أو الدراسة بدولة الامارات العربية المتحدة ؟
انه ،، هذي البيانات خاصة بالطلاب اللي دارسين في دول أجنبية , أما بالنسبة لطلاب دول الخليج فهي غير مهمة
وفي بعد بيانات خاصة في المواطنين
3-لفحص الطبي - يؤخذ نموذج من ادارة القبول بالجامعه
الفحص الطبي وقت فتح الملف هم يعطونك ورقة للفحص
و الفحص لازم يكون من جهة حكومية او تقدرين تسوينه في نفس الجامعة
من وين اقدر اجيبهم؟؟؟ وهل يدققون ؟
الفحص الطبي هم يعطونك النموذج
باقي الاوراق انتي تجيبينهم
و بيطلبون بطاقة الهوية الوطنية هي غير بطاقة الاحوال السعودية
لازم تقدمين عليها في الامارات بس لا تحاتين يكقي تقدمين
وتصورين لهم الوقة انك قدمتي و تكملين الاجراء بعدين اي وقت
ايه يدققون بس لو ما كانت اوراقك كاملة تقدرين تكملينها اي وقت قبل الدراسة
لكن الفحص الطبي والسيرة و السلوك يتوقف عليها القبول
وفيه اول شي بالتقديم الالكتروني انه تحديد الفرع المرغوب الالتحاق به فيه وحاطين هالاختيارات main branch - sharjah او khorfakkan او kalba او Deba Al hesn او Almaleha ايش احط ؟؟
تحطين sharjah
باقي الخيارات مناطق تابعة لامارة الشارقة يعني فروع للجامعة
وانا حابه اختبر آيلتس بدل التوفل كثير نصحوني فيه بس انهم هندسه هل يفرق وطب الاسنان لازم توفل والا ايلتس يكفي؟
الجامعة تقبل الآيلتس بس لازم تجيبين 5 قي كل مهارة او ان المهارة اللي تجيبين فيها اقل من 5 تنزلين بدالها مادة
ف اتوقع يقبلونه حتى لطب الاسنان لكن تأكدي افضل ..
وبعد التسجيل الالكتروني يحتاج اروح ومتى ؟ ومتى اقدم شهادتي الاصل
ما اقدر افيدك بالتسجيل الالكتروني لاني وقت التسجيل رحت شخصيا
وعندي سؤال!! تو قريت احد كاتب ان الأولويه للجديدين الي متخرجين 2012
تحطمت نفسيا ومعنويا وكل شي! هل صحيح هالكلام
؟
لا تتحطمين ياقلبي ولا شيء اللي كاتبه ربي لك بيصير بإذن الله
يمكن بالنسبة لطب الاسنان تكون الاولوية لخريجين السنة لان القبول يتم بالمفاضلة
اما باقي الكليات لا اهم شيء تستوفين الشروط و تكون اوراقك كامله
اسفه عالاطاله وكثرة اسئلتي بس الي عارف ياليت يرد وبأسرع وقت !
بالعكس قلبو احنا هنا علشان نتبادل الخبرات << متعوب عليها هه
ولو عندك اي استفسار ثاني لا يردك الا كيبوردك ،،
و بالتوفيق ان شاء الله
- Amb!tious g!rl7 "
التسجيل الالكتروني مافادني شكلي بروح الاسبوع الجاي اسجل! هل اجيب شهادتي الأصل والا بس النسخه واذا بس النسخه متى اجيب الاصل
وبطاقة الهويه الوطنيه من وين اطلعها ؟
و يعطييييك الف عافييه حبيبتيي مشكوره نعبتك معاي - التسجيل الالكتروني مافادني شكلي بروح الاسبوع الجاي اسجل! هل اجيب شهادتي الأصل والا بس النسخه واذا بس النسخه متى اجيب الاصل7 "
الا تجيبين الأصل لكن هم مارح ياخذونها ، بياخذون صورة مصدفة منها يعني صوريها و صدقيها عاد مادري من وزارة التعليم و الا من الملحقية او من الاثنين مادري الوالد ختمهم لي و جابهم ^
وبطاقة الهويه الوطنيه من وين اطلعها ؟
امم بالضبط يعني اسم المكان ما اعرف .. بسألك الوالد عن اسم الدائرة الحكومية المختصة
<< ما اقدر عالفصحه
بس تقدمين عليها بعدين بيعطونك موعد علشان تبصمين و تصورين وبعدها بفترة كذا تطلع البطاقة تستلمينها من البريد
واذا قدمتي يعطونك ورقة انك مقدمة و الجامعة تكتفي فيها مبدئيا ..
