السلام عليكم
حبيت استفسر عن الدراسه في مصر وعن أفضل جامعة واتمنى اعرف مواعيد القبول في الجامعات المصرية وهل قبولها كل ترم دراسي ولا كل بداية سنة دراسية جديدة وكم تكاليف الدراسة لمرحلة الماجستير في الإعلام (العلاقات العامة), واتمنى ألقى جواب منكم ومن الطلاب اللي سبق ودرسو في مصر وعن تكاليف السكن والمعيشة .

وشكراً جزيلا ...

ما ادري عن نظام هذا المنتدى ... يمكن لازم أنزل موضوع وأرد على نفسي واجاوب على السؤال اللي طرحته.

يا الله للدرجه هاذي موضوعي مو مهم ولا الظاهر الرد عليه رسوم ؟؟؟ لي يومين وانا منزل الموضوع وانتم ولا من شاف ولا من دريعلى العموم مشكورين والظاهر ماني مكمل الدراسه في مصر مدام هذا اسلوبكم .

ليتني مانزلت الاستفسار ؟؟

اخوي تركي بالنسبة للسكن فلا تفكر فيه رخيص يعني 1000 جنيه او اكثر او اقل على حسب حالة الشقة ونظافتها بس انصحك لو راح تدرس فترة طويلة خذلك شقة قانون جديد يعني فاضية وانت تفرشها يعني بالبلدي ماراح يكلفك الفرش ولا 6000 جنيه مقابل انك تسكن وانت مطمن فاكثر الشقق هنا بمصر اجهزتها الكهربائية على قد حالها وطبعا هناك هايبر وان وكارفور الي في مدينة الشيخ زايد فيه كل احتياجاتك . بالنسبة للدراسة فأول شي لازم تسوي معادلة في المجلس الاعلي للجامعات الي مكانه بجامعة القاهرة وبعد كذا تروح تقدم على الكلية الي يتبعها تخصصك وبعدين بالنسبة للماجستير والافضل لك تقوم بزيارة بسيطة بنفسك لتعرف الاجراءات وهنا في النادي السعودي بالقاهرة والملحقية الافادة ستكون اكيدة باذن الله وسوف يعطونك خطاب للجلمعة التي تود تكملة الدراسة فيها وهي على الاغلب حكومية والدراسة على الاغلب نظام اترام وعليك الاتصال هاتفيا بتلفون الملحقية والاستفسار. والبنسبة للمعيشة فلاتشيل هم ماراح يتغير عليك شي ابدا فالبلد مليانه سعوديين وماراح تلاقي اي صعوبة ابدا ان شاء الله واي خدمة انا حاضر

يا اخ حسان ممكن تسئلي بخصوص دراسه الطب هل هو بنظام اترام ولا بدايه كل سنه يعني الان يمديني اطلع مصر وابدا دراسه ولا بدايه السنه الجايه

بالنسبة لسؤال أخي الاول

دراسة الماجستير تكون فقط بالجامعات الحكومية

وأنا أرشح لك الدراسة بجامعة القاهره وخصوصاً هذا التخصص الجميل جداً

بالنسبة لموعد التسجيل شهر 8 ميلادي

وبالنسبة للرسوم تستطيع الاتسفسار عن طريق موقع الجامعة أو عن طريق الملحقية الثقافية بالقاهره

وبالنسبة للمعيشه فهي إن شاءالله سوف تكون رخيصه في حالت عدم أسرافك اسراف مبذر ..

يعني سوف تكفيك ( 3 الاف ريال )

وبالنسبة للسكن كذلك سهالات

وبالنسبة للاخ دراسة الطب لم أعرف تريد حكومي أم جامعة خاصه حتى أعطيك التقرير كامل ..

وتقبلوا فائق التحية والأحترام

في جامعة القاهره وكم التكاليف ومتى اقرب فترة تسجيل وهل التسجيل بنظام اترام ام بداية كل سنه جديدة وكيف اقدر انضم للبعثة في اقرب فرصه بحكم خبرتكم

أولاً / الطب يعتبر من أقوي التخصصات وخصوصاً في جامعه مثل جامعة القاهره .

ثانياً / التكاليف 1500 جنية استرليني رسم قيد لاول مرة
1500 جنية استرليني مصروفات دراسية سنوية (هذه الرسوم معلنه في الملحقية الثقافية بالقاهره )


ثالثاً / التاريخ المحدد لتقديم الأوراق (التسجيل) شهر أغسطس من كل عام ويغلق الباب نهائيا مع أوائل شهر سبتمبر

رابعاً / يمكن أن تنظم لعظوية البعثه ، بعد أجتياز 30 ساعه دراسيه + الحصول على 2.5 من 4 أو 3 من 5 النسبة

* دائماً طلاب الطب يتساهلون معاهم بخصوص اجتياز الساعات و النسبه ..

ووفقك الله وإن شاءالله فالك التفوق والنجاح

وتقبلوا فائق التحية والأحترام ..

متى سوف يبدا التسجيل في كلية الطب جامعة القاهرة
وما هي الشروط