الأعضاء الإشتراك و التسجيل

الملتقيات
ADs

((((((ارجو المساعدة والتوجيه لمن في كندا وخصوصاً في كاملوبس))))

((((((ارجو المساعدة والتوجيه لمن في كندا وخصوصاً في كاملوبس))))


NOTICE

تنبيه: هذا الموضوع قديم. تم طرحه قبل 5095 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الاسير؟
    الاسير؟

    مبتعث جديد New Member

    الاسير؟ كندا

    الاسير؟ , ذكر. مبتعث جديد New Member. من السعودية , مبتعث فى كندا , تخصصى تمريض , بجامعة ثمبسون ريفرز
    • ثمبسون ريفرز
    • تمريض
    • ذكر
    • كامبلوس, كاملوبس
    • السعودية
    • Feb 2010
    المزيدl

    April 16th, 2010, 10:08 PM

    {{الى اعضاء المنتدى حفظهم الله الى اخواني واخواتي المبتعثين والمبتعثات في كندا}}
    السلام عليكم ورحمة الله وبركاته،،،

    ارجو من الله العلي القدير ثم منكم المساعدة ،حيث انني ولله الحمد حصلت على بعثة من قبل وزارة الصحة الى دولة كندا بجامعة ثمبسون ريفرز بمدينه كامبلوس ،ولكن اريد ممن لدية الخبرة توجيهي في عملية السكن حيث ليس لدي الخبرة في ذلك فمن لدية الخبرة امل منه مساعدتي في عملية تدبير السكن حيث انني ارغب في السكن لمدة شهرين او ثلاثة لدى عائلة كندية من اجل تحسين لغتي على ان تكون العائلة جيدة.وقريبة من الجامعة،
    كما ارجو منكم نصحي حيث انني انشاءالله سوف اسافر في تاريخ 22 من شهر ابريل الجاري.{الرياض - لندن - فانكوفر - كاملوبس}(الخطوط البريطانية)
    كما ارجو منكم توجيهي في حال عدم الحصول على الهوم ستي حيث انني كلفت مكتب في الرياض لمخاطبة الجامعةوبالفعل تم مخاطبة الجامعة واحيل الطلب الى قسم الهوم الستي حسب ما افادني المكتب وسبب تكليفي للمكتب لعدم خبرتي في مخاطبة الجامعات..
    فأين اجد السكن المناسب حتى يتم تأمين السكن مع العائلة من قبل الجامعة


    وجزاكم الله عني خير الجزاء.
    اخوكم/ ابوشوق.
    ((الاسير))
  2. فمن لدية الخبرة امل منه مساعدتي في عملية تدبير السكن حيث انني ارغب في السكن لمدة شهرين او ثلاثة لدى عائلة كندية من اجل تحسين لغتي على ان تكون العائلة جيدة.وقريبة من الجامعة،
    طبعا افضل مكان يدبر لك العائله هو الجامعه .. خطوه جيده انك كلمت المكتب او الجامعه يشوفون لك العائله ..

    لكن اذا ماردو عليك عطني خبر واقدر اشوف لك عناوين بالنت تبع عوائل .. وتتواصل معهم لكن الجامعه باذن الله تجيب لك ..

    كما ارجو منكم نصحي حيث انني انشاءالله سوف اسافر في تاريخ 22 من شهر ابريل الجاري.{الرياض - لندن - فانكوفر - كاملوبس}(الخطوط البريطانية
    طيب اخوي وش النصيحه اللي انت تبيها .. يعني الل اقصده انت حجزت وقضيت .. لو توضح النصيحه اللي تبيها ابشر ..

    فأين اجد السكن المناسب حتى يتم تأمين السكن مع العائلة من قبل الجامعة
    طبعا على حسب المده .. لو هي قليله اسبوع الى 10 ايام بالكثير .. فندق او موتيل بيكلفك مايقارب 800 دولار للعشره ايام ..

    لكن اذا بالشهور او مده طويله مالك الا تشوف لك شقه وتستاجرها .. واذا فكرت تستاجر الشقه ابنزل لك مواقع فيها شقق وتلقي نظره

    ولاجيت للمدينه تنزل تشوفها بعيونك وتشوف القريب للجامعه تاخذه ..

    عموما انت الحين انتظر الى قبل سفرك بكم يوم .. اذا ماجابو لك عائله اوصل لفندق قريب للجامعه اكتب موقع الجامعه بورقه العنوان بس

    واركب تكسي من عند المطار وقوله يوديك لاقربندق للجامعه .. ومن اليوم الثاني الصباح تطلع الشقق اللي بالنت وتتصل عليهم وتروح تشوفها..

    طبعا قبل السفر بيومين ننزل لك عناوين الشقق وتتفرج عليها براحتك وتطلع ارقامهم على جنب عشان تجي هنا ونت متربهم ماعليك الا تتصل ..

