ايش افضل الحضانات في فانكوفر؟؟؟؟؟

وعليكم السلام ورحمة الله وبركاتة

اولاً اختي سكنكم اين في فانكوفر حتى اقدر افيدك؟

انا لسه في جده وجاني قبول في معهد pli في شارع burrard
وماني عارفه وين بسكن بس ما يهمني اكون قريبه من المعهد اكثر من اني اكون قريبه من حضانات عيالي انا عندي ولدين الكبير 4 سنوات والصغير سنه وابغى اسيبهم في مكان امن مجرب فيه مربيات ومدرسات مسلمات
وحابه اعرف اسعار الحضانه اذا ما في كلفه

فيه دي كير اعتقد ان اصلها افغاني 800 دولار من الساعة 8 الى 4 مساء

وفيه روضة دوام كامل 1150 دولار للطفل الواحد و 620 بارت تايم

كلهم على شارع ريتشارد وانصحك بالروضة ابني فيها ومبسوط معاهم ويعاملون الاطفال معاملة جدا ممتازة

انصحك اذا حابه تسكني قريبه من الروضة ان تسكني في في المناطق هذي

ريتشارد مع هلمكن

سيمور مع نيلسون

سمايث مع سيمور

هلمكن مع سيمور

اذا ممكن بعد اذن ام خلودي عندي كم سؤال
ابغى اسم الروضه والشوارع بالانجلش او عنوانها على جوجل ماب

طيب معليش بسال عن الدي كير في احد جربها ؟؟ وتنصحني بها ولا لا
وبالنسبه للروضه حتقبل عيالي الاثنين ولا بس الصغير ؟؟ وودي اعرف زي ما قالت ام ابداع اسم الروضه وكمان اسم الدي كير
وبجد مرررررررررره شكرا ع اهتمامك

ويا ام ابداع اعتبري الموضوع موضوعك حاسه فيكي والله

وينكم يا اهل فانكوفر ؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟

السلام عليكم
من واقع تجربة
وين تودي اولادك : هذا سؤال مهم الجواب
اذا تبغيت تدرسيهم اكاديمياً يعني حضانة او روضة هذا مكلف نوعا ما يعني بقرابة (900 الى 1350 دولار شهرياً)
اذا تبغين مكان ىمن لهم هناك بعض العوائل المسلمة منهم عربيات ومنهم لا ومنهم مو مسلمين هذولا طال عمرك يفتحون بيوتهم ويستقبلون اطفال يكون عندها بيسمنت مؤثث للاطفال تدربهم وتاكلهم وتهتم فيهم لين تخلصين دوامك وهذا النوع مو مكلف يعني بقرابة (400 الى 800 دولار)
النصيحة الديرة غالية مررره يعني خذي بالحسبان هذه الامور من واقع تجربة انا بنتي لما تعبت من التنقل جبت حاضنة في البيت ونقلت كفالتها (يعني خدامة ذات كفاء) هذي تاخذ وقت واجراءات لاني جبتها من كندا مو من السعودية فيه مكاتب للشغلات هذي وقانونية راتبها على حسب (اذا كانت بتسكن عندك او اذا كانت بتاكل عندك) لانك انتِ من يقرر هذا في العقد وتدفعين ضريبة للدول عن كل شهر من قيمة راتب الحاضنة. انا ارتحت كثير يعني اروح واجي على كيفي البيت نظيف الملابس مغسلة اجي كل شي يفتح النفس فوق كذا طفلي مرتاح.
لو بغيتي اكثر تفصيل عن الحاضنة وكيف التقديم عليها وماهي الشروط راح اساعدكم جميعاً .
صح عندي الان حاضنتي موجود بفانكوفر فلبينية مررره كويسه خبرة مؤهل دراسي حنونة على الاطفال مررره الان انا سويت سحب نقل كفالة لاني بغادر الدولة وبرجع لديرتي اللي يبغاها سهل مره ومن اول ما توصلون تجيكم حتى لو بغيتوها تستقبلكم.

وعليكم السلام اخي رواف

اولا : لو كنت ابغى اودي بنتى عند العوائل المسلمه طبعا .. كيف اقدر اوصلهم ؟؟ واذا عندك رقمهم ممكن تعطينى ؟؟وفين ساكنين ؟؟ وهل هذا الشي مسموح في كندا مايعتبر مخالفه ؟؟

الشي الثاني : الحاضنه الموجوده عندك بس تهتم بالاطفال او لا ممكن تهتم بالبيت كمان ؟؟ كم راتبها لو سكنت معانا او برا البيت ؟؟

معليش على الاسئله الكثيره
وجزاك الله خيرا