ممكن مساعدتكم يااخوان واخوات بخصوص مطار هيثرو

أنا رجعت من كندا لسعودية على الخطوط البريطانية و الترانزيت في مطار هيثرو قبل فترة.. كان جداً حلو و واضح كل شيء فيه .. و اتوقع في كل المطارات تعامل الموظفين حلو ولبق لما تحبين تسألينهن عن اي شيء ..

اول ما توصلين فيه نزله سلالم كهربائية تنزلين منها و تركبين قطار يوديك لـ connecting flight اتذكر كانت المحطة الثانية ع العموم تبي تشوفين كل اللي بالقطار ينزلون فيها .. واذا نزلتي من الترين مافيه الا مسار واحد ترقين معه بعدين توصلين المنطقة اللي فيها تفتيش الامتعة و الجوازات بعد ما تخلصين راح تكونين بالدور الثاني و عندهم 3 بوابات ( A , B , C ) تشوفين رحلتك على اي بوابة ((( نظامهم ما يعلنون ارقام البوبات الا قبل الرحلة بساعة ونص تقريباً ))) يعني اول ما تطلعين فوق فيه شاشات شوفي رحلتك على اي بوابة .. و فيه صالات للانتظار وزي كذا انزلي تحت تشوفيهم جداً حلوة و الاسواق و العالم يعني تحسين انك في مطار دولي بحق و حقيقة .. ع العموم بوابات A راح تكون بنفس المنطقة اللي انت فيها اما بوابات B و C لا راح تركبين الاصنصير ينزلك للقطار تركبين القطار المحطة الأول هي بوابات B والمحطة الثانية محطات C وجداً واضح و اللوحات اكثر من الشعب اللي جالس ينتظر و السعودين و العرب كثثثثثثثير لو احديتي تسألين احد بس انا اقول جداً واضح ولا له داعي الخوف ان شاء الله


2- كم عدد الشنط المسموح بها على الخطوط البريطانيه وكم الحد الاقصى للوزن .. عندي شنطة سحب وشنطه للاب توب وشنطه ثالثه صغيره ؟؟
مسموح شنطة وحده 23 كيلو و شنطة يد بالطيارة 7 كيلو وحسب ما سمعت انهن دقيقين بسالفة الـ23 كيلوا لكن انصحك تشترين وزن اضافة ب 53 دولار اذا تبي تشرينها من النت او 63 دولار اذا تبي تشرينها من جواء المطار .. بس المسموح فيه شنطة وحدة 23 كيلو لشحن و شنطة يد للطيارة واللابتوب زود عادي ولا اشوفهم يدققون واجد بشنطة اليد يعني ما اخذوا وزنها ولا شيء

3- في مطار هيثرو .. كيف نوعيه الافياش في المطار ,, لان سلك الشاحن للاب توب تبعي ثلاثي
الافياش حقتهم ثلاثية كبيرة شوي بس لا تشيلين هم فيه محلات كثيرة جواء المطار تبيع الافياش يعني حتى لو ماشبك جهازك يمديك تشرينها من اسواق المطار(( واسواقهم حقت المطار تختلف عن اسواقنا هم و الله ارخص من برى ))

4- كم أحتاج صرفية خلال الساعات القليله في مطار هيثرو .. هل تنصحوني بتحويل العملة من السعوديه , ام بمجرد وصولي لمطار هيثرو
والله تختلف انتي وش تبي تسوين .. بس كل شيء موجود بالمطار من مطاعم و ستار بوكس و محلات تسوق بجميع انواعة و الاسعار حلوة يعني نفس الاسعار اللي برى او ارخص فاذا حابه تشرين و تتسوقين جيبي مبلغ جامد و اذا حق اكل فالاسعار معقولة وعادية لا تتوقعين انهم مبالغين فيها مثل اللي صاير عندنا .. اما تحويل الفلوس فبراحك لكن انا اشوف مطار هيثرو بكل فتحة فيه مكان لتحويل العملات لكن الواحد وده يجي ومتطمن ومعه فلوسة لكن لو حدكم الوقت عادي تحولين هنا و متوفرات المحلات بكل زاوية بالمطار


اي سؤال عن احلى مطار بالعالم انا جاهز

"اول ما توصلين فيه نزله سلالم كهربائية تنزلين منها و تركبين قطار يوديك لـ connecting flight اتذكر كانت المحطة الثانية ع العموم تبي تشوفين كل اللي بالقطار ينزلون فيها "

هل المسافرين الي رح يدخلون لندن ينزلون في نفس المحطة الي أنزل فيها ؟
وهل في القطار رسم توضيحي بمحطه connecting flight ... ياريت لو تتذكر اسم المحطه تقولها يااخي
لان قريبتي رح تكون معاي وهي نازله لندن
قصدي وين رح نفترق انا وياها بالضبط

