معهد جيوس بفانكوفر .,., الفزعة الله يسعدكم

هلا اخوي مبتعث ومبروك الابتعاث والله يوفقك انت وزوجتك

بصراحه معهد GEOS معرف عنه شيء بس اللي حاب انصحك فيه هو انك اول ما توصل بالسلامه ان شاء الله.. اخذ لك يومين قبل فتح ملف مبتعث وهاليومين روح للمعهد وشف واسئل الاساتذه وشف كيف جو المعهد يعني بالعربي خذ معلومات وافيه.. وبعدين اذا ما اعجبك المعهد تغيره بطريقه ما ..اللي هي انا سويتها لما جيت وما اعجبني المعهد .. والطريقه سهله مره.. نقول فرضا ما اعجبك المعهد هذا وتبي تغيره.. ابد اول شيء تروح وتجيب قبول من معهد اعجبك وغالبا المعاهد الزينه تاخذ عليك 100 دولار وعلى زوجتك 100 دولار وطبعا هذي قيمة بس القبول وهي في طبيعة الحال ترجع لك الــ200 دولار لو درست عندهم وجا ضمانك المالي على هالمعهد.. نرجع للطريقه في تغيير المعهد وهي لما تجيب قبول ثاني غير معهدك الاصلي ابد لما تفتح ملف مبتعث لك او لزوجتك على حسب من فيكم المبتعث يطلبون من ضمن الاوراق قبول معهد اللغه حقكم وهنا ترفقون اوراق قبول المعهد الجديد اللي انتم اخترتوه وبهالطريقه يا عزيزي يجيك الضمان المالي من الملحقيه على معهدك الجديد

وترا اخوي انا مسوي هالطريقه يعني ما سمعت او احد قال ان فلان عمل كذا.. لا والله وربي يشهد علي انا مسوي هالطريقه بعد نصيحة احد الاخوان المبتعثين جزاه الله خير بطريقة تغيير المعهد...

نصيحه اخيره اذا بنيتك تغير المعهد لا تجيب ضمان مالي له من الملحقيه لأن لو جاك ضمان مالي من المملحقيه بسم المعهد راح تجلس تدرس في المعهد غصب عنك وعاد مدة الضمان على حسب فيه ناس يجيهم شهري وناس شهرين وناس ثلاث شهور على حسب انت تختار المده .

طبعا بالنسبه لتعامل المراءه المحجبه من الطلبه الاجانب عادي مره بالعكس مالهم شغل فيها وكلن في درسه... اما النقاب او اللثام عادي مره وانا زوجتي منقبه والامور مره سهله ولا فيها اي احراج او مضايقه..

اما بخصوص السكن مدري وش اقولك كلن على حسب هواء.. بالنسبه لي انا ساكن بالداون تاون قريب من معهدي في شقه زينه واجارها 1400 دولار لأن مالي خلق على ركوب السكاي ترين او الباصات يعني بالعربي بريح راسي من المواصلات

وبالتوفيق اخوي لكم ان شاء الله

اخوك مشعل

اخوي بولندي سدير
الاخ مشعل
شكرا والف شكر على هذه المعلومات الثرية
بس عندي بعض الاسئلة الالحاقية
ذكرت ان زوجتك منقبة الله يحفظها لك ويجعلها درة مكنونة
بس اللى ابغى اعرفه ماهو لون الحجاب اللى تلبسه وتتنقب به
الثاني هل السكن في الداون تااون افضل من ناحية القرب من المعهد
ولك خالص شكري

العفو اخوي والشكر لله سبحانه وجزاك الله خير

لون الحجاب مثل لون العبايه والعباية على شكل بالطو طويل ومقفل من الامام يعني زي العبايه العاديه بس مخيط على شكل بالطو ولون النقاب مثل العبايه

وجايب لها خمس اللوان.. على فكره ترا جايب العبايات من محل في اسواق طيبه محل صغير بس وربي نسيت اسمه هو اللي يصلح عبايات للمبتعثات او على حسب رغبتك يسوي لك عبايات على العموم تقدر تروح لأسواق طيبه وتسأل عن محل العبايات الكويتيه.. لكن والله نسيت اسم المحل


والله السكن في الداون تاون مريح بالنسبه انه قريب من المعاهد والاسواق لكن اللي يبغا الرخص يسكن برا الداون تاون

واتمنى اني قدرت اجاوبك اخوي وسامحني على القصور وبالتوفيق يارب لك ولأهلك

اخوك مشعل

معليش داخلة عرض بموضوعك ماجاوبت اخى مشعل اذا انت وزوجتك حطوكم بكلاس واحد ولا لا

هههههههههههههههههههههههه

<<<< حاول يتهرب من اجابة هالسؤال

لا والله كل واحد بكلاس لان انا مستواي اعلى شوي من المدام

والله الاخ -بولندي سدير- ماقصرت في الاجابة والشرح لا عدمناك بوبالنسبة لي انا كمان في نفس المعهد والفترة دراستي مع الاخ -مبتعث 2009- و سؤال لك هل اخذت قرار الابتعاث؟ بالتوفيق للجميع.
دمتم بود،،،

تسلم يالشيخ ويكفيني منكم دعوة طيبه


جزاك خير وربي يسهل اموركم ان شاء الله

الاخ / جرح بملامح انسان
اسف على التاخير
بس انا لسه مااخذت الفيزا
بعد ماتاخذ الفيزا تاخذ قرار الابتعاث وامر الاركاب والتذاكر