    طلال
    7 "
  3. اخي العزيز طلال شاكر ومقدر لك سلفاً جهودك ومرورك اسال الله العلي القدير ان يوفقك ويقيك شر كل مكروه .
    اخي الغالي المكتب ماردت الجامعة عليه الى الان ابنتظر الى يوم الاربعاء القادم ،والنصيحة المطلوبة هي مابعد الحجز قصدي في المطارات وبعد وصولي الى مطار كاملوبس والمواصلات ،ومراجعة الجامعة في اي قسم. عملية فتح حساب في البنك .
    اخي الكريم فضلت السكن مع العائلة لمدة وجيزة من أجل تحسين وتقوية اللغة وحتى اتمكن من معرفة الوضع قبل حجز الشقة .
    لانني ارغب في ذلك قبل احضار عائلتي.
    اخي العزيز والقدير طــــــــــــــــــــلال فرحت كثيراً بمرورك وتوجيهك اسأل الله العظيم ان يجزيك عني خير الجزاء وان يثيبك ويجعل ماتقوم فيه في موازين حساناتك.

    وامل منك أخي الغالي ان لاتطيل في عملية مرورك لان الاستفسارات كثيرة ومثلك صاحب خبرة وتجربه قد يستفيد منها من هو مثلي ويستفيد منها القارئ (المستجد ).
    7 "
  4. اخي العزيز طلال شاكر ومقدر لك سلفاً جهودك ومرورك اسال الله العلي القدير ان يوفقك ويقيك شر كل مكروه .
    اخي الغالي المكتب ماردت الجامعة عليه الى الان ابنتظر الى يوم الاربعاء القادم ،والنصيحة المطلوبة هي مابعد الحجز قصدي في المطارات وبعد وصولي الى مطار كاملوبس والمواصلات ،ومراجعة الجامعة في اي قسم. عملية فتح حساب في البنك
    طيب اخوي انت انتظر المكتب وان شاء الله يرد عليك وان مارد مالك الا شقه .. ولاتتخاف الامور سهله ان شا الله ..
    عموما انتظر ردهم ووقتها لنا كلام ..

    المطار خلي معك شنطه صغيره حط فيها جوازك +التذكره+البوردينق+اوراق المعهد القبول .. عشان لاوقفت للكاونتر تعطيه هذي الاوراق مره وحده هذي الاشياء اللي يطلبونها غالبا مع الورقه اللي بتعبيها في الطياره .. والشنط رايحه توصل لاخر نقطة وصول واكد على هالشي من مطار السعوديه ..

    بالنسبه اول ماتطلع من المطار على حسب اذا كان عندك سكن معروف .. تركب التكسي وتعطيه فقط العنوان ويوصلك مايحتاج تتكلم ..
    اذا ماعندك مكان اركب وقوله ودني اقرب فندق للحرم الجامعي .. عشان تنزل اليوم الثاني تدور لك على بيت قريب للجامعه ...

    الجامعه اول ماتدخلها اسئل عن قسم الانقلش ورايح يدلك اقرب موظف تشوفه او طالب سعودي ..

    والبنوك عندك بنوك كثيره لكن البنك اللي اغلب الناس تتعامل معه والملحقيه .. اسمها CIBC ..
    تروح للبنك ومعك اثباتاتك كجواز .. وتقولهم ابي افتح حساب رايحين يعاملونك بكل ااحترام وحب .. شعب محترم ..
    وتقريبا نص ساعه وانت مخلص موضوع الحساب .. وكلها اوراق توقعها ولاتخاف ولاترتبك امور سهله ..

    اخي الكريم فضلت السكن مع العائلة لمدة وجيزة من أجل تحسين وتقوية اللغة وحتى اتمكن من معرفة الوضع قبل حجز الشقة .
    لانني ارغب في ذلك قبل احضار عائلتي
    طيب لكن الخوف انك ماتلقى عائله .. وش رايح تسوي لو مالقيت عائله مالك الا تدبر عمرك باي سكن ..وبالنسبه للغه وان العائله تساعد بصراحه كوجهة نظر شخصيه ماشوفها تساعد كلها سؤالين باليوم وش تبي تاكل وكيف المدرسه ؟!!

    الا اذا طحت على عائله غنيه او فيها افراد كثير فهذا بيكون شي طيب .. واذا ناوي تجيب عائلتك لازم شقه ماتنفع تسكن مع عائله .. لان اللغه وانا اخوك لو تذاكر يوميا وتشد حيلك رايح تطور بشكل سريع لو تذاكر يوميا مايقارب 4 ساعات غير المعهد ..

    اخي العزيز والقدير طــــــــــــــــــــلال فرحت كثيراً بمرورك وتوجيهك اسأل الله العظيم ان يجزيك عني خير الجزاء وان يثيبك ويجعل ماتقوم فيه في موازين حساناتك.

    وامل منك أخي الغالي ان لاتطيل في عملية مرورك لان الاستفسارات كثيرة ومثلك صاحب خبرة وتجربه قد يستفيد منها من هو مثلي ويستفيد منها القارئ (المستجد ).
    ولو ياغالي .. حق وواجب

    اشكرك على الدعاء اللي يشرح الصدر .. وباذن الله ارد على اي سؤال يحتاجه سموك .. تحيتي ..

    طلال
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.