عن جو فانكوفر ؟؟؟؟؟

بالنسبه لامريكا انت معاك وقت من الان يعني يمديك تقدم على الفيزه الامريكه سياحه من السعوديه
لانك ماتقدر تدخل امريكا الا بفيزا
اما الجو في فانكوفر بعد شهر راح يكون بارد جدا
بالنسبه للثلوج موب على كل حال ينزل ثلج يمكن ينزل ويمكن ماينزل ويمكن ينزل ثلوج واجد يعني ماتدري
عموما انت فترتك 3 شهور وكلها في عز البرد الله يعينك
كثر الجاكيتات
وبالتوفيق انشاء الله

آوووف أنا مثلك بجي في نفس الوقت.. وخايف من البرد
شكلي بأخذ الوجار والحطب معي..
بس هل استطيع أني أطلع في الشارع وأتكلم مع الناس؟

دحمون ههههههههههههههههه تعرف حنا في الرياض إذا وصلت 10 درجات ما عاد طلعنا من البيت؟

كيف عاد لو كانت درجة الحرارة صفر وفيه مطر وثلج؟

يحلفون بروح فيها

بالتووووووفيق انشالله

وربي فله مطر وثلج ...........

بالتوووفيق الجميع

يا ولد مدينة العز الجو الآن حدود8 مئوي ويعتبر الجو حلو لحد الآن لكن متوقع السنه هذي ثلج لأن البرد جاي بدري موب زي العام تدف وجب فروتك وتبي تسولف معهم سولف ولا فيه نقد ولا نظرات للناس الأغراب كما هو ببريدة ولا تهون المدن السعودية والمحافظات هنا الديره حلوه وأهلها أحلى بس أهم شي لا تتعدى على حقوقهم ما أحد يقول لك شي . وأية أحد يعتدي عليك بلمس الجسد تدق على الشرطة خلال 3دقايق بالكثير وهم عندك بمجرد ما تقول لهم موقعك طبعاً العنوان هنا موب زي السعودية جنب مطعم هرفي اللي بالسليمانية ويضيعونك 5 ساعات ويجونك ويقول لك وش عندك , بس تقول رقم المبني وإسم الشارع وهم عندك وراح يتعاملون مع الحدث بإحترافية نسأل الله إن يبعد الشر .
وفيهم حركات من حركات بريده أيام أول التتن ما يدانونه ولا تدخن بأي مبنى ذكرتني بالشمري اللي يقول دخنا بمكة المكرمة ما تبينا ندخن ببريدة ال..... أتمنى إنك تقضي أوقات سعيدة وإذا كنت وسيع بال وودك تعرف ثقافة غيرك بتنبسط إن شاء الله . وبالتوفيق .

نسيت اقول لك بالنسبة لأمريكا قدم على الفيزا من السعودية ولا تقول لهم بسير على الشباب بالمقابلة وأنصحك إذا كانوا ربعك بسياتل لا تروح مليانه شحاذين وفقر وكندا أحلى منها . وإذا أخوياك بكالفورنيا أو فلوريدا روح ولا تتردد مع إن 5 أيام ما تسوى تعبها مشوار بعيد .

والله ياخوي على سؤالك الاول راح يكون وقت ثلج واحسب عليها ثلاث شهور زيادة

السؤال الثاني لازم فيزا امريكيه

وان شاء الله توصل بسلامه