استفسار فانكــــــوفر ولا فكتـــــوريا

السلام عليكم اخي العزيز الله يوفقك ويكتب لك الخير وبخصوص سؤالك انا في فيكتوريا اخي يعيش في فانكوفر وزرت فانكوفر انا بعطيك الي اعرف على قدر معلوماتي وتجربتي البسيطة
اولا / فانكوفر وفيكتوريا كلهم فيها سعوديين وعوائل وعايشين ومرتاحين
ثانيا / فيكتوريا اهدأ لان عدد سكانها تقريبا 350 الف وفانكوفر 3 مليون تقريبا والشوارع غير مزحومة نادرا تجد زحمة في فيكتوريا عكس فانكوفر الي مزحومة
ثالثا / فيكتوريا صغيرة بالشكل المعقول وانا دائما اشبهها بالدمام او الشرقية وفانكوفر بالرياض من ناحية الحجم
رابعا / الطبيعة كليهما فيهما طبيعة ولكن فيكتوريا احسن طبيعة ويكفي فيها اجمل حديقة زهور في العالم وفي كل مكان خضرة وترا انواع الطيور والارانب والغزلان ويوجد بها شواطئ جميلة ولكن فانكوفر فيها تطور أكثر قطارات وناطحات سحاب وفيها من الطبيعة الجبال والثلج في شمالها وكذلك يوجد بها شواطئ جميلة ومناظر خلابة
خامسا/ الاسواق في فيكتوريا اسواق جميلة ولكن قليلة اما فانكوفر اسواق اكثر واكبر وكذلك جميلة
يعني كل مكان فيه مزايا وجمال وروعة فيكتوريا او فانكوفر وكل واحدة تتميز بشيء يعني انت قس على نفسك وش تحب ثم استخر وبعدها استشر واسكن في اللي تبي منهم لانك بكل اختصار تقدر تزور الثانية لانهم قريبين من بعض بالفري او الطيارة والفري ارخص ورحلته جملية وتقدر تركب سيارتك معك
اتمنى اني اكون افدتك باللي اعرف ولا طولت عليك ولاحيرتك اكثر لاني مريت بنفس المرحلة ووصلت لهذه النتيجة بعد تجربة وزيارة واستشارة واستخارة لان الكل بيمدح لك الي هو ساكن فيها من وجهة نظرة لانها تناسبة هو على حسب طبيعته انت توكل على الله اولا ثم شف اللي يناسبك واتمنى لك التوفيق والسداد
وتقبل تحياتي اخوك ابو عبد الرحمن

الله يحيك اخوي

وما قصرت الله لا يهينك ان شالله

وبعدين لا تحتار فيكتوريا افضل بمراحل

انا ساكن فيها وخبرة

هلا اخوي ابوعبدالرحمن يعطيك العافيه على المعلومات ماقصرت

حياك الله عنيزاوي مبتعث
وان شاءالله تتسهل الامور