مساعدة جامعة الشارقة. أتمنى تساعدوني : (

June 28th, 2013, 11:14 AM

السلام عليكم ورحمة الله وبركاته ،

أتمنى تساعدوني والله في عون العبد مادام العبد في عون أخيه : (
أنا قدمت على جامعة سعود ونسبتي عالية لكن ما اقبلوني لأني من المنطقة الشرقية والأولوية لأهل الرياض
فقررت أدرس على حسابي سنة وبعدها التحق بالبعثة في جامعة الشارقة وحسيت هي انسب شي لي
أنا مقررة إن شاء الله طب أسنان، وقريت التجارب وكنت أشوف كل الأمور تمام لين قريت رد لشخص وبصراحة حسيت تسكرت الأبواب في وجهي مرة ثانية : (
قال إنه تخصص الطب البشري والأسنان صعبة بالقبول ومافيه ولا سعودية بهالتخصصين ماعدا وحدة حوَلت - طبعًا قال إنها بواسطة لأن التحويل صعب بعد -
ما يستفاد أنا ما أبي أضيع سنة من عمري ولا أبي أخاطر واغامر على شي ماهو مضمون.
يعني اللي يدرسون هناك أو يعرفون أحد يدرس ياليت يشرح لي طريقة قبولهم للتخصصات هذي، يعني أنا أدري إني بقدم ولازم اجتاز التوفل ودارية ماراح اجتازه لأن إنجليزيتي بسيطة لكن بشتغل على نفسي بهالشهرين الجايَة إن شاء الله، فاللي فهمته إنهم يدخلوني سنة كاملة إنجليزي مكثف عقبها يختبروني، ولازم أجيب درجة فوق ٥٥٠ ويقبلوني سنة تأسيسية ؟ طبعًا بالسنة التأسيسية إذا ماجبت معدل عالي ممكن يطردوني أو يجبروني أحول تخصص ثاني صح ؟ يعني ممكن يضيع من عمري سنتين بدون لا أضمن مقعدي بالطب : ( ؟ صح اللي فاهمته ولا أنا فاهمة غلط ؟
وإختبار التوفل صعب حيل لدرجة ممكن ما اجيبه من أول مرة ؟ أرجوكم طمنوني أنا طموحي واحلامي كلها طب ما أبي انصدم أو يضيع من عمري سنتين خصوصا إنه الطب سنواته طويلة بعد.
وكيف طبيعة الدراسة بالسنة التأسيسية؟ يعني ممكن أجيب معدل عادي ولا ماراح يكون بهالسهولة، مع العلم إني مجتهدة بدراستي ونسبتي الثانوية ٩٩.٥٦ وبالقدرات جبت ٨٤ وبالتحصيلي ٧٤ للأسف : (

الله يوفق كل شخص يرد عليَ ويسهل عليه، بجد محتاجة مساعدتكم عشان أقرر وش أدخل ووش أقدم عليه : (
لأن فعلاً حاسة بضياع وماني قادرة أقرر قرار صح لأن كل شوي يطلع لي شي يخليني أتراجع.

• نشر عبر تويتر
• نشر عبر فيسبوك
• نشر عبر جوجل