انا طالب ع حسابي الخاص كم اجيب معي

السلام عليكم ورحمة الله وبركاتة
حياك اخوي بدر
بالنسبة للمعيشة في نانيمو مادري عنها بس راح اعلمك عن تورنتو لاني كنت فيها ويمكن تسوي مقارنه لان الوضع تقريبا واحد
المهم يا بطل خلينا نحسبها:
اذا تبي تسكن مع هوم ستي راح راح يطلع عليك بحدود 700 الي 900 دولار مع الاكل وهذا الشي علي حسب العايلة يمكن يقل السعر او يرتفع بس ما اتوقع يتجاوز اللي قلت لك عليه
ثانيا/ فاتورة الجوال بحدود 65 دولار هذا اذا انت منت راعي سوالف
ثالثا/ كرت الباص تقريبا ب 109 دولار وهذا السعر يفرق من مدينه لاخري
اخيرا مصاريف الجيب..... وهذا شي يعتمد عليك
بالنسبة لي يا خوي انا كنت اصرف شهريا بحدود 1800 الي 2000 دولار لاني كنت ساكن بسكن لحالي.



بالنسبة للفيزا انا افضل يا بطل انت تروح لبنك الاهلي وتاخد منهم بطاقة ماسترد كارد بري بيد يعني انت اللي تودع فيها فلوس وتستخدمها لحجز الفندق او تشتري فيها اغراضك وايضا اذا احتجت فلوس يصير الوالد الله يحفظه يودع لك فلوس علي هذي البطاقة


بالنسبة لتحويل الفلوس بالنسبة لي انا اشوف انك اول ما تفتح حساب كندي تعطي الاهل رقم حسابك ويصير الوالد يسوي تعريف مستفيد ويحط رقم حسابك واذا بغا يحول لك فلوس يحولها لك عن طريق حسابه اون لاين من اي بنك سامبا او الراجحي او الاهلي او الفرنسي
والرسوم هي : 90 ريال في بنك سامبا والفرنسي 100 اما البقية ماعندي خلفية
مدة الحوالة تاخذ 3 ايام عمل

بالنسبة للكاش انا اشوف انك تاخد معك من 2000 الي 2500 دولار طبعا تكون فلوس دراستك مو في الحسبه
هذا كل شي عندي الان وعاد سامحني اذا كان فيه قصور
سلام