May 17th, 2009, 01:23 AM
السلام عليكم ورحمة الله وبركاته
الحمد لله رب العالمين والصلاة والسلام على محمد(صلى الله عليه وسلم) وعلى اله وصحبه اجمعين اما بعد:
اسمي معن
طالب مبتعث من قبل سابك في فانكوفر (UBC)
الحمد لله انهيت المرحلة الثانوية في السعودية في عام 2007 بمعدل ممتاز ولله الحمد
وبعد ما قبلت في سابك وعرفت اني ان شاء الله جاي فانكوفر بدأت القصة
بدأت القراءة والاستفسار "احيانا هنا في مبتعث" عن فانكوفر
طبعا ما اخفيكم كنت احسب ان سابك مزبطين اموري كلها وانا ما علي الا اجي ادرس انجليزي واموري كلها اوكي مع الجامعة
بعد ما جيت وبديت اللغة "قصة اللغة جاية" في معهد اي ال اي يو بي سي قابلت شباب دفعات سابك السابقة وبصراحة لولا الله ثم هم ما كنت في يوم راح اعرف كيف اقدم على الجامعة
قبل بداية اللغة في ايامي الاولى في فانكوفر الشباب قالولنا انه قبول الجامعة يبغاله شغل وان مدة اللغة غير مفتوحة
قالولنا ان اخر موعد لازم تخلص فيه دراسة اللغة هو June,30th عشان تبدأ الدراسة في September 2008
ما اخفيكم بس كل الكلام الي انقال كان مبهم! ومع هذا الكلام كنت لسة احسب ان سابك مزبطين امورنا وانا مو لازم اقلق على اي شي!
طبعا اليوم الي قبل الدراسة مرينا على الجامعة وشفنا مباني الكليات وكل واحد فينا اتصور عند مبنى كليته "انا هندسة كهربائية"
بداية اللغة:
اول يوم في الاي ال اي رايحين وكلنا فينا ثقة اننا ان شاء الله راح نرفع صورة السعودية فوق وراح نكون افضل طلاب في الفصول مثل ما كنا دايما
طبعا الحالة النفسية اول ما جيت كانت سيئة جدا بسبب وفاة اخي "الله يرحمه ويدخلة فسيح جناته اللهم امين"
اخذنا الاختبار وبعد ما طلعنا اتذكر اننا اتكلمنا عربي وجونا وقالولنا مافي عربي واحنا عاد ما صدقنا وصرنا نضحك
بعد فترة صدقنا اخيرا وصرنا نتكلم انجليزي بثقة عمياء
مع انه بصراحة كل الي كنا نتكلمه غلط
الحمد لله طلعت النتائج وهنا كانت الصدمة بالنسبة لي
حطوني في متسوا ٣ في الريدنج"القراءة" ٣ في الرايتنج"الكتابة" و٤ في السبيكنج والليسننج"المحادثة"
طبعا من قوة الثقة الي من جد ما ادري من فين جات ما صدقت وقلت مستحيل انا اقل شي يحطوني مستوا ٥
بس بصراحة ٣ كان مستواي
طبعا من قبل ما ابدأ انا مخطط اني اخلص اللغة في ٦ شهور "زيادة ثقة بالنفس" ويوم حطوني في مستوا ٣ قلت شكلها ٦ شهور *٢=١٢ شهر!
بدينا دراسة وكانت الصدمة الى الان موجودة بس اكتشفت "الشباب قالولي" ان المدرسة لو شافتك كويس في الاسبوع الاول ممكن ترفعك لمستوى احسن
طبعا مافيها الا قوة شدة حيل في اول اسبوع! بس اذا مافي لغة كيف راح اقدر اروح للمستوى الي بعده؟
ما ادري ليش بس الحمد لله كان ايماني كبير مرة انه ان شاء الله رايح لمستوى ٤ في كل الاقسام "قراءة كتابة محادثة"
طبعا الحمد لله الكتابة المدرسة اقتنعت اني انا اقدر اروح لمستوى ٤
بس باقي القراءة! بصراحة المدرسة لم تقتنع!
