مساء الخير ...
من شوية رديت على كمان عضو بيتسفسر عم دراسة الماجستير تفضل ردي تقريبا نفس ردي على موضوعه ..
رحبــا ..
بالنسبة للدراسة في الاردن كتير كويسة انا شخصيا درستفيها تلات سنين السنة خلصت ... الادن بلد كتير حلووة و افضل شي في الاردن الوضع الامني جدا مستقر والحمد لله ... وجامعات الاردن معروف عنها انها الاقوى في الشرق الاوسط ..
هلا بالنسبة للماجستير في الاردن عندكم في السعودية مو معترف فيه الا من 4 جامعات اردنية بس ..
الجامعة الاردنية,
جامعة مؤتة،
جامعه العلوم والتكنولوجيا
وجامعة اليرموك
وهذا لايعني عدم وجود جامعات اخرى عملاقة ربما افضل من بعض ماهو مذكور ... بالنسبة للحصول على قبول فهو سهل جدا كون ان جميع الجامعات الاردنية شروط القبول فيها للبرنامج الدولي سهلة جدا ...
الجامعة الاردنية موقعها كتير ممتاز و حواليها اماكن كتير راقية و غير هيك متوفر جنبها كتير سكنات و مولات واسواق ... و غير هيك هي في العاصمة عمان .. اما بالنسبة لجامعه اليرموك و جامعه العلوم و التكنولوجيا كمان كتير مناح بس هم في اربد اربد من ناحية المعيشة ارخص من عمان ... وعلى فكرة جامعه العلوم و التكنولوجيا فيها كتير طلاب من السعودية بس حسب معلوماتي ما فيها تربية .. و جامعه اليرموك رائعه و اسعار السكن فيها ارخص من سكنات الجامعه الاردنية ومنطقتها مرفهة كتير و فيها ملاهي و مطاعم كتيرة و اكيد فيها طلاب سعوديين بيدرسو فيها بالنسبة لجامعه مؤته قريبة كتير على مدينة الكرك .. وفيها كمان طلاب سعوديين يدرسو هناك ... بس كل شي بتحتاجه بتلاقيه رخيص من حول الجامعه بس المنطقة شوة بعيده عن العاصمة .. وما فيها رفاهية .. ومشكلتها ما فيها سكنات مفرووشة على مستوى عالي ...
بالنسبة لجامعه اليرموك بنصح الكل يفكر فيها هي افضل من جامعه مؤته و الاردنية .. من عدة نواحي ... رائعه و اسعار السكن فيها ارخص من منطقة الجامعه الاردنية ,ورسومها اقل من رسوم الجامعه الاردنية الي برغم منها حكومية بس رسومها اغلى من الجامعات الخاصه ..
بالنسبة للغة الدراسة في جامعه مؤته الدراسة بالعربي للماجستير و بالنسبة للجامعه الاردنية الدراسة باللغة العربية و الانجليزية للماجستير ..
بالنسبة لجامعه اليرموك ... عندي شوية معلومات عنها ..
لجامعة كتير راقية و النس كمان في اربد طيبين ... ومدينة اربد منيحة كتير و الجو فيها كتير رووعه .. وغير هيك ما راح تحس في غربة لانه وين ما تروح رايح تشوف سعوديين و خصوصي في شارع الجامعه في نسة كتير منيحة ... المدينة متوفر فيها كل شي و الاسعار متوسطة لرخيصة ... و اسعار الشقق بتتراوح في اربد 150 دينار للغرفتين يعني تقريبا 600 ريال و هدا السعر لشارع الجامعه و كل ما بعدت عنه الاسعار بتقل ... و بالنسبة للتخصصات الموجودة و الشروط الخ تفضل هدا من موقع الجامعه بفيدك كتير ...
http://www.yu.edu.jo/MAcond/tabid/381/Default.aspx
بالنسبة للمصرووووووووف فكل واحد بيقدر يصرف على كيفه و بيختلف المصروف اذا معك سيارة او من دون سيارة بس بدك لا يقل عن 500 دينار شهريا .... و بيختلف اكيد المصروف من عمان لاربد لمؤته ... وحسب سعر السكن ...
اخيرا تفضل هدي مواقع الجامعات في الاردن و ارقام هواتفها الخ ...
www.ju.edu.
(تم حذف الإيميل لأن عرضه مخالف لشروط المنتدى)
الجامعة الأردنية
عمان -ارقام الاتصال :
5355511-6-962 5355000-6-962
www.yu.edu.jo
(تم حذف الإيميل لأن عرضه مخالف لشروط المنتدى)
جامعة اليرموك
اربد / ارقام الاتصال
7274725-2-962 7211111-2-9622
www.mutah.edu.jo
(تم حذف الإيميل لأن عرضه مخالف لشروط المنتدى)
جامعة مؤتة
الكرك-ارقام الاتصال
2375540-3-962 2372380-3-962
www.just.edu.jo
(تم حذف الإيميل لأن عرضه مخالف لشروط المنتدى)
جامعة العلوم و التكنولوجيا الأردنية
اربد- ارقام الاتصال
7095123-2-962 7201000-2-962
اخيرا بتمنى انك تستفيد من ردي .. و اي شي اذا بعرف انا حاضر .
amarnih June 6th, 2008, 06:27 PM
7 "
June 5th, 2008, 05:42 PM
السلام عليكم ورحمة الله وبركاتهأرجو من طلاب الأردن مساعدتي في هذا الاستفسار
لأني من جد محتاج معلومات أكيده
فياليت لو أحد عنده فكره عن ما جستير التربية الخاصة
في الأردن وعن الجامعات اللي تقدم هذا البرنامج
وياليت لو تفيدوني عن التكلفة وشاكر لكم