ماهي مراكـز جامعاتنـا لهذا العالــم...!!!

اعتقد مالها مركز
لاني دخلت على عدة مواقع لمراكز الجامعات وماطلعت السعودية بينهم ومو غريب ذا الشي
حتى مالها مركز بين 1200 جامعه
وابشرك مو بس السعودية حتى باقي الدول العربية ولا وحده طلعت من بين 1200 مركز
مع انه والله في عقول نظيفه ما شاءالله في الدول العربية
واشكرك اخوي على طرح الموضوع

صحيح والله .. بعدين من سأل نفسه :من اللي يصنف الجامعات ؟؟؟):: هم اللي يصنفونها من مراكز معلوماتهم .. لا تتوقع انهم بيحطونك متقدم من غير ثمن .. اتذكر جامعة الملك فهد للبترول كانت صنف الأولى بالشرق الأوسط قبل فتره .. وبعد ما طلعوا منها المدرسين الأمريكيين والبريطانيين طلعت أوت من التصنيف هذا ..


تذكرت فوضى المواقع الااكترونية .. حيث يدفع لهم مبلغ معين ويضعون موقعك ضمن أفضل المواقع العربية .. وكله بفلوسك .. ومتأكد لو تطلع جامعة أهليه قويه (يعني تدفع) ليحطونها من المراكز الأولى بالعالم أو على الأقل العالم العربي .. ياخي دخلت جامعات في كندا والله نايمه .. تعرف كيف نايمة ؟ ومع ذلك تصانيفها مميزه .

بصراحة لايوجد جامعة لدينا تستحق التصنيف بسبب طاقم التدريس المتزمت والمتشدد في

أغلب جامعاتنا تجدهم يلعنون في المادة ويقولون لن ينجح معي أحد في هذا السمستر

ويستهزؤون بالطلاب اساسا والمشكلة أنهما من جنسيات عربية وسعودية والمادة اللي تاخذها

عند واحد أجنبي تستانس عليها لأنهم يقدرون جميع الطلاب بجميع مستوياتهم.

حياكـم جميعاً
أخوي - تركي-
صراحــه شي مايرفع الراس نهائياً .,. موب معقولـه إننـا موب فالحين
بأي قســم لدرجة أننـا مانوصـل الى حد أول 600 !!..!!
-vh51-
يالغالي موب معقوله لأننـا ماندفع نصل لمركز لآيتعدى الـ1200 ..!
وإن كان كلآمكـ كما تقول إذا هي بالفلوس ..! فطبعاً راح يكون لنـا مركز
وإن لم ندفع..! الدراسـه تظهر من هم الأفضــل .,. وللأسف لم يظهر من جامعاتنـا
شخص واحد فقـط ليسحب البساط من واحد من الجامعات الأولى (1200 جامعه)
حتـى الدكتور السعودي الذي فصـل الطفلين لم تكن دراساته هنا بالمملكه
وأعتقد إن كان درس هنا لما كان ماهو عليه الأن
- Medical Dream -
شي طيييييييييب يالغالي أنت جيت على الجرح
صراحه أنا أول مرهـ أشوف دكتور يرسب طلآب لآن هيئتهم أو مرجعه من حيث شجرة المولد
موب عجبته
شي ثاني تحس إنهم قد ماهم موجودين يحاولون يكرهون الطالب بالماده
لكن إن جيت حسبتهـا على مستويات الجامعات اللي بره
تلقى الطالب كارهـ للمادهـ وفاشل بدراسـته لكن الدكتور هناكـ يساعده
قدر الإمكان ليحب هذه الماده
أعتقد لو ذا الطالب بواحدهـ من جامعاتنــا وقال للدكتور كذا كان مداهـ شوته

ـ ـ ـ ـ ـ
وبالتوفيق للجميع
..name..

السنة الماضية كنت ادرس بوحده من جامعات المملكة ( الله يستر علينا وعليها ) ماقدرت اكمل فيها من الاسلوب السيء في التعامل .. وتحقير وتتفيه الطالب ..بالاضافة الى الفوضى وعدم النظام من جميع النواحي .. سواء في كيفية الحصول على النتائج او بطاقة الصراف او البطاقة الجامعية او المكافأة او اشعار النجاح ..الخ كل هذي الامور تتعذب وتمر بجميع انواع التهزيء والعذاب عشان تخلصها وشي نادر طبعا اذا شفت احد يبتسم في وجهك .. ما انكر اني صادفت 2 او 3 دكاترة محترمين واخلاقياتهم عالية جدا بس وش الفايدة هم مايشكلو حتى نقطة في بحر ..
الطالب دائما مهان ويعامل بأسلوب الاوامر
احمد ربي مليون مره اني طلعت من هل الجامعة ..نفسيتي كانت سيئة .. وماكنت اذاكر ولا افتح كتاب من القهر ..كنت اكره اروح الجامعة ..اروح بالغصب بس عشان ما انطرد ..
صحيح في ناس تقدر تعدي كل هالامور وتلتفت لدراستها بس عن نفسي ماقدرت استحمل هذا الوضع السيء .. والحمدلله الله اكرم عليي بالبعثة الف حمد وشكر لك يارب .
اسفة على الاطالة .. بس شكلي سهيت وقعدت افضفض

الله يوفق الجميع ان شاء الله

أخوي أنا اتفق جزئياً مع الأخ vh51

لأنه فعلاً مستحيل يجعلونك أفضل منهم

وفي نفس الوقت فعلاً جامعاتنا وضعها سيئاً

شوفو ترتيب الجامعات السعودية وانصحكم تدورن من ال5000 الى 3000 ووحده فقط تحت ال2000 وهي جامعة الملك فهد ترتيبها 1500 تقريبا . واقول خل عنكم انه ترتيب الجامعات عشان يدفعون الفلوس والله العظيم لو تجي تقارن بين الجامعات ال3000 وبين جامعاتنا راح تنصدم وترى ذي حجة نتحجج فيها دايما عند اي فشل في كل شي السياسة الرياضة الاقتصاد ان هناك مؤامرة على التعليم الذهبي في السعودية او الرياضه القوية او الاقتصاد الاحادي عذرا لقد خرجت عن صلب الموضوع ولكن لن يتغير ترتيبنا مالم نغير من تعليمنا وشكرا
http://www.webometrics.info/top3000.asp

يا اخوان الجامعات السعودية فاشلة ، ولا حد يزعل !!!!

ولعلمكم حتى جامعة البترول اللي يبيلها حب خشوم عشان يقبلونك ترا صنفت وحسب علمي بالمرتبة ال299 من جامعات العالم ال300

وانت عاد خذلك .....