طبعا انا ما عجبني الموضوع ورحت اتضاربت معاها "معليش توني جي من السعودية كل شي بالمضاربات"
قالتلي اوكي بس راح يكون اعلى من مستواك "طبعا انا قلت ايش فهمها هذي بمستواي لسة الثقة فووووق"
حطتني في ٤ والحمد لله من بداية الاسبوع الثاني وانا كلاساتي كلها في مستوا ٤
احب انبه انه في الاسبوع الاول بعد يومين رحت العايلة وقبلها سابك كانت مستاجرة لي وللشباب في دفعتي غرف في سكن الجامعة ما ادري كيف
بداية الاسبوع الثاني في اللغة
الحمد لله اموري كانت ماشية الا في كلاس القراءة "الي اتضاربت مع المدرسة عشانه"
كان مستواي في الكلاس دايما اضعف من غيري
بعد اول كويز جاتني مدرسة القراءة وقالتلي انت مستواك مو هنا كيف حطوك هنا؟!
الي حصل انها كلمت المدرسة القديمة وقالتلها انا كيف طلعت من مستوا لاخر
طبعا مدرسة ٤ حقدت! وصلت الامور لمرحلة انها تخلي كل الكلاس يجاوب على اسئلة بالترتيب ولما يجي دوري تطمرني ولا كاني موجود في الكلاس!
والله احساس من بداية الدراسة يقهر يوم تحس انك ماعندك ما عند جدتي وان كل الناس احسن منك في كلاسك والي يزيد قهر انك عارف ان هذي المدرسة ناوية ترسبك
انا قلت اسوي الي علي والباقي على الله "ثقتي الي كانت فوق الجبال طاحت"
كان عندنا واجب في هذا الكلاس والي هو انك تجيب مقالة من الجريدة وتكتب ملخص للمقال
قبل ما احبط كليا كنت لسة احسب اني اجي قبل نص ساعة من الكلاس واكتب واجيب احسن درجة "متعود على نظام السعودية"
فجأة اخذت في هذاك المقال 2/10
انا اتفاجئت هل من الممكن من بعد الدرجات الكاملة في السعودية اجيب درجة بهذا السوء؟؟؟؟؟؟
بس بعد هذا الواجب المدرسة قالت عندكم ٤ واجبات مثله وان شاء الله راح تاخذ احسن ٤ درجات من ٥
انا قلت اوكي مدام ان الشغلة كذا بشد حيلي في المقال الجي
وصح قبلها باسبوع بديت اشتغل عليه
وبعد ما كتبته وخلصت عطيته ام العائلة وقلتلها عديليلي عليه
وما قصرت وعدلت لي عليه
وسلمته وانا واثق واليوم الي بعده المدرسة صححت ورجعت لكل الطلاب واجباتهم الا انا! طبعا انا استغربت
نادتني وقالتلي حليت الواجب بنفسك؟ انا قلت ايوة "ترا شغل اسبوع كامل"
ما ردت علي واخذت الواجب للمشرف مع الواجب القديم حقي وقالتله قارن
طبعا لما رحت المشرف قالي كيف ماشاء الله في اسبوع من ٢ الى ٨؟!؟ اقصد الدرجة
طبعا الحمدلله من بداية الدراسة ولما حسيت ان مدرسة القراءة مش ولابد معايا رحت المشرف وكلمته عنها
فيوم كلمني على الواجب قلتله الصراحة كاملة وقلتله انت تعرف من اول علاقتي مع المدرسة
طبعا للاسف المدرسة قبل ما تعطي واجبي للمشرف عطتني ورقت مكتوب فيها الي يغش يطرد من الجامعة! رعب والله
المهم لما رجعت البيت من بعد ذاك اليوم رحت لام العايلة وانا شوية معصب وقلتلها سؤال واحد"تذكري الواجب الي ساعدتيني فيه. مين حله انا ولا انتي؟؟؟؟" هي ابتسمت وقالتلي انت طبعا ليش؟ وقلتلها القصة وقالتلي لو تبغاني اكتبلك رسالة للمدرسة ما عندي مشكلة وقالتلي لو تبغاني اجي اكلمهم ما عندي اي مشكلة "قلت امي بطلة
"
طبعا انا حبيت انبه على هذا الموقف بالذات لانه من جد موضوع كبير عندهم وانك تتمسك من جد ممكن تفصل من الجامعة
