نطلب النصيحه منكم ؟؟؟

مشاهداات تعدت العشر ولا وااحد منهم رد

ياليت ياخوااان تفيدوووووونااا الله يجزااكم خير

الله يوفقك اخوي بوحمد ..
والله انا مثلك ، لكن ضع في راسك ان مافيه شي مستحيل . وبإذن الله تتسهل عليك ..
اللغة ناس يرحون لكندا مايعرفون وش يقولون . ومع مرور الوقت .. تلقاهم يتحدثون بكل سلاسة .
انت لا تجعل بينك وبين غيرك حاجز .. تكلم معه حتى لو لغتك بنقالية .. لا تستحي . شيل من راسك الحياء في التحدث .
والواجبات اللي تجيك لا تطلبها من غيرك . حلها بنفسك واكتشف الأخطاء بينك وبين معلمك .
فيه ناس ينهون المعهد في 3 اشهر وناس 6 وناس 9 وكلن على جهدة ..
اما مسألة المعاهد . فهم يختبرونك بالأول .. وراح يقيمونك بأي مستوى ..
فإذا عندك معلومات بسيطة عن الإنجليزية لا تتجاهلها بالإختبار لو سألوك اياها .. لأنها راح تضعك بالمستوى الحقيقي اللي انت فيه . وماتضيع سنينك على دروس اخذتها مسبقاً ..

أكيد راح تحدث لك بعض المعوقات في الغربة .. فلاتجعلها مسببات لفشلك .. ابحث عن الحل ..
ولا تعتقد بأن السعوديين والعرب الموجودين في المعهد اللي راح تدرس فيها ، يعيقونك عن اللغة ..
فجعل لك بعض من الزملاء السعوديين والعرب ، لأنك في يوم من الأيام ستحتاج إلى من تفضفض له بلغتك الأم ..

وأما مسألة السكن مع العائلة . بالتأكيد مفيد جداً ، لأنهم راح يساعدونك في التحدث باللغة. طبعاً الافضل ان ماتزيد مدة الإقامة عن 9 اشهر مع العوائل اللي بتسكن معهم . فأنتبه إذا شفت ان العائلة ماتقدم لك كل الموجود بالعقد اللي بينك وبينهم . فلا تتردد بالتغير سواً بالطلب من المعهد او البحث بنفسك.

هالمعلومات اخذتها من ناس ذهبوا للخارج اكملوا تعليمهم .
اسئل الله ان يعينك ويوفقك في غربتك .

اخوك/ مشعل المطيري

مشعل المطيري

عساااء عمرك طويل والله

ولاهنت يالغالي على الرد وانا ابي مثل الكلام هذا لتشجيع من النفسيه شوي

هلا اخوي ابو حمد

حياك الله

كلام اخوي مشعل صحيح ويعطيه العافية

معهدك وين واي مدينة


واذا عندك اي استفسار انا حاضر لعيال العم

شعطاان الله لايهينك

منت مقصر اجل عطني اميلك او رقمك بكلمك ان شاء الله

دامك شعطاني قدي تسنعني يابعد عظامي عظاامك

ابشر يابو حمد


يسلموووو عظامك

شوف. انا انصحك تدخل اي معهد بالسعودية وتلقط لك كم كلمه لانك راح تتعلم الانجليزي ويترجمونها لك بالعربي طبعا
اما هنا كله انجليزي بانجليزي يعني صعب تتعلم او بالاحرى راح تاخذ فتره اطول

انا اعرف ناس بدو بالصفر وطولو, انا الحمد لله من الي وصول وعندي لغه تمشيني احسن من غيري واقول لا تجي ب
بدون لغه على عماها ابد
بالتوفيق يالغالي

عاادهت ابوووي

لله لايهينك يالغالي على الايضااااح وشاااكرلك والله

وان شاء الله بااخذ دووره قبل لاروووح على شان استفيد لو شي بسيط ولاهنت