الرجاء الرد والمساعده

اسدح نوع المساعده والاشياء اللي تبيها ,, وابشر وانا اخوك

مرحبا اخي انا موجود هنا بس مستغرب ما ارسلت لي رساله على الخاص هنا أيضآ أنتضرت أضافتك على الايميل ولاوصلتني
لكن ابي ارسلك الان رقم جوالي على الجوال الموجود هنا وكلمني اي وقت تبي بس حاول يكون بعد الساعه 10 بالليل بتوقيت السعوديه

بعدي جعلني لا عدمكم ان شاء الله
الاخ/ casperr
الاخ/canadian1boy
محتاج منزل مناسب قريب من المعهد ومدارس الاولاد وكذلك جميع الخدمات الضرورية
يعني يفضل منزل مستقل وياريت ( هاوس )واهم شي السعر يكون مناسب
ابيي اعرف المنازل موثثة والا بدون اثاث وانا ادور في المواقع لقيت بعضها موثث ,,,

طيب ابشر .. بس ياريت تعطيني موقع المدرسه والمعهد عشان اشوف لك شي قريب منها .. بالنسبه للخدمات لاتشيل هم بكل مكان متوفره

بالنسبه للبيت يعتمد على المنطقه .. فيه مناطق من العصب جدا تلاقي فيها بيوت بحكم ان العماير تكون اكثر .. بس العنوان تعطيني اياه كامل وانا ادور وارد لك خبر .. وبالنسبه للسعر ياليت تكتب حدودك من الى 000-000

طبعا فيه مؤثث وبدون .. لكن انت وشو طلبك اخوي .. طبعا المؤثث رايح يكون اغلى .. ونصيحتي لك لو انت بتطول بالمدينه اثث انت بنفسك مجرد اقتراح .

ملاحظه.. كم عدد الغرف اللي تبيها .. والمده .. لانها تختلف .. ياليت تعطيني ردود واضحه عشان اشوفها لك اليوم

تحياتي .. طلال

مرحبا اخوي طلال اسعدالله اوقاتك بكل خير
انا في معهد( geos) وعنوانه
suite 260,717th Avenus SW
calgary,Alberta,T2P CANAD
tel/403 266 5151
بالنسبة للبيت ياريت يكون في حدود( 1100 - 1300) مؤثث شامل لكل شي
فيه بعض المنازل مستتقله بحديقة يعني 3 ثلاث غرف نوم وصاله ومطبخ ودورتين مياه وانت بكرامه
فيه منازل معروضه مكتوب بدروم وثلاث غرف نوم وحديقة ومؤثثه ب 1300 دولار
ياريت تكون قريبة من المدارس ونظيفة
انا ياخوي عاجز عن شكرك واهتمامك
بارك الله فيك
حتى ما انسى اخوي كاسبر تواصل معي تلفوونيا في حدود 20 دقيقة
وانت باذل وقتك وجهدك معي انت مثله ماتعرفني
بالله فيه اهتمام اكثر من كذا
شكرا لكم من الاعماق
طائر الشرق

عزيزي العنوان في نص المدينه .. يعني صعب تلاقي بيوت نظيفه او ممكن تكون بعيده شوي عن الشارع الرئيسي .. عموما انت شيك

على هذا الموقع فيه كل بيوت الايجار وبالنسبه للخيارات اللي بتجيك بالموقع اتبعها يعني.. اختار بيت وحدد جميع المعلومات وسوي بحث

وصعب تلقى بيت نظيف ورخيص واذا لقيت رايح يتعبك .. وقت الثلج اجباري تنظيف البيت من الثلوج المتراكمه .. وبالصيف لازن تقص

الزرع يعني ماهي سهله حقيقتأ.

شطحه .. نصيحه لك ياخوي خذ شقه كبيره بعماره 3 غرف وحمامين (والقراء بكرامه) لعدة اسباب احصرها لك كالتالي :
1- أمن(الامان اكثر من البيت)
2-توفير جهد ايام الشتاء والصيف
3-ارخص نوعا ما
4-والاهم انك تلاقي اللي تبيه على مزاجك لوفرة الشقق والعماير الكبيره
5-طبعا هالنقطه حساسه بحكم انك بكندا .. اي شي يخرب بالبيت فقط مكالمه للمكتب ويصلحونه .. اما البيت انت تتكفل فيه
6-الشقه ماعليك فواتير واغلب البيوت لازم تدفع غير الايجار الفواتير عليك

قفله .. ماحبيت الخبط اوراقك اخوي سامحني .. لكن كثير يجون لبيت وينقلون بعد اشهر .. واذا مارتحت بامكانك تدور بيت على راحتك واريح لك .. اكرر اسفي

اخيرا .. الشقه اريح بحكم الاسباب اللي حصرتها لك .. وماخفي اعظم

تحياتي .. طلال

عفوا نسيت اعطيك الموقع .. http://www.rentfaster.ca/calgary.php

اذا واجهت اي صعوبه بالموقع عطني خبر

تحياتي .. طلال

معليش اخوي احس الموقع عقدك شوي .. ابعطيك شرح مبسط امشي عليه ياخوي :
اول ماتفتح الرابط المربع الاول بيطلع منك نوع السكن اللي تبيه Type of Property

طبعا انت تحط علامة صح عند الشي اللي تبيه .. يعني تضغط على House اذا بغيت بيت وتضغط على Apartment اذا

تبي شقه .

الخطوه الثانيه .. او الجدول الثاني اللي تحته .. تحط السعر Monthly Rent Range

الخطوه الثالثه .. City Section .. يعني اي قسم بالمدينه تبي تدور فيه انت رايح تختار ..الخيار الاول الجهه اللي عند

المعهد اللي هي SW (1273 .. او بنص المدينه كلها الخيار .. Inner-City (1404 .. طبعا تقدر تضغط على المربعين

ويطلع لك كل البيوت اللي بهالمنطقتين .

الخطوه الرابعه .. Bedrooms .. عدد الغرف ,, تشوف كم غرفه تبي وتحط صح على المربع

الخطوه الخامسه ,, تختار تبي مفروش او غير مفروش ..
Unfurnished .. غير مفروش
Furnished .. مفروش

والخطوه الاخيره تسوي بحث .

طبعا انت تاخذ لفه وتدور الشي اللي يعجبك تطلع العنوان ورقم التلفون بورقه جانبيه .. يعني بالاخير رايح يكون عندك كذا شقه ..

اتصل عليهم واذا كنت ماتجيد الانقلش علمني وانا اكلمهم لك وتدفع لهم كل شي عن طريق الفيزا او تحول باسمهم ..

قفله .. ياليت انتي نورتك لاني اكثرت الكلام فاخاف اللخبطه تحتويك .. انت اي شي ماتفهمه علمني وان شاء الله اوضح لك

تحياتي .. طلال