استفسار قبولي من تومسون ريفر

الترم هذا راح يغلق في نهاية ابريل فحاول انك تدرس الين قبل نهاية ابريل و تزبط لك حجز على كاملوبس علشان تجي تشوف لك موضوع السكن و وتلحق تسجل في الصيفي لو ودك وسلامتك

على اني ما انصحك تجي تدرس في هذي الجامعه المتخبطه بقرارتها يعني مدري وش حاد نص طلاب البكالوريوس على ذي الجامعه المتخلفه في كندا مالها سنتين متحوله من كليه الى جامعه و عليهم انظمه وطلبات مو موجوده في جامعات اقوى وافضل واحسن منها

ياخي نصيحه اخويه لله فالله في جامعات كثيره في كندا افضل منها بكثير و جامعات مميزه على مستوى العالم فأنصحك تشوف لك غيرها, الا اذا انت تبي دراسه مشي حالك فتعال لها , انت طالب دوبك متخرج من الثنوي والخيارات قدامك كثيره , لو انك ماستر فالوضع يختلف لان شروط دخول الماجسيتر في كندا صعبه والجامعه ذي عليها اسلوب خارجي للعيان انو شروطهم سهله الين ما تبدء دراسه وتتفاجأ بان شروطهم كثيره, واهتمام المشرفين الدراسيين في الجامعه هو في كيفية انهم يدخلون فلوس للجامعه, بصراحه من اغبى الجامعات الي في شفتها في حياتي بل والله ان في جامعات عندنا في السعوديه افضل منها بكثير


يعني ابسط مثال عندك القبول الي انت حاطه مختوم عليه انك ما تقدر تستخده في اجرائات الفيزا !! طيب لو ارسلوا لك هذا الخطاب وانت في السعوديه وجيت تبي تقدم على الفيزا راح ترفض السفاره هذا الخطاب والسبب ان الجامعه ترفض تعطيك قبول نهائي الين ما يجيها الضمان المالي يعني تضمن انك تجيها, يعني الجامعه ما تبي حتى تكلف نفسها بتوجيه خطاب للسفاره لمساعدة طلابها في الحصول على فيزا,

ابد ابد ابد ما انصحك تجي لهذي الجامعه

بالعقل تبيه يعطيك قبول ب ١٠٠ دولار وتجيك فيزا سنه يعني تروح لكندا وتسحب عليهم وتروح لجامعه ثانيه؟ اكيد يبي يستفيد وبعدين هذا نظام الحكومه حقتهم
حتى القبول اللي انت تجيبه من معهد تجاري بعضهم يقولك تدفع فلوس عشان اعطيك القبول النهائي .. حتى امريكا كذا يطلب منك ضمان مالي يضمن حقه

الدعوه في حراج بن قاسم؟؟
وحتى لو كانت هالجامعه قبل سنتين كانت كليه طيب وين المشكله؟

ع كلامك ان الجامعه مره داجه... شكلك جايب معدل ٤من ٤ .. ع اساس انها داجه وتمشي.. ولا؟
جامعه حقت فلوس..؟ طيب تبيهم يدرسونك ببلاش يعني؟؟


انا مايعجبني اللي يجي يبربر ولايدري وش السالفه...بتتكلم جب شي يثبت كلامك .. لاتجي تبربر من راسك الله يصلحك...
ودام الجامعه داجه وش مصبرك؟ ورا مانقلت؟

هلا دحمون

بالنسبه للكلام الي كتبته والله هذا وجهة نظري الشخصيه , ورأي في الجامعه يعني تقدر تتفضل وتقول الي تبي بس ياليت ياخي انك ما تطلع كلام غيرك هو الي غلط وانت الصح, المهم اخوي ياخي على حد علمي هذا ااول ترم لك بالجامعه مدري ثاني ترم

ياخي خلني اوضح لك اشياء انت ما تعرفها
اول شيء بالنسبه للباصات ترى هي مو بلاش ترى يتم دفع رسوم المواصلات العامه مع رسوم الدراسه وهذا شيء اجباري على كل طالب وطبعاً علشانك ما قريت وش مكتوب في جدولك لما سووه لك فما عندك اي خلفيه, وطبعاً يتم سداده عن طريق الملحقيه

بالنسبه للأشياء الي توفرها لك الجامعه فهذي اشياء اجباري على الجامعه ان توفرها لطلابها علشان تحسن مستوى تقييمها عند تقييم الجامعات
من مساعده في اللغه الانجليزيه وفي باقي المواد الاخر مثل مواد البزنس وغيرها

بالنسبه للبطاقة و حكاية التخافيض يا صاحبي فهذا شيء اي جمعيه تقدر تسويه لك ,, وتقدر تشوف حكاية التخافيض لدى جمعية الطلبه السعوديين بفانكوفر بالعكس بطاقة النادي السعودي توفر تخفايض في بعض الاماكن الجامعه ذي ما وفرتها
والشيء هذا برضوا ساير في كل الجامعات يعني في بطاقة معتمده من اغلب الجامعات في امريكا الشماليه اسمها
International Student Identity Card
هذي البطاقه متوفره في جامعات كثير و توفر لك تخفيض في شركات السفر زي الباصات والقطارات وغيرها من اماكن بينما بطاقة الجامعه ما توفرها


بالنسبه للجامعه فهي كانت بتاريخ ٢٠٠٥ كلية كاريبيو


وفي النهايه اتمنى انك تحترم وجهة نظر غيرك وتحترم كونك ما تعرف شيء عن الجامعه ولا حتى تعرف تقراء جدولك وتمنى انك ما تزعل يا دحمون

الله يجيب الي فيه الخير ان شاء الله
صراحه انا تعبت لين لقيت قبول جامعه
شهادتي ثانويه تجاريه ونسبتي تحت
الحمدالله انو عندي قبول جامعه
وشكرا على على المعلومات يا اخوان وكلام اخوي ولد طمووح عين العقل
اخوي المتعنصر ممكن انت تشوف حاجات احنا ما نشوفها لكن قلنا ايش الصعوبات الي مخلينها بوجه الطالب؟؟
على العموم اتمنى تفيدوني بكل شي عندكم
الله يجزاكم خير والجنه
تحياتي

طيب ممكن سؤال؟ اذا انت تقول انو الدعوه حراج وحكمة عليا اني ما افهم وابربر

ياخي اعلمك وين المشكله بس هد اعصابك لاني حسيت اني غلط عليك
المشكله انو هذا دليل على انها جامعه غير عريقه او انها جامعه مستحدثه لو قارنتها بتاريخ الجامعات الاخرى الي لها 40 و 80 سنه كجامعه وليس 5 سنوات

ياخي بالنسبه لكوني قلت جامعة فلوس فالله يصلحك المفروض انك تشيل عصاك وتجي تضربني
ياخي اعلمك وش انا قصدت بكون الجامعه تبحث عن الربح المادي بغض النظر عن وضع الطالب
يعني انا وانت مبتعثين من الملحقيه بس في ناس على حسابهم ويدفعوا من جيبهم رسوم الجامعه مو كل البشر زيك مبتعثين
فأيش نظام الجامعه - تدرسك ترم بحوالي 7379 دولار سواء اخذت ماده وحده او 5 مواد

لكن السؤال هنا ممكن تفهمني يا اخ فمهان مبلغ 7379 دولار وش داخل فيه من رسوم غير رسوم الدراسه علشان انا استفيد وغيري يستفيد

و اتمنى انك تتعلم اصول الحوار هذا الي قلته فوق وجهة نظري انا لا غلط عليك ولا على احد من اهلك وش فيك معصب كذا ؟؟؟

الله يوفقني و يوفقكم اجمعين لما فيه خير وصلاح هذي الامه

بالنسبه للي كتبتته فوق هذا من وجهة نظري الشخصيه, والي عنده رئي مخالف لرئي انا احترمه وبالعكس اقف له احتراماً لكن دون الانتقاص كما يفعل بعض الجهله وقليل العلم واصحاب الفكر الجاهلي المحدود المتخلف بأراء غيرهم. رائي هو عباره عن تجربه عمليه بالجامعه على اني كنت اقدر اقول ( على قولهم في ستين داهيه فيكم وفي الي يسئل وانا مالي), انا ما تفرق معي انا مغلق الجامعه وجالس احضر الماجستير لكني فضلة اني اعبر عن تجربتي لكم وانتم احرار ما راح امسك ولد طمووح او غير واقله الا ما تدرس في الجامعه غصب عنك
و بالنسبه لاخواني افتمنا لهم التوفيق اينما كانوا في كندا او امريكا او اليمن او قندهار حتى لن يبخسني هذا شيء انا لست مكلف بالجامعه و العاقل هو من اتعظ بغيره ,لكن ما طرحته هو الحث للتوجه الى جامعات ذات صدى اكبر ولكن كون بعض الاخوان هنا هداهم الله حسسوني اني جاي ابي اضيعهم برئي فهذا غلط

السعراللي كاتبه انت عليك وع اي طالب من جنسيه ثانيه
وكل جامعات كندا قريبه من السعر
ولو تروح تسال بكم سعر المستوى الخامس اللي بس فيه مادتين لغه ب 2700 دولار
يعني مو كل سمستر 7379 ..




وبالنهايه كل كلامنا يرجع وجههات نظر شخصيه..