أفيدوني يابتعين فونكوفر

وعليكم السلام ورحمة الله وبركاتة ..

هلا أختي ..

بخصوص معهد الـ ilac مع عندي خلفية كبيرة ولاكن رائي انك تدرسين في معهد تبع جامعة .. لان هالمعاهد تجارية ولافية تكثيف في دراسة اللغة . يعني لو تشوفين لك قبول معهد تبع جامعة افضلك واحسن لك .
على العموم هذا رابط المعهد باللغة العربية
http://www.ilac.com/languages/ab/

وهذا عنوان المعهد
ILAC Campus in Vancouver
688 West Hastings, 3rd floor
Vancouver, BC
V6B 1P1, Canada



بخصوص السكن .. فية موقع راح ازودك فية .. راح تحصلين عروض الشقق ومكانها واسعارها ..

هذا الرابط لشقة غرفة
http://vancouver.en.craigslist.ca/search/apa/van?query=1br&catAbbreviation=apa&srchType=T&bedro oms=1&hasPic=1

هذا الرابط لشقة غرفتين
http://vancouver.en.craigslist.ca/search/apa/van?query=2br&catAbbreviation=apa&srchType=T&bedro oms=1&hasPic=1

وبخصوص الخطوط انا أفضل الخطوط الالمانية (لوفتاهنزا)
والاسباب ان الترانزيت في مطار المانيا افضل من لندن والخطوط اريح من جميع الخطوط اللي طلعت عليها .


اتمنى اني افدتك واي استفسار انا في الخدمة ..

تحيآتي ..

اخوي الغلا ماقصر ..

المعهد اللي ذكره سموك .. تجاري .. يعني يهتم بالكلام اكثر واغلب طلابه سياح من شهرين وطالعين ..

بالضبط زي ماقال الغلا حاولي بمعهد الجامعه افضل لو انتي تبي تدرسي جامعه ..

لكن بما ان القبول جاك عليه .. تعالي اجلسي فيه شهر الين ترتبي امورك وتنقلي على الجامعه .. بالتوفيق

بالنسبه للشقق ياليت تشوفي العناوين اللي حطها لك الغلا .. لو مافادتك علمينا ولابنقصر ..

الخطوط .. حاولي تاخذي اقل انتظار بالمطار الالمانيه تقريبا انتظارها غالبا 6 ساعات ..

لكن فيه خطوط تنتظري ساعتين فقط .. خصوصا ان الرحله طويله ولا ودك تطول بالترانزيت كمان ..

بالتوفيق واي شي ثاني اطرحيه ..

طلال

الغلا كله

يعافيك ربي حفظك المولى

بخصوص المعاهد بتاعة الجامعة يقولوا للي عنده خلفية باللغة صيحيح الكلام هذا
هل ممكن احول الى معهد تبع جامعة بفانكوفر عندما اصل الى المعهد حقي
انا ودي اصير برفكت باللغة

مشكور

طلال

مشكور جزاء الله خير الجزاء
بشأن المعهد عادي ادرس بيه شهر واحول عادي مايطلبوا مني ضمان مالي المعهد والا اشلون يعني سهل التحويل
ممكن معاهد جامعات بفانكوفر يعني تتبتدي معاي باللغة
اهم الاشياء التى اتي بها من السعودية عشان ماتوهق
اخ طلال ممكن رقم جوالك عشان يتواصل معك زوجي

مشكور

وعليكم السلام

أنا درست بمعهد ILAC وزي ما قالو الأخوان بالضبط، يعني إذا تبغي تتعلمي فيه اللغة كأساسيات المعهد مو قوي، ولكن إذا كانت لغتك كويسة وتبغي مثلا TOEFL preparation فهو ممتاز جدا.. أنا أخذت الكورس شهرين واختبرت وجبت درجة جدا عالية وكان إختبار التوفل بالضبط زي ما دربونا عليه

موفّقة

بالنسبه للتحويل من معهد الى معهد او من جامعه الى جامعه .. اول شي تجيبي القبول من المكان اللي تبي تنقلي له ..

وترسلي القبول للملحقيه .. وتنقلي بكل سهوله .. لكن هالخطوه تسوينها بدري قبل لاتدفع الملحقيه حق الشهر الثاني لمعهدك الاول ..

يعني اول ماتوصلي خذي لك اسبوع ترتبي امورك وتعرفي راسك من رجولك وبعدين روحي للجامعه طلعي القبول منهم بنفس اليوم ..

والجامعات غالبا تبدا كل 4 شهور مع بداية كل سمستر .. فانتي لاتتصلي على الملحقيه ولاتفتحي الموضوع الين تروحي الجامعه

اللي تبينها وتاخذي قبولك ..

مثال .. القبول حق الجامعه بتبدا الدراسه فيه في شهر 6 وانتي بديتي بهالمعهد في شهر 4 يعني بنهاية اربعه تكوني جبتي القبول من

الجامعه واعطيتيه للملحقيه وتكملي شهرين فيه معهدك تاخذي اساسيات خفيفه وخلفيه عن البلد .. ولاجىشهر 6 تكون امورك كلها متحوله

للجامعه بلا اي اعاقات او قصر بالوقت ولخبطه ..

بالنسبه لسؤالك اهم الاشياء اللي تجيبينها من السعوديه بخصوص ايش .. قصدك الملابس + الاكل + الشهادات ..!!

وضحي وانا برد عليك ..

لا ابدا مو صحيح .. لان بكل المعهدين رايحين يحطونك بالمستوى اللي انتي تحتاجينه .. لكن ممكن الناس تقصد من ناحية النظام التعليمي

يعني يكون قريب من نظام المواد الجامعي .. يعني يكون عندك 4 مواد (الكتابه كلاس ومدرس منعزل +القرائه نفس الشي كلاس

ومدرس منعزل + ايضا الاقرمر + السماع والكلام ) يعني افضل يفصل اللغه عندك تفصيل واذا انتي محتاجه شغل اكبر في شي من

لغتك يركزو عليك .. لكن انا نصحتك تجلسي اول شهر بمعهد ILAC لانه بدال ماتحوسي وتطلعي قبول وانتي عندك وياخذ وقت

وتعب قلب .. تجي هنا وتطلعينه بثواني (اللي ياكل من يده مايشبع ) ..

حلو هالطموح وباذن الله توصلي له .. لكن كله يعتمد عليك .. المعهد يعطيك من 20-50 % من اللغه .. والباقي عليك وبشكل كبير

جدا .. يعني لو تختلطي مع ناس تتكلم انقلش تسمعي انقلش برامج افلام مسلسلات (اغاني او اناشيد) .. تذاكري يوميا اقل شي 3 ساعات

غير المعهد .. انا اعطيك ضمان باذن الله خلال 10 شهور تجيبي التوفل .. لكن اذا كل يوم عند السعوديات وفله واسواق .. حتتعبي

كثير (وبالنسبه لجلسات العرب حاولي بالويكند يوم واحد بتكون كفايه ومتى ماجبتي اللغه والتوفل سوي اللي تبي)

راجعي الخاص


طلال

نفسي اعرف معلومات عن المعهد ماني شايف احد في المعهد مع ان طريقة تدريسهم حلوه والمبنى روووعه بس مافي تجارب كثير ...ان شاء الله طالع بس يارب تطلع الفيزا.....