كلاساتي الثانية كنت ماشي الحمد لله
طبعا استمرت علاقتي مع هذي المدرسة على هذا الحال"زفت" الى نهاية السشن الاول بس كنت دايما اشتغل معاها اكثر من اي واحد "ماشي على مبدأ سوي الي عليك والباقي على الله"
الحمد لله نجحت في الكتابة والمحادثة
اما القراءة اخذت ٧٢٪ وانا احتاج ٧٥٪ عشان امشي
انصدمت طبعا "من اعلى الدرجات في السعودية الى الرسوب"
طبعا لما كلمت المدرسة قلتلها في اي طريقة اقدر انجح قالتلي بصراحة يا معن "تراها الى يومكم تكرهني" انت اول ما جيت كلاسي مستواك اقل من كل الطلاب بس انت اشتغلت ضعف الطلاب عشان تنجح
قالتلي انا في يدي امشيك او اجلسك وسالتني اذا انا في ودي اروح المستوى الي بعده والا اعيد "طبعا محبط مرة" فقلتلها على كيفك
اصرت على السؤال قلتلها ودي اروح للمستوى الي بعده وقالتلي راح افكر وارد عليك بكرا
واكيد من بكرا انا اول واحد مداوم في الكلاس
وبعد ما خلصت رحت كلمتها قالتلي لسة ما قررت راح تشوف درجتك في التقرير "انا طبعا دمي محروق من اول ومع برودها زادتني حقد" من اول ما قالت كذا وانا قلت كل الي في نفسي عليها "هي انفجعت" ومن كلاسها علطول لمديرة المعهد وسالتها كم اخذت في الكتابة "المديرة استغربت وقالتلي روح اسال مدرستك" انا قلت ابغا اعرف هنا شافت وقالتلي نجحت ليش خايف؟ الحمد لله عديت الكلاس وجبت ٧٥٪
الهدف من تركيزي على هذي القصة انه اهم شي لا تفقد الامل في الله ما تدري ايش يصير
دايما سوي الي عليك حتى اخر لحظة والي يكتبه الله كويس والحمد لله على كل حال
طبعا من بعد هذي القروشة كلها انا قلت يا ولد نظام المعهد مو مضمون شفلك طريقة ثانية تدخل فيها الجامعة
والحمد لله اشتريت كتاب للتوفل كان قمة في الفايدة عموما
الكتاب اسمه :essential words for the TOEFL
الكتاب عبارة عن كلمات فقط ومعانيها بالاضافة الى امثلة ومرادفات وميزته ان الكلمات الموجودة هي كلمات جدا مستخدمة بشكل كبير
الحمد لله اشتغلت على الكتاب وعلى المعهد "شديت حيلي في الاثنين على اساس ان شاء الله اني اضمن دخول الجامعة"
دخلت اختبار التوفل في بداية مستوا ٥ وجبت ٦٢ فقط
الجامعة تبغا ٨٦ "سمعت انها اتغيرت ما ادري الله اعلم"
الحمد لله في نهاية مستوا ٥ اخذت التوفل مرة ثانية وجيت ٧٨
الحمد لله نجحت في مستوا ٥ بس كان والله شغل "نصيحة لاغلب الطلاب: مستوا ٥ كان اكثر مستوا استفدت منه فركز عليه وحاول تتعلم منه قدر المستطاع"
بس للمعلومية تراني كنت انجح اغلب الاحيان على الحافة يعني ٧٥٪ بس بصراحة ومن تجربة شخصية احيانا انت ما تستحق انك تنجح بس لما توري المدرس انك انت قاعد تسوي الي عليك وتشد حيلك انت والله ترغمه انه يمشيك
مستوا ٦ اموره كانت طيبة بس كان شغله شوية اثقل
الحمد لله اللغة اتحسنت بشكل كبير لدرجة اني لما اقرا المقالات الي كتبتها اول ما جيت كنت اضحك على نفسي "دايما خلي عندك شي يذكرك بمستواك عشان تلاحظ الفرق"
اخذت اختبار التوفل لمرة ثالثة ممكن البعض يقول ليش انت خلاص في مستوا ٦ "بس بصراحة ما تدري ايش ممكن يصير معاك"
الحمد لله اخر موعد لتسليم الاوراق للجامعة كان يوم JUNE 30th مثل ما قلت اول وكنت ان شاء الله راح اخلص الدراسة في يوم June 27th
