طلبتكم أبي مساعدتكم في الإجابة ..

ولا رد واحد ؟؟

ممكن تنقلون موضوعي لملتقى كندا العام المفروض أحطه هناك بس غلطت فالمكان ويمكن يلقى إجابة هناك أسرع ..

اهلين اختي راح اجاوبك باللي اقدر عليه..
1-يشترط انك تكوني غير موظفة .
2-تقدرين تقدمي بس ماادري هل راح يحسبون لك دراسة هالسنة ولا لا.
3-جامعة البرتا جامعة عريقة ولها ترتيب بين جامعات العالم اماالجامعة الثانية فما ادري عنها.
4-موضوع اللغة لاتشيلي همه ..الحين انتي تطلبي انك تدرسي في معهد اللغة لمدة سنة اواكثر والافضل يكون هالمعهد تابع للجامعة اللي تبغى تدرسي فيها-حتى يعفوك من اختبار التوفل-وبعد ماتخلصي اللغة تجيبي قبول في الجامعة .
5- لا اعلم...
وبالتوفيق..

يعطيك ألف عافيه أختي ..

الإستقاله سهله لو طلع القبول ..

بالنسبه لدراسة اللغة تكون على حسابي ولا على الوزارة ؟؟؟

اذا ابتعثتي من الرياض ماراح تصرفين ريال واحد طوال تعليمك الحكومه تتكفل فيه من اوله لآخره

لكن اذا كنتي مخططه على انه تطلعين وتنظمين من الدوله اللي رايحه لها راح تدرسين على حسابك الفتره الأولى قبل الأنضمام ..

والله يوفقك

الله يجزاكم خير ..

http://www.mohe.gov.sa/Arabic/Schola...s/default.aspx

والله أحترنا هنا مكتوب أنه عادي الموظفة تقدم على الإبتعاث وش السالفة ؟؟؟؟

مرحبا هيفا
بالنسبه لاستفساراتك ( الكثيره ) ههههههه
ماتقدرين تقدمين وانتي موظفه هذا اولا .
ثانيا موضوع دراستك في جامعة الملك سعود ماجستير ماله علاقه في الابتعاث
ثالثا كندا فيها تخصص تربية خاصه وخصوصا ( الاعاقة السمعيه ) لكن اعتقد ان بعثات التربية الخاصة فقط لامريكا لما تتميز به الولايات المتحده من تطور في هذا المجال وانتي تخصصك تربية خاصة وعارفه النقطه هذي وغير كذا الدراسة في امريكا اسهل من كندا وحتى في مسالة القبول اسهل بكثير وافتحي السيره الذاتيه لاغلب الحاصلين على مؤهلات عاليه في التربية الخاصة تحصلينهم كلهم خريجين امريكا
رابعا مسألة لغتك في الانجليزيه مالها علاقه لانك راح تدرسين في معهد اللغه الانجليزيه
اما موضوع متى راح يفتح برنامج الابتعاث للتربية الخاصة فهذا الموضوع في علم الغيب لكن اعتقد قريبا

خامسا اذا انتي بديتي في مووضوع دراسة الماجستير في الملك سعود انصحك تكملين فيها والسبب
انو بتطولين ممكن تخلصين سمسترين في الرياض وانتي ماوصلتي لبلد الدراسة ويكون راح الكثير وبقى القليل على تخرجك من جامعة الملك سعود
بينما هناك بتبدين من الصفر واقل من الصفر بعد بحكم انك بتدرسين سنه لغة انجليزيه على اقل تقدير
هذا بالاضافه لمسألة الغربه ولك حرية الخيار لكن اذا نويتي الدراسة لامريكا ممكن افيدك ببعض المعلومات اللي ان شاء الله بتفيدك

تحياتي

الأخت هيفاء الطموحة افضل برنامج لماستر الصم وضعاف السمع موجود في افضل جامعات كندا واشهرها بريتش كولومبيا وهذا رابط البرنامج http://www.ecps.educ.ubc.ca/deaf_hh/
لو فيه استفسار اخر انا حاضر مع اني انصحك باختيار تخصص علاج اضطرابات النطق والتواصل لتقدم كندا في هذا المجال ولقلة الكوادر والمتخصصين في هذا التخصص في السعودية ولتوسع مجالات العمل فيه سواء في المعاهد الخاصة وبرامج الدمج والمستشفيات ومراكز التأهيل فهي تخرجك من مجال التعليم الى المجال الصحي مع العلم انه بحصولك على ماستر في علاج اضطرابات النطق والتواصل تمنحين بموجبه الرخصة الكندية لمزاولة المهنة المعترف بها فالسعودية وهي رخصة عالمية وهذا رابط الهيئة الكندية http://www.caslpa.ca/english/profession/about.asp
اما بخصوص انك تقدمين وانتي موظفة فلايسمح لك نظام الابتعاث بذلك مثلما هو موجود في هذا الرابط
http://kas.mohe.gov.sa/KAS4/indexg4.aspx
وبخصوص اللغة الانجليزية لاتشيل هم لو كانت لغتك صفر ما يفرق لأن اول سنة بتكون لغة انجليزية وما يأثر مستوى لغتك فالقبول
هذا موجود فالرابط http://www.mohe.gov.sa/Arabic/Schola...ages/ex11.aspx
واما موعد ابتعاث التربية الخاصة فحسب موقع الوزارة في الإعلان الوارد بموقع الوزارة بيكون نهاية شهر 2 القادم قد تتأخر قليلا عموما لن تتأخر عن 3 شهور القادمة مثلما هو موضع في الاعلان http://www.mbt3th.us/vb/showthread.php?t=82435
اي استفسار اخر انا حاضر واسف عالتأخير

والله فكرة في علاج إضطرابات النطق والتواصل بالذات أنه مطلوووب كثير وله احتكاك في مجال دراستي أيام البكالوريوس ..

ومثل ماقلت نادر هالتخصص في السعودية ومطلوب كثير ..

بالنسبة للوظيفة هين لو أستقيل ..

طيب في بريطانيا هالقسم تعرف عنه ولا لا ؟؟

لانه كندا أحسها صعبه جداً وبعدين بعيده مره عن السعودية ..

وألف شكر لتجاوبك ..