الدراسه في فانكوفر .. تكفون يا أعضاء مبتعث ,,

سأجيب عن سؤالك الأخير يا سيدي...

الجامعات الكندية بشكل عام قوية ومتقدمة في اختصاصات الحاسوب والتكنولوجيا, على كل الأحوال, أفضل الجامعات في مدينة فانكوفر هي جامعة بريتش كولومبيا.

وفقك الله...
أخوك يحيى

الله لا يهينك يالغالي على هالمعلومه ,, ومشكور وماقصرت ,,

وبإنتظارالإجابه عن الأسئله الباقيه من الأخوه الأفاضل ,,

وشكرا لك من جديد يالغالي ,,

والسؤال الاول التكلفه تختلف حسب المعهد وسعره وسكنك ومصاريفك

وبالنسبه للشعب حلو ولطيف وتعامله كمان مره حلو والجنسيه يعني شوي صعبه ولازم تكون تشتغل بالبلد وتخدم كندا عشان يعطوك اياها

ربي يخليك على هالمعلومات المفيده ,,

طيب بالنسبة للمعاهد وش افضل معهد هناك ,, وتكفون ابغى التكلفه التقريبيه لدراسة اللغه لمده 4 شهور .. شامله المعهد والسكن والمصاريف ..

ومشكورين .. وربي يخليكم ,,

تكفون يا جماعة الخير ردووو ,,

طيب وش افضل معهد .. وتكفون كم تكلف الرحله كلها تقريبا بالريال السعودي ,,

ولكم شكري وتقديري ,,

اخوي .. الاسعار تختلف من معهد للجامعه ..
المعهد ياخذ منك تقريبا .. 900-1100 طبعا معاهد واغلبها سياحيه عل شهر ولا شهرين ..

الجامعات تقريبا .. 3500-4000 تكون اغلبها مدتها سمستر كامل وهي الافضل من الناحيه الاكاديميه ..

طبعا كندا تعامل الشعب فيها جدا انيق ومحترم .. بحكم كثرة المجتمعات المختلطه بكندا من القدم .

بالنسبه للجنسيه .. لها اكثر من 5 طرق وبذكر لك بعضها ..كالتالي :
1-اللجوء السياسي
2-اللجوء الانساني
3-العمل بعد الدراسه في كندا مباشره في تخصصك
4-الاستثمار .. شرحه طويل لو متحمس علميني وانا اشرحه لك .

جدا قويه اخوي .. تقريبا في اغلب التخصصات وهي من اعرق الجامعات الكنديه ..

قفله .. اي سؤال ثاني تفضل وابشر اخوي ..

اخوك .. طلال

ربي يخليك اخوي طلال على هذا الرد .. وأنا اشهد انك ما قصرت يالغالي ,,


المعهد ياخذ مني من 900-1100 .. يعني بالريال وإلا بالدولار وإلا باليورو

ويالغالي انا روحتي من 3 شهور إلى 4 شهور .. كم تكلفه المعهد بالريال السعودي الله لا يهينك ,,

والسكن عند عايله كم تكلفته لنفس المده .. وأيضا متوسط المصروف الشهري ,,

وانا عارف اني كثرت عليك بالاسئله يالغالي .. لكن تحملني

والله يوفقك ويحققلك مبتغاك أنت واخواننا وخواتنا المبتعثين والمبتعثات ,,

أخوك : عبدالرحمن بن خالد ..

دولار .. مايقارب 4 الاف ريال بالنسبه للمعهد واي مبلغ انت اضربه تقريبا ب 3.5

طبعا للشهر هالكلام او الشهر ونص على حسب المعهد اللي تاخذه .. كميزانيه عامه قول 12 الف ريال للمده اللي طلبتها ..

العائله مايقارب .. 700-1000 مع وجبتين والاسعار تختلف عن اناقة البيت والنظافه والموقع ..
المصروف الشهري .. بحكم انك تاكل عند العائله مابتكون كثيره يعني 700-1000 دولار .. تقريبا 3 الاف ريال .

ولو .. حق وواجب علينا ..

اخوك .. طلال