مبتعث جديد New Member
كندا
M.O.L.A , أنثى. مبتعث جديد New Member. من السعودية
, مبتعث فى كندا
, تخصصى الله اعلم
, بجامعة جاري البحث
- جاري البحث
- الله اعلم
- أنثى
- كندا, فانكوفر
- السعودية
- Oct 2008
المزيدl December 17th, 2010, 06:11 AM
December 17th, 2010, 06:11 AM
السلام عليكم ورحمة الله وبركاته
اخواني ممكن أي احد يفيدني وينصحني بأي شي لأن احس ان الدنيا كلها صارت نصب واحتيال وماني قادره اتخذ أي قرار
الله يجزاكم خير تحملوني لأني راح اطول عليكم
مشكلتي اني حجزت تذكره ذهاب وعوده من فانكوفر إلى الدمام ومن الدمام الى فانكوفر بتواريخ محدده وكنت نازله للدمام وراح اجدد الفيزا وما توقعت ان الفيزا تطول وتسبب لي ازمه كبيره المهم غيرة تاريخ العوده لان الفيزا تأخرت وطبعا حجزي كان من مكتب الطيار وقالت لي الموظفه الله يجزاها الف خير لأنها حاولت تساعدني كثير ان اول تغير لتاريخ العودة راح يكون ببلاش لاكن بعدها راح يكون بغرامه 200دولار على كل تغير وطبعا ما اقدر اخلي تاريخ العوده مفتوح لان التذكره سياحيه المهم حجزت على ابعد تاريخ على اساس خلال الفتره تطلع الفيزا
لاكن للأسف ما طلعت كلمت موظفة عمرو للطيران نفسها وقالت لازم تدفعين 200 دولار على التغير لاكنا لمشكله انا ما ادري بالضبط احجز على متى واتوهق المهم قالت احسن حل كلمي فرع الطيار في الرياض وكلمي المدير اسامه يمكن يقدر يخلي التاريخ لك مفتوح طبعا كلمة المكتب ورد علي هندي وسوي لي زحمه اسمه ذو الفقار وجلس يهزء "ليييييييييييش مافي كلام انا من اول انا مسؤول تذاكر حق كولو طالب انتي لو كلام انا من اول مره انا يقدر يسوي حل لاكن الهيين مافي يقدر " المهم بعد اخذ وعطا معاهـ او بالأحرى مظارب معاهـ قالي كلمي المدير اسامه
كلمة المدير اسامه وشرحت له اني ماني عارفه بالضبط على أي تاريخ احجز واتوهق في كل مره اجلس ادفع 200$ لو انها ريال اهون المهم قالي خلص مايكون خاطرك الى طيب انتي ارسلي لي التذاكر على الإيميل ومتى ما طلعت لك الفيزا اتصلي علي واضبط لك الحجز قلت اوووكي الحمد الله جاني الفرج
وطلعت الفيزا الحمد الله اتصلت على استاذ اسامه ويوم قلت له ان خلاص طلعت الفيزا الحمد الله وابغى اسوي الحجز في اقرب وقت ممكن قال اوكي
ثاني يوم جاني ايميل انه حجزي الثلاثاء الجاي في 21ديسمبر بس لازم ادفع 450$ كندي لكل تذكره مع العلم انا احنا 3 انا والمرافق اخوي واختي انا هينا انصدمت
كلمت الي مرسل لي الإيميل نفسه وطلع الهندي نفسه الي كلمته قبل كم شهر قلت له على أي اساس 450$ مو 200$ شوفو ايش قالي وانا هنا من جد انصدمت قال 200$لتغير الحجز و250$ غرامه لان الطياره الي كنتي حاجزه عليها قبل طلعت وكراسيكم فاضيه يعني كان المفروض تكلمين وتغيرين الحجز قبل 24 ساعه او قبل يومين قلت انا مكلمه مكتبكم قبل حجزي ب3 ايام مو يومين وعندي كل المسجات الي انتو مرسلينها لي بإميلاتكم والتواريخ واضحه فيها واقدر ارسلك كل شي الحين حسيته تووهق وسكت قال خلاص كلمي مديري اسامه وتفاهمي معاهـ انا انفذ الأوامر كلمت المدير اسامه وطبعا بالموت رد علي وقال ايوه لازم تدفعين احنا دفعنا عنك بالمره الاول "الي هي مجانا اصلا" وقال نفس كلام الهندي ان الطياره طارت وكراسينا فاضيه ووو....قلت استاذ اسامه انا كلمتك من قبل كم شهر ووضحت لك كل شي وانت قلت راح تتكفل بالموضوع وتغير الحجز وتخليه مفتوح عشان ما اضطر ادفع200 كل مره والحين تقولي هالكلام وانا كنت مكلمتك قبل يوم الحجز ب3 ايام قال اناااااااا قلت ايه انت قلت شوف انا ماعندي مانع ادفع 200$لكل تذكره لاكن ادفع 450 يعني حوالي 3555 ريال لا والله ماعندي استعداد قال خلاص انا راح اساعدك ان شاء الله بكره بس اروح للدوام راح اشوف ايش اقدر عليه واكلمك وهالكلام كان يوم الثلاثاء ولا رد علي واتصل فيه ما يرد ارسل ايميلات مايرد ارسل مسجات مايرد اكلم المكتب يقولون مو موجود ؟؟؟؟؟؟؟!!!!!!!!
ما ادري وش اسوي تكفوووووووووووون الله يخليكم وش تنصحوني اسوي
ادري طولت عليكم بالكلام لااكن والله من قهري منهم
التذاكر على اللوفيت هانزا دقي على الرقم المجاني وعطيهم رقم التذكره حقك وقولي لهم إني أبغى أغير حجزي لليوم اللي تبينه وشوفي وش يقولون لك أنا اليوم مغير الحجز ل 22ديسمبر عن طريق الهاتف المجاني ب 143دولار كندي
8005635954الهاتف المجاني للخطوط الألمانيه
khleiwi December 17th, 2010, 06:43 AM
7 " طبعاً يحتاجون بطاقه إئتمانيه فيزا أو ماستر كارد لسداد المبلغ
ويحتاجون البريد الإلكتروني ورقم الجوال أو الثابت اللي يخصك ويجيك التعديل بإذن الله فوراً .
khleiwi December 17th, 2010, 06:45 AM
7 " مشكور اخوي بس انا قبل لا اسوي الزحمه كلها وقبل لا اكلم اسامه من مكتب الطيار كلمة الخطوط الالمانيه الي عندنا بالشرقيه وقال ما اقدر اسوي لك شي كلمي نفس مكتب الطيار هو الي يغير لك مو من عندنا ؟؟؟
M.O.L.A December 17th, 2010, 06:55 AM
7 " انا راح احاول اكلمهم ان شاء الله على نفس الرفم وان شاء الله يفيدوني بشي
الله يجزاك خير
M.O.L.A December 17th, 2010, 06:58 AM
7 " لحظه هذا الرقم بكندا أنا كن أحسب إنك بكندا والله لكن فيه مكتب الخطوط الألمانيه بالرياض بشارع التحليه أتوقع يحلوا لك المشكله .
khleiwi December 17th, 2010, 07:04 AM
7 " 
LinkBack URL
About LinkBacks
December 17th, 2010, 06:11 AM