الحمد لله على قولتهم الثالثة ثابتة جبت في التوفل ٩٣
اليوم الذي لا ينسى كان يوم June 27th
نجحت الحمدلله في المعهد وفي نفس اليوم وصلتني درجة التوفل "يعني الفرحة فرحتين" بس دراجتي انسرقت
يا فرحة ما تمت
بس طبعا بس الانجازين الاولين خلاص الحمدلله والشكر لك يا الله
في اشياء ما نوهت عليها كثير الي هي مستواي في الكلاسات في مستوا ٥ و٦
كان مستواي الحمدلله عادي بس كنت اشتغل اسوي الي علي الحمدلله
طبعا من المستحيلات عندي اني اتاخر على الكلاس حتى لو دقيقة
ترا التاخر يعطي المعلم طالبع غير حسن عن الطالب
ما كنت اغير الا باعذار "كنت ارسل ايميل اقولهم فيه ليش الغياب"
كان غيابي قليل جدا في ال٩ شهور كاملة وكلها باعذار "مرض مثلا"
العائلة كانو معاي احسن ما يكون الحمد لله بس طبعا اختلفنا اكثر من مرة بس حوارات عن الاديان
"نصيحة لو تبغا تناقشهم في دينك لا تناقشهم من وجهه نظرك بس من وجهه نظرهم"
افنعهم بالطريقة الي هم يقتنعو فيها "لا تحاول تطلع اغلاط في دينهم" واحترم ثقافتهم ودينهم
العائلة كانت مكونة من اب وام وابن في عمري "فاشل ما عندو الا الشراب السهر" وابن عمره ١٥ وبنت عمرها ١٣
بصراحة حاولت قدر المستطاع اني امثل ديني اولا وبلدي ثانيا
كانو يعتبروني واحد منهم وكنت اشاركهم عزايمهم وحتى اعيادهم كانو يعزموني معاهم ولا كنت اردهم "ما اؤمن باعيادهم بس ما ارد العزيمة"
لما سافرت عنهم فترة ورجعت جبتلهم هدايا بسيطة
كنت اساعد البنت والولد الصغار احيانا في واجبتاهم "الرياضيات والكيمياء" اذا كنت فاهم
بعد نهاية اللغة الحمد لله رجعت السعودية ووصلني القبول بعدها يمكن بشهر
الحمد لله بديت الجامعة السنة الماضية وما نقول الا الحمد لله على كل حال
اي سؤال او استفسار انا حاضر
اتمنى اكون افدت بالمشاركة
اخوكم
معن
LinkBack URL
About LinkBacks
May 17th, 2009, 01:23 AM
السلام عليكم ورحمة الله وبركاتهالحمد لله رب العالمين والصلاة والسلام على محمد(صلى الله عليه وسلم) وعلى اله وصحبه اجمعين اما بعد:
اسمي معن
طالب مبتعث من قبل سابك في فانكوفر (UBC)
الحمد لله انهيت المرحلة الثانوية في السعودية في عام 2007 بمعدل ممتاز ولله الحمد
وبعد ما قبلت في سابك وعرفت اني ان شاء الله جاي فانكوفر بدأت القصة
بدأت القراءة والاستفسار "احيانا هنا في مبتعث" عن فانكوفر
طبعا ما اخفيكم كنت احسب ان سابك مزبطين اموري كلها وانا ما علي الا اجي ادرس انجليزي واموري كلها اوكي مع الجامعة
بعد ما جيت وبديت اللغة "قصة اللغة جاية" في معهد اي ال اي يو بي سي قابلت شباب دفعات سابك السابقة وبصراحة لولا الله ثم هم ما كنت في يوم راح اعرف كيف اقدم على الجامعة
قبل بداية اللغة في ايامي الاولى في فانكوفر الشباب قالولنا انه قبول الجامعة يبغاله شغل وان مدة اللغة غير مفتوحة
قالولنا ان اخر موعد لازم تخلص فيه دراسة اللغة هو June,30th عشان تبدأ الدراسة في September 2008
ما اخفيكم بس كل الكلام الي انقال كان مبهم! ومع هذا الكلام كنت لسة احسب ان سابك مزبطين امورنا وانا مو لازم اقلق على اي شي!
