تجمع طلاب Thompson River University ( * تم دمج موضوع mon2020 هنا )

دنـيــــــــــا · June 30th, 2007, 06:47 AM

السلام عليكم لأحلى طلاب .. طلاب كندا

حبيت اجمع في هذا الموضوع كل المعلومات اللي لقيتها عن جامعة

Thompson River University

و جمعت فيه كمان معلومات عن المدينة و هي مدينة

Kamloops in British Colombia

على فكرة الجامعة لها أيضا فرع بمدينة وليامز ليك بس انا حاتكلم عن كاملوبس

====================

بسم الله نبدأ

حاحط اليوم الجزء اللي كتبته من الموضوع و هو عن مدينة كاملوبس

و اذا قدرت في اقرب وقت راح احاول احط معلومات عن الجامعة بشكل خاص

================

موقعها

مدينة كاملوبس تقع في مقاطعة بريتش كولومبيا الكندية

و موقعها شمال شرق مدينة فانكوفر المعروفة

تبعد عن فانكوفر بالضبط 310 كلم

و تبعد عن ولاية واشنطن الأمريكية ( مو العاصمة ) 250 كلم

و هي مدينة تقع على ضفتي نهر تومسون

تعتبر من المدن الصغيرة و الهادئة

مساحتها 311 كلم²

عدد السكان حوالي 85 ألف نسمة < == عدد سكان حينا في جدا

===============

المناخ

بالنسبة لكندا تعتبر مقاطعة بريتش كولومبيا بشكل عام أدفأ مقاطعة عندهم

لكن طبعاً بالنسبة لنا تعتبر باردة لكن اكيد ارحم من باقي المقاطعات

اليوم الجمعة 29 يونيو كانت درجة الحرارة كالتالي :

العظمى 22°C

الصغرى 10 °C

<== عز الشتا في جدة

و هذا معدل درجات الحرارة خلال أشهر السنة :

يناير : الصغرى -7.6 ، العظمى -8.0
فبراير : الصغرى -4.4 ، العظمى 3.6
مارس : الصغرى -0.9 ، العظمى 10.5

إبريل : الصغرى 2.9 ، العظمى 16.5
مايو : الصغرى 7.5 ، الصغرى 21.3
يونيو : الصغرى 11.3 ، العظمى 24.8

يوليو : الصغرى 13.7 ، العظمى 28.3
أغسطس : الصغرى 13.2 ، العظمى 27.8
سبتمبر : الصغرى 8.5 ، العظمى 22.0

أكتوبر : الصغرى 3.2 ، العظمى 13.7
نوفمبر : الصغرى -1.7 ، العظمى 5.2
ديسمبر : الصغرى -6.1 ، العظمى 0.1

و بالنسبة لطول اليوم او طول النهار فهو طويل جدا

و كاملوبس تعتبر ثاني اطول مدينة في ساعات شروق الشمس حيث تصل لأكثر من 2000 ساعة في السنة

<== اجل عندنا كم مليارين

لقيت في الموقع اللي جبت منه هالمعلومة جزئية عن ماذا ترتدي خلال فصول السنة

بس لقيتها اقتراحات فاشلة بالنسبالنا يبغونا في الصيف شورت و صندل و مدري من و درجة الحرارة 22 يستهبلوا

