استفسار فانكوفر( حاير جدا وطالبكم المساعده الله لايحرمكم من الاجر والثواب))

سؤالك بالنسبه لي ياخوي ماهو واضح تماما .. لكن ابرد عليه على حسب فهمي للسؤال .. اذا كان شهادة الدبلوم من كندا طبعا تقدر تحول وتكمل البكالريوس لكن بعض الجامعات تطلب منك معدل معين وعلى حسب تخصصك اذا كان متواجد بالجامعه او لا.

اما اذا الدبلوم اللي معك من السعوديه فرايح تتعب شوي بخصوص التحويل والمعادله .. لكن بالطبع ماهو مستحيل لكن ياعزيزي تحتاج انك تروح بنفسك للكليات في فانكوفر والجامعات وتتاخذ اوراقك وتستفر بنفسك لانه على حسب المعطيات رايحه تفرق النتايج.

بالنسبه للكليات في فانكوفر ..Search

هنا تلقى اسامي الكليات اللي في فانكوفر كلها اول ماتدخل على الرابط تلقى فانكوفر وتحتها اسامي الكليات

قفله .. فيه كليات في البرتا متاكد منها تعادلك وخلها بين خياراتك لو احتجتها يوم في مدينة ..
Edmonton..NAIT
Calgary..SAIT

اخوك .. طلال

اخوي طلال الله يجزاك خير ماقصرت بصراحه
\

راح اوضح سؤالي

انا طالب بالمعهد ابغى ادخل للكليه ((لان القبول الاكاديمي للكليه اسهل من الجامعه)) ثم سوف احول للجامعه بعد ماخلص عندهم دبلوم

لكن مني متاكد من هالنقطه اللي سمعتها
وانا خايف ان الجامعه بعدين راح تطلب مني معدل عالي؟!!

طبعا انا ابغى اتخرج من جامعه واخذ بكالوريوس وزي ماشرحت الكليه فقط عشان اقدر ادخل فقط بالدراسه
مادري وش الحل؟؟

الله يوفقك والجميع دنيا واخره

طيب ابعطيك الحل اللي ماله ثاني .. لكن رايح يتعبك نوعا .. لكن دامك جيت من السعوديه باذن الله انك كفو ولابيوقفك تعب عن مستقبلك

الحل:انك تروح للكليه اللي تبي تدرس عندها الدبلوم وتاخذ موعد مع ادفايزر (اسف مدري وشي بالعربي) تقوله ياطويل العمر انا ابي اخذ هذا التخصص وابي اعرف باي جامعه اقدر اكمل البكالريوس لانه (فيه كليات متعامله مع جامعات معينه انهم يعادلون لك كل المواد بدون مايطلبون معدل عالي) طبعا هو رايح يعلمك اي الجامعات اللي متعاقدين معها .. اسئله وشي الطلبات اللي تبيها الجامعه بخصوص التحويل واي استفسار عندك .. لكن اغلب الجامعات يطلبون في الدبلوم معدل عالي لو تبي تحول.

او تروح للادفايزر وتقوله ابي تعطيني التخصصات اللي اقدر احول لاي جامعه ابي ولاتربطني باي بجامعه معينه .. لكن نصيحتي لك ارمي سؤلك للادفايزر وهو رايح يعطيك حلول كثيره انت ماتعرفها

قفله .. اللي ماياكل من يده مايشبع اخوي .. يعني رح بنفسك للكليه عشان تعرف كل شي بنفسك لان المنتدى بيعطيك اراء وساليف تزيدك حيره .. بالتوفيق

اخوك .. طلال

بالتوفيق اخووووووووووي
انشا الله تكون استفدة من الشباب