طبعا اليوم الي قبل الدراسة مرينا على الجامعة وشفنا مباني الكليات وكل واحد فينا اتصور عند مبنى كليته "انا هندسة كهربائية"
بداية اللغة:
اول يوم في الاي ال اي رايحين وكلنا فينا ثقة اننا ان شاء الله راح نرفع صورة السعودية فوق وراح نكون افضل طلاب في الفصول مثل ما كنا دايما
طبعا الحالة النفسية اول ما جيت كانت سيئة جدا بسبب وفاة اخي "الله يرحمه ويدخلة فسيح جناته اللهم امين"
اخذنا الاختبار وبعد ما طلعنا اتذكر اننا اتكلمنا عربي وجونا وقالولنا مافي عربي واحنا عاد ما صدقنا وصرنا نضحك
بعد فترة صدقنا اخيرا وصرنا نتكلم انجليزي بثقة عمياء
الحمد لله طلعت النتائج وهنا كانت الصدمة بالنسبة لي
حطوني في متسوا ٣ في الريدنج"القراءة" ٣ في الرايتنج"الكتابة" و٤ في السبيكنج والليسننج"المحادثة"
طبعا من قوة الثقة الي من جد ما ادري من فين جات ما صدقت وقلت مستحيل انا اقل شي يحطوني مستوا ٥
بس بصراحة ٣ كان مستواي
طبعا من قبل ما ابدأ انا مخطط اني اخلص اللغة في ٦ شهور "زيادة ثقة بالنفس" ويوم حطوني في مستوا ٣ قلت شكلها ٦ شهور *٢=١٢ شهر!
بدينا دراسة وكانت الصدمة الى الان موجودة بس اكتشفت "الشباب قالولي" ان المدرسة لو شافتك كويس في الاسبوع الاول ممكن ترفعك لمستوى احسن
طبعا مافيها الا قوة شدة حيل في اول اسبوع! بس اذا مافي لغة كيف راح اقدر اروح للمستوى الي بعده؟
ما ادري ليش بس الحمد لله كان ايماني كبير مرة انه ان شاء الله رايح لمستوى ٤ في كل الاقسام "قراءة كتابة محادثة"
طبعا الحمد لله الكتابة المدرسة اقتنعت اني انا اقدر اروح لمستوى ٤
بس باقي القراءة! بصراحة المدرسة لم تقتنع!
طبعا انا ما عجبني الموضوع ورحت اتضاربت معاها "معليش توني جي من السعودية كل شي بالمضاربات"
قالتلي اوكي بس راح يكون اعلى من مستواك "طبعا انا قلت ايش فهمها هذي بمستواي لسة الثقة فووووق"
حطتني في ٤ والحمد لله من بداية الاسبوع الثاني وانا كلاساتي كلها في مستوا ٤
احب انبه انه في الاسبوع الاول بعد يومين رحت العايلة وقبلها سابك كانت مستاجرة لي وللشباب في دفعتي غرف في سكن الجامعة ما ادري كيف
بداية الاسبوع الثاني في اللغة
الحمد لله اموري كانت ماشية الا في كلاس القراءة "الي اتضاربت مع المدرسة عشانه"
كان مستواي في الكلاس دايما اضعف من غيري
بعد اول كويز جاتني مدرسة القراءة وقالتلي انت مستواك مو هنا كيف حطوك هنا؟!
الي حصل انها كلمت المدرسة القديمة وقالتلها انا كيف طلعت من مستوا لاخر
طبعا مدرسة ٤ حقدت! وصلت الامور لمرحلة انها تخلي كل الكلاس يجاوب على اسئلة بالترتيب ولما يجي دوري تطمرني ولا كاني موجود في الكلاس!