<== يعني انها لو مو برد كان اتبعت نصايحهم

طبعا احنا حنتجمد على نصايحهم

بس كاتبين خلال الصيف و الربيع مو بس الشتا راح تحتاج جاكيت للمطر

هذي الأيام الشروق الساعة

4:52 فجراً

و الغروب

9:18 مساءً

يعني رمضان هناك هناااا

بس راح تشوفوا فصول السنة زي ما درسناها في الجغرافيا بالضبط في هالمدينة

الخريف

دنيا في الدنيا · #2 (**رابط مباشر**) June 30th, 2007, 06:56 AM

ددددي مبروك على الموضوع في انتظار باقي الموضوع

كندا · #3 (**رابط مباشر**) June 30th, 2007, 06:57 AM

اموت على الي ينزلون مواضيع

فديت قلبك

اصلا يكفيهم انك هناك

AbdulRahman · #4 (**رابط مباشر**) June 30th, 2007, 07:04 AM

ما شاء الله

بصراحة مدينتكم الحبيبة احلى من مدينتنا

اما 22 درجة الحرارة وينصحونكم بشورتات وصناديل .. يكثروا منها

العالم عندنا تروح ابها للبراد درجة الحرارة 25 فيها .. وهناك عندهم عز الحر وينصحون بشورت

الغروب الساعة 9 ما اقول الا الله يعينك برمضان

انا ان شاء الله بزودك بصور للجامعة

تخصصي صور

يلا ننتظر بقية الموضوع

دنـيــــــــــا · #5 (**رابط مباشر**) June 30th, 2007, 07:19 AM

ايش الموضوع اللي يفشل دا

كاتبته عالوورد وقاعدة انسخ والصق لخبط الدنيا كلها

دحين اشوفله تعديل

بركة الفجر و الناس مو كلهم صاحين

لا وباقي تكملة ما نزلت مدري ليه يبغالها رد جديد

ياللا دحين اكملها مادام جاهزة عندي

دنـيــــــــــا · #6 (**رابط مباشر**) June 30th, 2007, 07:32 AM

التكملة

استلموا

الشتاء ( من ديسمبر لفبراير )

عاد الصيف و الربيع انتو تخيلوهم

===============

الوصول إلى كاملوبس

يوجد مطار في كاملوبس لكنه مطار محلي و الرحلات فيه تنطلق او توصل من 8 جهات او مدن

منها : فانكوفر ، كالونا ، برنس جورج ، كالجري ، و سياتل الأمريكية

يعني بالنسبة لنا أكيد راح نحجز على وحدة من هذي المدن و بعد كذا نحجز إلى كاملوبس

و هذي خطوط الطيران اللي توصل لمطار كاملوبس :

Air Canada Jazz

Central Mountain Air (privately owned and operated )

Horizon Air.

و هذي المدة اللي تستغرقها الرحلة إلى كاملوبس من بعض المدن :

فانكوفر : 50 دقيقة

برنس جورج : 1 ساعة

سياتل : 1 ساعة و 15 دقيقة

كالجري : 1 ساعة و 15 دقيقة

دا المطار حقهم ( فيه مدرجين بس

)

=================

طبعاً ممكن الوصول للمدينة عن طريق الباصات و غالباً تكون جيدة و مجهزة و مريحة لكن طبعاً المدة طويلة

و نفس الشي راح نوصل لوحدة من المدن و بعد كذا نحجز عن طريق الباص

و أسعارها مقبولة جداً

==================

و ثالث وسيلة هي القطار و كل المدن الكندية ممكن الوصول لها عن طريقه لأنها مربوطة كلها بشبكة قطارات ضخمة

<== الله يخليلنا خط الشرقية الرياض و يادوب كمان

في كندا عندهم شركتين للقطارات و كاملوبس تعتبر واحدة من جهتين فقط في كندا اللي قطارات الشركتين توصل لها

الشركتين هي :

Canadian National Rail

Canadian Pacific Rail

انا فكرت في الطيران لذلك ما بحثت عن الرحلات عن طريق القطارات لكن اللي حابب يعرف عنها معلومات اكثر ممكن يعمل بحث في قوقل باسم الشركتين ، و اعتقد تقدر تحجز عن طريق النت

================

معلومات عامة

الضرائب

زي معظم دول أوروبا كندا فيها ضرائب على كافة السلع و الفنادق و غيره

و بالنسبة للسائحين أو الزائرين بغرض البيزنس أو غيره من اللي إقامتهم قصيرة في كندا تكون هذي الضرائب مستردة لما تغادر كندا

أعتقد كطلاب في كندا راح نكون مطالبين بهذي الضرائب زي المقيمين و المواطنين <== ياريت تتأكدوا

