افضل خطوط طيران؟

للررررررررررررررفع

على حسب ما اعرف افضل طريق لك

اذا كانت رحلتك من الرياض او من جده الي فرانكفورت وتنتظر بالمطار من 3 الي 4 ساعات الي فكتوريا
انا جربت الفتهانزا خدماتهم جدا ممتازه من جده الي فرانكفور وبعدها الي فانكوفر

تمنياتي لك بالتوفيق

انصحك بالالمااااانيه جدا مريحه

[QUOTE=طال عمرك;1061647280]على حسب ما اعرف افضل طريق لك

اذا كانت رحلتك من الرياض او من جده الي فرانكفورت وتنتظر بالمطار من 3 الي 4 ساعات الي فكتوريا
انا جربت الفتهانزا خدماتهم جدا ممتازه من جده الي فرانكفور وبعدها الي فانكوفر
الله يعطيك العافية .....
اولا ...اخوي كم مدة الرحلة من جدة الى فرانكفورت
ثانيا...وكم تنتظر في المطار
ثالثاً.... وكم مدة الرحلة من فرانكفورت الى فانكوفر وهل هي على نفس الخطوط او تتغير
وايش رايك بالطيران السعودي
والله يوفقك

اولا ...اخوي كم مدة الرحلة من جدة الى فرانكفورت >> مدة الرحلة 5 ساعات تقريباَ

ثانيا...وكم تنتظر في المطار >> تنتظر بالمطارفرانكفورت من 4 الي 6 ساعات علي حسب التوقيت الصيفي ولا شتوي للخطوط

ثالثاً.... وكم مدة الرحلة من فرانكفورت الى فانكوفر وهل هي على نفس الخطوط او تتغير >> من فرانكفورت الي فانكوفر 10 ساعات الي 11 ساعة نفس الخطوط وانت طالع من جدة اطلب منهم انك تستلم الشنط بفانكوفر


وايش رايك بالطيران السعودي >> طيران الخطوط السعودية ما يوصل الي فانكوفر


بس انت تبي من فرانكفورت الي فكتوريا علي نفس الفتهانزا (ما ابي افتيلك ) بس اذكر شباب كانو معاي من جده الي فرانكفورت وبعدين غيرو الطيارة الي فكتوريا وكان انتظارهم للرحله الثانية 4 ساعات

(( اعتقد فية مطار في فكتوريا ))

ايوه فيه مطار بفكتوريا والمسافه بين فانكوفر وفكتوريا نص ساعه بالطايرهـ ...

انا عن نفسي رحت فانكوفر من الرياض

على خطوط بي اي اللي هي British airway

من الرياض للندن ومن لندن لفانكوفر كان رحله جدا مريححححححححححه

لدرجة اني انام بالطياره مااقوم الا لاقالوا يالله الغدى والا العشى واكل وارجع انام

هههههههههههههههههههههههههههههههههه

بس رحلتي كانت من الرياض للندن ومن لندن لفانكوفر بنفس الطياره ونفس الخطوط

اذا كانت رحلته من الرياض ترانزيت وبعد الترانزيت تختلف الخطوط انحححححش عن هيثرووو

لانك بتضييييييع بذاك المطار انا اللي ساعدني ان خطوطي نفس الخطوط بطياره وحده من الرياض لفانكوفر

صح اني انطقيت بلندن حوالي 6 ساعات بس كانت رحله حلوه اذا كانت نفس الخطوط ينزلونك بنفس الترمنل

بس تروح وتاخذ لك مقعد لين تنفتح بوابتك وتتوكل على الله ..

بس اذكر انو حصلي موقف في هيثرو قالوا لي افتح شناطك وحنا بنفتشها وانا رفضت اني افتح شناطي بحجة انها ماهي شغلتي

قلت لها no way its not my business

قفلت معها وتفتح الشنطه بقوه بغت تفرط السحاب وتطلع من الاغراض وترمي بالزباله

عطر عصير كان معي غسول فم حق التهاب لثه كنت اعاني من لثتي وقتها وترميه بالزباله صح اني كنت مغبون بس كنت اطالعها وابتسم

ابي اقهرها مثل ما قهرتني :'''''(

على اني احب الاكسنت البريطاني الا اني اكره شعبهم اللي شايفه نفسه على ايش مدري الحمدلله بس على العافيه

بس من كلام الشباب اللي هنا يمدحون فرانكفورت و امستردام بس هونق كونق جدا بعييييييد تلف العالم كله هههههههههههههههههههههه

خلك على اللوفتاهانزا على فرانكفورت ويالله من فضلك شعب حبوب وطيب ويخدمونك زي الشعب الكندي

وبس