والله احساس من بداية الدراسة يقهر يوم تحس انك ماعندك ما عند جدتي وان كل الناس احسن منك في كلاسك والي يزيد قهر انك عارف ان هذي المدرسة ناوية ترسبك
انا قلت اسوي الي علي والباقي على الله "ثقتي الي كانت فوق الجبال طاحت"
كان عندنا واجب في هذا الكلاس والي هو انك تجيب مقالة من الجريدة وتكتب ملخص للمقال
قبل ما احبط كليا كنت لسة احسب اني اجي قبل نص ساعة من الكلاس واكتب واجيب احسن درجة "متعود على نظام السعودية"
فجأة اخذت في هذاك المقال 2/10
انا اتفاجئت هل من الممكن من بعد الدرجات الكاملة في السعودية اجيب درجة بهذا السوء؟؟؟؟؟؟
بس بعد هذا الواجب المدرسة قالت عندكم ٤ واجبات مثله وان شاء الله راح تاخذ احسن ٤ درجات من ٥
انا قلت اوكي مدام ان الشغلة كذا بشد حيلي في المقال الجي
وصح قبلها باسبوع بديت اشتغل عليه
وبعد ما كتبته وخلصت عطيته ام العائلة وقلتلها عديليلي عليه
وما قصرت وعدلت لي عليه
وسلمته وانا واثق واليوم الي بعده المدرسة صححت ورجعت لكل الطلاب واجباتهم الا انا! طبعا انا استغربت
نادتني وقالتلي حليت الواجب بنفسك؟ انا قلت ايوة "ترا شغل اسبوع كامل"
ما ردت علي واخذت الواجب للمشرف مع الواجب القديم حقي وقالتله قارن
طبعا لما رحت المشرف قالي كيف ماشاء الله في اسبوع من ٢ الى ٨؟!؟ اقصد الدرجة
طبعا الحمدلله من بداية الدراسة ولما حسيت ان مدرسة القراءة مش ولابد معايا رحت المشرف وكلمته عنها
فيوم كلمني على الواجب قلتله الصراحة كاملة وقلتله انت تعرف من اول علاقتي مع المدرسة
طبعا للاسف المدرسة قبل ما تعطي واجبي للمشرف عطتني ورقت مكتوب فيها الي يغش يطرد من الجامعة! رعب والله
المهم لما رجعت البيت من بعد ذاك اليوم رحت لام العايلة وانا شوية معصب وقلتلها سؤال واحد"تذكري الواجب الي ساعدتيني فيه. مين حله انا ولا انتي؟؟؟؟" هي ابتسمت وقالتلي انت طبعا ليش؟ وقلتلها القصة وقالتلي لو تبغاني اكتبلك رسالة للمدرسة ما عندي مشكلة وقالتلي لو تبغاني اجي اكلمهم ما عندي اي مشكلة "قلت امي بطلة
طبعا انا حبيت انبه على هذا الموقف بالذات لانه من جد موضوع كبير عندهم وانك تتمسك من جد ممكن تفصل من الجامعة
كلاساتي الثانية كنت ماشي الحمد لله
طبعا استمرت علاقتي مع هذي المدرسة على هذا الحال"زفت" الى نهاية السشن الاول بس كنت دايما اشتغل معاها اكثر من اي واحد "ماشي على مبدأ سوي الي عليك والباقي على الله"
الحمد لله نجحت في الكتابة والمحادثة
اما القراءة اخذت ٧٢٪ وانا احتاج ٧٥٪ عشان امشي
انصدمت طبعا "من اعلى الدرجات في السعودية الى الرسوب"
طبعا لما كلمت المدرسة قلتلها في اي طريقة اقدر انجح قالتلي بصراحة يا معن "تراها الى يومكم تكرهني" انت اول ما جيت كلاسي مستواك اقل من كل الطلاب بس انت اشتغلت ضعف الطلاب عشان تنجح
قالتلي انا في يدي امشيك او اجلسك وسالتني اذا انا في ودي اروح المستوى الي بعده والا اعيد "طبعا محبط مرة" فقلتلها على كيفك
اصرت على السؤال قلتلها ودي اروح للمستوى الي بعده وقالتلي راح افكر وارد عليك بكرا
واكيد من بكرا انا اول واحد مداوم في الكلاس
الهدف من تركيزي على هذي القصة انه اهم شي لا تفقد الامل في الله ما تدري ايش يصير
دايما سوي الي عليك حتى اخر لحظة والي يكتبه الله كويس والحمد لله على كل حال
طبعا من بعد هذي القروشة كلها انا قلت يا ولد نظام المعهد مو مضمون شفلك طريقة ثانية تدخل فيها الجامعة