"واذا نزلتي من الترين مافيه الا مسار واحد ترقين معه بعدين توصلين المنطقة اللي فيها تفتيش الامتعة و الجوازات بعد ما تخلصين راح تكونين بالدور الثاني و عندهم 3 بوابات ( A , B , C ) تشوفين رحلتك على اي بوابة ((( نظامهم ما يعلنون ارقام البوبات الا قبل الرحلة بساعة ونص تقريباً ))) يعني اول ما تطلعين فوق فيه شاشات شوفي رحلتك على اي بوابة
.. و فيه صالات للانتظار وزي كذا انزلي تحت تشوفيهم جداً حلوة و الاسواق و العالم يعني تحسين انك في مطار دولي بحق و حقيقة .. ع العموم بوابات A راح تكون بنفس المنطقة اللي انت فيها اما بوابات B و C لا راح تركبين الاصنصير ينزلك للقطار تركبين القطار المحطة الأول هي بوابات B والمحطة الثانية محطات C وجداً واضح و اللوحات اكثر من الشعب اللي جالس ينتظر و السعودين و العرب كثثثثثثثير لو احديتي تسألين احد بس انا اقول جداً واضح ولا له داعي الخوف ان شاء الله "

بوابات a رح تكون بنفس المنطقه الي انا فيها <-- معلومه جميلة
- طيب بالنسبة لقص البوردينج لرحلة كندا .. وين رح يكون بالضبط ؟؟؟


"مسموح شنطة وحده 23 كيلو و شنطة يد بالطيارة 7 كيلو وحسب ما سمعت انهن دقيقين بسالفة الـ23 كيلوا لكن انصحك تشترين وزن اضافة ب 53 دولار اذا تبي تشرينها من النت او 63 دولار اذا تبي تشرينها من جواء المطار .. بس المسموح فيه شنطة وحدة 23 كيلو لشحن و شنطة يد للطيارة واللابتوب زود عادي ولا اشوفهم يدققون واجد بشنطة اليد يعني ما اخذوا وزنها ولا شيء "

.. أنا افكر يكون اللاب توب داخل الشنطة الكبيره
بحيث انو يصير بس في شنطتين ( شنطه يد تدخل الطياره + شنطه للشحن )
هل تفكيري صائب ؟
ولا يفضل اني اخلي اللاب بشنطه خارجيه خاصه في حال انو لو صار تفتيش يكون الموضوع اسهل
والله محتاره


الافياش حقتهم ثلاثية كبيرة شوي بس لا تشيلين هم فيه محلات كثيرة جواء المطار تبيع الافياش يعني حتى لو ماشبك جهازك يمديك تشرينها من اسواق المطار(( واسواقهم حقت المطار تختلف عن اسواقنا هم و الله ارخص من برى )) "
الله يعطيك العافيه ...
لو قدرت تضع رابط صوره.. رح تفيدني بشكل كبير




"والله تختلف انتي وش تبي تسوين .. بس كل شيء موجود بالمطار من مطاعم و ستار بوكس و محلات تسوق بجميع انواعة و الاسعار حلوة يعني نفس الاسعار اللي برى او ارخص فاذا حابه تشرين و تتسوقين جيبي مبلغ جامد و اذا حق اكل فالاسعار معقولة وعادية لا تتوقعين انهم مبالغين فيها مثل اللي صاير عندنا .. اما تحويل الفلوس فبراحك لكن انا اشوف مطار هيثرو بكل فتحة فيه مكان لتحويل العملات لكن الواحد وده يجي ومتطمن ومعه فلوسة لكن لو حدكم الوقت عادي تحولين هنا و متوفرات المحلات بكل زاوية بالمطار"

واضح جدا .. يعطيك العافيه اخي وجعلها في موازين حسناتك
المعذره على كثره الاسئله .. لكن الموضوع يخوف شويه

احد يفيدنا يااخوان

والله امس رديت رد طويل على ردك ولما جيت ابرفع صورة علق الجهاز واظطريت اقفل الصفحة وعشان كذا تاخرت بالرد :

انا ماجربت انزل للندن لكن بتكلم لك عن شيء قريته من اللوحات وفهمته :

اول ما تنزلين من الطيارة وتدخلين المطار كلكم تنزلون بالسلالم الكهربائية و تركبون القطار .. هنا اتوقع تفترقون انتي راح تنزلين بالمحطة الثانية اللي هي اكمال الرحلات (( سواءً داخلية او خارجية يعني حتى اللي يبي يسافرون لاي مدينة في UK راح ينزلون بنفس النقطة اللي راح تنزلين فيها انتي اللي تبين كندا )) اما اللي يبون لندن فينزلون بنقطة ثانية واعتقد انها المحطة الأولى .

قص البوردينق راح يكون بالرياض .. راح يقصون لك بوردينق الرياض - لندن + لندن - فرانكفورت يعني ما راح تقصين بوردينق في لندن . و اما سالفة البوابات A , B AND C فوضعها سهل ولا تشيلين همها لانها جداً واضحة واجمل ما في مطار هيثرو كثرة اللوحات ما يضييييع ابد

تفكير صائب بس الخوف اللابتوب يجيه شيء بشنطة الشحن يعني ينكسر او تحتاجينه بالمطار يعني تتصحفين نت وزي كذا .. لكن التفتيش مهب مهم ابد .. يعني انا اخذت لابتوبي لاني ودي ادخل النت بالمطار + اخاف عليه من الكسر






اببحث عن صورة و انزلها

فيه نقطة مهمة للنت في مطار هيثرو .. لازم معك بطاقة ماستر كارد او PAYPAL علشان تشرين ساعة ب 2 باوند

هذي صورة افياش مطار هيثرو

http://t2.gstatic.com/images?q=tbn:A...WPGY7eAyvXVK9P

اخي ابو فهد
الله يجزاك كل خير
ردك شافي وكافي
طمنتني

موضوع جميل افادني ايضا , الله لا يحرمك الاجر اخونا ابو فهد