و يعطييييك الف عافييه حبيبتيي مشكوره نعبتك معاي
الله يعافيك قلبو ولو ما سوينا شيء
- Amb!tious g!rl7 "
طيب اختي انا جايه الاثنين عشان اسجل
بس ابي اكمل الاوراق المطلوبه كلها ومو متأكده منها
اجيب 1-شهادتي الاصل والصوره واصدقها من الملحقيه
2-صوره من جواز السفر
3-فحص طبي
4-بطاقه الهويه الوطنيه ( اطلعها من الشارقه)
ايش بعد مستندات مطلوبه ؟ وقوليلي انتي ايش طلبوك هناك وهذي تكفي؟ - 7 "Amb!tious g!rl
طيب اختي انا جايه الاثنين عشان اسجل
بس ابي اكمل الاوراق المطلوبه كلها ومو متأكده منها
اجيب 1-شهادتي الاصل والصوره واصدقها من الملحقيه
2-صوره من جواز السفر
3-فحص طبي
4-بطاقه الهويه الوطنيه ( اطلعها من الشارقه)
ايش بعد مستندات مطلوبه ؟ وقوليلي انتي ايش طلبوك هناك وهذي تكفي؟
المستندات المطلوبة :
1. صورة من جواز السفر
2. صورة مصدقة من شهادة الثانوية العامة تجيبين الاصل بس يشوفونها ، بياخذون الصورة المصدقة من الشهادة و بيرجعون لك الاصل
3. 4 صور شخصية حديثة قياس (3x4) ويكتب الاسم الثلاثي خلف كل صورة << انا ما اذكر اني كتبت اسمي ههه
4. الفحص الطبي (يتوقف عليه القبول)
5. صورة عن البطاقة الصحية او التأمين << أنا هذه للحين ما سويتها
6. صورة عن شهادة حسن السيرة و السلوك ( يتوقف عليها القبول)
7. صورة عن شهادة الميلاد
8. صورة عن بطاقة الهوية (بقولك تفاصيلها ان شاء الله )
9. (300 ) درهم نقداً رسوم فتح الملف (غير مستردة)
بتروحين الجامعة - القبول و التسجيل بتفتحين ملف هناك
بتكونين جايبة ( الشهادة مصدقة مع الاصل + صورة جواز السفر + 4 صور شخصية + صورة حسن السيرة و السلوك + صورة شهادة الميلاد )
بتدفعين 300 درهم و هنا ما يعتبر قبول بس فتح ملف
بعدين بتاخذين منهم نموذج الفحص الطبي
بتسوين الفحص .. انا سويت الفحص برا الجامعة النتايج طولت ما طلعت الا بعد كم يوم
الافضل سويه في الجامعة اذا يسوونه انا الصراحه ما استفسرت منهم وقتها
وبعد ما تطلع نتايج الفحص تعطينها القبول و التسجيل و تسددين اتوقع طب الاسنان 11,000 درهم
باقي الكليات 3,000 حجز المقعد
وبس بتاخذين رقمك الجامعي و تكملين باقي النواقص
ولا تنسين تاخذين منهم ورقة تفيد قبولك بالجامعة تودينها للملحقية السعودية في دبي
و تفتحين ملف في الملحقية
بس عندي ملاحظة بالنسبة للقبول في طب الاسنان اتوقع انه يخضع للمفاضلة يعني يمكن ما يعطونك قبول نهائي
يعني حتى الرسوم 11,000 يمكن ما يطلبونها منك الا اذا ظهرت النتايج و كنتي من المقبولين تسددينها
فـ ماني متأكدة من هذه النقطة ^
و بالتسية للغة ما اقدر افيدك بالضبط لان انا جايبة الآيلتس وقدمته
فـ يعني ما ادري اذا عادي يقبلونك و بعدها تجيبين اللغة
او كيف نظامهم ^ ..
،
،
- 7 "
الحين بالنسية لبطاقة الهوية ،،
بتروحين لاي من مكاتب تسهيل منتشرة هي و بتلقين مكتوب عليها بالكبير تسهيـــــــل << احلفي ههه
او اي من مكاتب الطباعة و هذه عناوينهم بالضبط مع مواعيد العمل - اختاري الشارقة هنا
الوثائق المطلوبة :
1. جواز السفر الأصلي (ساري المفعول)
2. وثيقة إثبات إقامة بالدولة
(شهادة عمل سارية - عقد إيجار أو ملك عقار – رخصة تجارية – شهادة تسجيل دراسية – شهادة إعالة – عقد زواج ساري – بطاقة عمل)
بتكون بالنسبة لك شهادة تسجيل دراسية
وبتدفعين رسوم 100 درهم
يعدين هناك بتكملبن الاجراءات وبيعطونك ورقة فيها موعد للتبصيم و الصورة
وبتروحين عالموعد اي مركز من المراكز اللي في الشارقة موجودة عناوينهم هنا آخر الصفحة
انا رحت عيادة بلدية الشارقة في الناصرية - القاسمي
و ان شاء الله امورك كلها سهالات
- كفييتيي ووفيتي حبيبتييي!!7 "
بسألك عن سكن الجامعه كيف متشددين مره والا كيف الوضع اذا تعرفين؟ - 7 "
June 19th, 2012, 08:34 PM
السلام عليكم..عندي كم استفسارر بخصوص جامعة الشارقه واتمنى تفيدوني
انا سعوديه تخرجت السنه الي راحت 2011 ودرست سنه في جامعه الدمام وابي اقدم الحين على الشارقه طب اسنان
عارفه شروط البعثه انه لازم اجيب فوق 2.5 و ادرس 30 ساعه بس هل بعدها يردون لي المبلغ؟
ولما فتحت التسجيل الالكتروني مكتوب من المستندات المطلوبه شهادة حسن سيره وسلوك وانا مدرستي ما عطوني قالو خلاص انو صارت مع الشهاده ايش اسويي!
وبعد 1-مايفيد انجاز الطالبه لـ12 سنه دراسيه
2-مايفيد قبول شهادة الطالب في الجامعات الحكوميه في الدوله المانحه
3-لفحص الطبي - يؤخذ نموذج من ادارة القبول بالجامعه
من وين اقدر اجيبهم؟؟؟ وهل يدققون ؟ وفيه اول شي بالتقديم الالكتروني انه تحديد الفرع المرغوب الالتحاق به فيه وحاطين هالاختيارات main branch - sharjah او khorfakkan او kalba او Deba Al hesn او Almaleha ايش احط ؟؟
وانا حابه اختبر آيلتس بدل التوفل كثير نصحوني فيه بس انهم هندسه هل يفرق وطب الاسنان لازم توفل والا ايلتس يكفي؟
وبعد التسجيل الالكتروني يحتاج اروح ومتى ؟ ومتى اقدم شهادتي الاصل
وعندي سؤال!! تو قريت احد كاتب ان الأولويه للجديدين الي متخرجين 2012
تحطمت نفسيا ومعنويا وكل شي! هل صحيح هالكلام
اسفه عالاطاله وكثرة اسئلتي بس الي عارف ياليت يرد وبأسرع وقت !