والحمد لله اشتريت كتاب للتوفل كان قمة في الفايدة عموما
الكتاب اسمه :essential words for the TOEFL
الكتاب عبارة عن كلمات فقط ومعانيها بالاضافة الى امثلة ومرادفات وميزته ان الكلمات الموجودة هي كلمات جدا مستخدمة بشكل كبير
الحمد لله اشتغلت على الكتاب وعلى المعهد "شديت حيلي في الاثنين على اساس ان شاء الله اني اضمن دخول الجامعة"
دخلت اختبار التوفل في بداية مستوا ٥ وجبت ٦٢ فقط
الجامعة تبغا ٨٦ "سمعت انها اتغيرت ما ادري الله اعلم"
الحمد لله في نهاية مستوا ٥ اخذت التوفل مرة ثانية وجيت ٧٨
الحمد لله نجحت في مستوا ٥ بس كان والله شغل "نصيحة لاغلب الطلاب: مستوا ٥ كان اكثر مستوا استفدت منه فركز عليه وحاول تتعلم منه قدر المستطاع"
بس للمعلومية تراني كنت انجح اغلب الاحيان على الحافة يعني ٧٥٪ بس بصراحة ومن تجربة شخصية احيانا انت ما تستحق انك تنجح بس لما توري المدرس انك انت قاعد تسوي الي عليك وتشد حيلك انت والله ترغمه انه يمشيك
مستوا ٦ اموره كانت طيبة بس كان شغله شوية اثقل
الحمد لله اللغة اتحسنت بشكل كبير لدرجة اني لما اقرا المقالات الي كتبتها اول ما جيت كنت اضحك على نفسي "دايما خلي عندك شي يذكرك بمستواك عشان تلاحظ الفرق"
اخذت اختبار التوفل لمرة ثالثة ممكن البعض يقول ليش انت خلاص في مستوا ٦ "بس بصراحة ما تدري ايش ممكن يصير معاك"
الحمد لله اخر موعد لتسليم الاوراق للجامعة كان يوم JUNE 30th مثل ما قلت اول وكنت ان شاء الله راح اخلص الدراسة في يوم June 27th
الحمد لله على قولتهم الثالثة ثابتة جبت في التوفل ٩٣
اليوم الذي لا ينسى كان يوم June 27th
نجحت الحمدلله في المعهد وفي نفس اليوم وصلتني درجة التوفل "يعني الفرحة فرحتين" بس دراجتي انسرقت
بس طبعا بس الانجازين الاولين خلاص الحمدلله والشكر لك يا الله
في اشياء ما نوهت عليها كثير الي هي مستواي في الكلاسات في مستوا ٥ و٦
كان مستواي الحمدلله عادي بس كنت اشتغل اسوي الي علي الحمدلله
طبعا من المستحيلات عندي اني اتاخر على الكلاس حتى لو دقيقة
ترا التاخر يعطي المعلم طالبع غير حسن عن الطالب
ما كنت اغير الا باعذار "كنت ارسل ايميل اقولهم فيه ليش الغياب"
كان غيابي قليل جدا في ال٩ شهور كاملة وكلها باعذار "مرض مثلا"
العائلة كانو معاي احسن ما يكون الحمد لله بس طبعا اختلفنا اكثر من مرة بس حوارات عن الاديان
"نصيحة لو تبغا تناقشهم في دينك لا تناقشهم من وجهه نظرك بس من وجهه نظرهم"
افنعهم بالطريقة الي هم يقتنعو فيها "لا تحاول تطلع اغلاط في دينهم" واحترم ثقافتهم ودينهم
العائلة كانت مكونة من اب وام وابن في عمري "فاشل ما عندو الا الشراب السهر" وابن عمره ١٥ وبنت عمرها ١٣
بصراحة حاولت قدر المستطاع اني امثل ديني اولا وبلدي ثانيا
كانو يعتبروني واحد منهم وكنت اشاركهم عزايمهم وحتى اعيادهم كانو يعزموني معاهم ولا كنت اردهم "ما اؤمن باعيادهم بس ما ارد العزيمة"
لما سافرت عنهم فترة ورجعت جبتلهم هدايا بسيطة
كنت اساعد البنت والولد الصغار احيانا في واجبتاهم "الرياضيات والكيمياء" اذا كنت فاهم
بعد نهاية اللغة الحمد لله رجعت السعودية ووصلني القبول بعدها يمكن بشهر
الحمد لله بديت الجامعة السنة الماضية وما نقول الا الحمد لله على كل حال
اي سؤال او استفسار انا حاضر
اتمنى اكون افدت بالمشاركة
اخوكم
معن