بس برايفت للبنات :
لو مرافقك فيزته سياحية خذي باسمه أو على بطاقته الفيزا و لما يطلع من البلد أي وقت راح يرجعولكم قيمة الضرائب سواء كاش في المطار أو على الحساب البنكي <== ناوية تستغل أبوها و أي احد يزورها عشان فيزته سياحية

ياللا بعدين اكمل لكم إن شاء الله و أي أحد عنده إضافة أو عارف معلومة ياريت يقول لنا إياها

دنـيــــــــــا · #7 (**رابط مباشر**) June 30th, 2007, 10:41 AM

دنيا في الدنيا

الله يبارك فيكي و ان شاء الله ارد و لو جزء من اللي استفدته من هذا المنتدى

و ان شاء الله يمديني اكمله قريب

كندا

ياشيخة روحي ربنا يفتحها عليكي ويوصلك القبول قولي امين

و انا عارفة انهم يحمدوا ربهم اني عندهم <==

بس كيف قاعدة اهون على نفسي و شوية شوية اقتنع بالمدينة

لو طلعت حلوة انتي اللي راح تنقلي و تجي عندي اتفقنا ؟

AbdulRahman

لو سمحت الغروب 9:18 مو 9

الخمس دقايق تفرق في رمضان

و ان شاء الله كل المدن اللي طالعين عليها الطلاب تكون كويسة و مريحة يااارب

و ترى انتظر صور الجامعة حتى لو كملت الموضوع ماني حاطتها <== محد يقول لها شي

سهل · #8 (**رابط مباشر**) June 30th, 2007, 12:05 PM

والله أشوف الجو ممكن معقول إلا في الشتاء !
والله إني شايل هم الصيام هناك .. حنا هنا العام الماضي بغينا نفطس من الجوع وأنتي تقولين غروب الشمس على أذان العشاء << مبرمج نفسه على تبوك الساعة 9 العشاء

عموما فكرة حلوه منك ..
وأنا إذا لقيت أي معلومة راح أكتبها بإذن الله ..
شكرا لك ,,

موفقين,,

دنـيــــــــــا · #9 (**رابط مباشر**) June 30th, 2007, 12:44 PM

سهل

والله انا ما اشوف الجو معقول إلا بالصيف !!!

اما غروب الشمس عندنا على نهاية التراويح <== توقيت مكة المكرمة

شكلهم بيعلقولنا جلوكوز في اعمدة النور في الجامعة للصايمين لا ندوخ عليهم <== فال خير

تفاءلت شوية ان المدينة حلوة .. بس والله المتطلبات حقتهم مواااال

دوبي قاعدة اشوفها من الموقع

ياللا ربنا يعيننا و يقدرنا

سهل · #10 (**رابط مباشر**) June 30th, 2007, 01:37 PM

متطلبات إيش ؟!!

المواضيع المتشابهه
الموضوع	كاتب الموضوع	الملتقى	مشاركات	آخر مشاركة
إخواني سائقي الشاحنات ( أصحاب الدبلوم ) إدخلوا !	rko2020	ملتقى طلاب أمريكا Americas Forum	184	July 24th, 2010 03:08 AM
جميع الجامعات الكنــديـــه اللي تدرس تخصص كيمياء ... تفضلوا ...	Al-3otaibi	ملتقى كندا لللأسئلة و الإستفسارات Questions and queries Forum	18	July 28th, 2009 03:32 AM
هنا تجمع حملة الدبلوم	مطنوخ	ملتقى الاعضاء المتعثرين	18	July 18th, 2009 09:11 PM
تكاليف الدراسة	boabdullah	ملتقى طلاب أمريكا Americas Forum	145	October 17th, 2008 06:07 AM
التخصص الدراسي و أفضل لجامعات!!!!!!!	العصيمي	ملتقى إستراليا للأسئلة والإستفسارات Questions and queries Forum	11	May 25th, 2008 03:06 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق