مساعدة شكلي أول عربي يطب الديرةمع ان معهدها معتمد من الملحقيةومن جمعية كندية!! يمكن احد يعرف

October 18th, 2014, 07:11 PM

لسلام عليكم
انا طالب هندسة بجامعة الملك سعود المهم اني واجهت صعوبات مع هاللغة
المهم بعض مواد التخصص انقص فيها بسبب اللغة والشرح نصه مدري وش يقول

بحذف الترم الثاني وادرس لغة 6 شهور باذن الله

المهم عزمت على كندا بريتش كلومبيا

فانكوفر مليانة عرب :") يازينهم بس انا ابي اتعلم اللغة

المهم لقيت معهد في Powell River شمال فانكوفر سيارة 4 ساعات ووين تحصل السيارة.. مالك الا طيارة
والمعهد معتمد من الملحقية >> ادري مالي دخل لكن يكون كويس
وايضا معتمد من قبل جمعية او مؤسسة كندية المهم انهم يحطون المعاهد الكويسة موقعهم Welcome to Languages Canada - Your Language Destination! | Languages Canada

الديرة ذي سكانها 12000 بس ولافيها عرب ابدا ومحد يتكلم عنها في المنتديات وطلابها اكثرهم من اليابان وشلتهم
انا اخشى اني اشعر بالوحدة بما انهم جنسية وحده وكلن يروح مع ربعه ولا فيه سعوديين ممكن نشوفهم في الويكند

وهل العوايل هناك او في المنطقة عموما او الريفين ( كثرت عليكم صح ) طيبين ويعوضون 10% عن اهلك شوي ولاّ يحوّمون تسبدك زود؟
او زي ما يقولون فرندلي ولا مثل اكثر البريطان >> البريطانيين مهب محور حديثنا

فما نصيحتكم لي ..

وايضاَ عشان ما اتأخر ترم ووش رايكم ما احذف الترم بس واجيها في الصيفية والمدة تكون قصيرة ولا استاحش كثير بس اخاف ما تكفي :"(
مشكلتي منب اجتماعي مررة .. والحمدلله احاول قد ما اقدر اتقيد بتعاليم ديني (الموسيقى-السينما-والي اعظم عاد) وحسب الي اسمعه انه ما يتداخل معهم الا الي فالها معهم

بقدر ادرس شهرين او قل 8 اسابيع لان المستوى 4 اسابيع هل بتفيد في ديرة مافيها عرب.. طبعا اذا صاروا اهلها طيبين
وسكانها 95% الي يسمونهم European Canadian :") وهذا طبعا سؤالي السابق واعيده هل العوايل كويسين

المعهد تبع Camber College في نفس الديرة.. وما ادري عن المواصلات شكل مافيها شي

شكلي اول عربي بيروح لها.. لأن محد يتكلم عنها


اعتذر عن الاطالة :")

• نشر عبر تويتر
• نشر عبر فيسبوك
• نشر عبر جوجل