استفسار تكلفة دراسة لمدة عام في ريجينيا ؟

والله انت شوف التجمع اخوي بالموضوع المثبت ان شاء الله يفيدك

وادخل ع موقع الجامعه

لان السعر يختلف من برنآمج لـ برنآمج


بالتوفيق يارب =)

لاهنتي أختي

ولاكن البرنامج الي ابيه هو بكلوريس مسبوق بكورس انقلش
وزي ما يقولون قبول مشروط ع ما اعتقد

الزبده كم تكلفني الدراسه بهالجامعه
مع تكلفة المعيشه لمدة عام بكل أقتصاد <--- حفظوها يخوي

آخوي هذه اللي قدرت اجيبه لك من موقعهم الرسمي مترجم لك

انت افضل شي راسل الجآمعة بـ الآيميلآت الموجوده وهل تخصصك موجود او لا ..!!

وكم تكلفة البرنآمج المطلوب ..

بالنسبة لكم رآح يكلفك الله اعلم

انت اسئل الجآمعة ..

بالتوفيق

أختي شاكر لك تعاونك

أنا دخلت موقع الجامعه ولقيت تخصص الحاسب ظمن تخصص الهندسه
الا وهو هندسة حاسب وهكذا !!

طيب كيف اراسلهم وكذا ما عندي اي خلفيه غير ان اللغه مو ذاك الزود

فأنا ابي اعرف كم تكاليف الدراسه في معهدم مع قبول مشروط طبعاً ؟

أحسب معي يا سعد

- الهوم ستي نقول 650$ كل شهر .. من 12 شهر بيكون الناتج 7800$ للسنة
- بالنسبة للغة .. لازم تعرف إن رسوم المعهد الآن 2600$ لفترة 10 أسابيع ، و في 2011 السعر بيرتفع لـ3100$ لأن الكورسات بتصير مدتها 13 أسبوع .

نبدأ حسبة اللغة ، نفرض إنك تبي تبدأ من الصفر ( يعني تبدأ من 005 و بعدها 010،020،203،040،050 ) و تبي تلحق على الكورس الأخير في 2010 و اللي يبدأ في سبتمبر

005 : 2600$
010 : 3150$ < بداية 2011
020 : 3150$
030: 3150$
040: 3150$
050 : 3150$ < ما هو مؤكد بيكون موجود لكن بنحطه في الحسبة

المجموع : 18350 $ لفترة سنة و نص لغة !!! (( 10 أسابيع لـ005 )+ ( 13 أسبوع × بقية الكورسات )) / 4 أسابيع في الشهر = 18 شهر و شوي

(((( الرسوم ما أدري هل هي تشمل الضريبة و إلا لا ؟؟؟؟ ))))

- التنقلات نقول تبي أرخص شئ و هو الباص .. بطاقته بـ40 دولار شهريًا في 12 شهر بتكون 480$

- دامك ما تبي ترفيه بكيفك لكن لولا الله ثم الترفيه هنا و إلا كان كل واحد طاب من سطح المعهد .


مجموع الدراسة لفترة سنة و نص + التنقل بالباص لفترة سنة + العائلة اللطيفة لفترة سنة = 26630$ × 3.40 ريال سعودي ( سعر تقريبي للصرف ) = 91000 ريال سعودي تقريبًا

طبعًا أبيك تلاحظ معي إننا ما حسبنا قيمة :

1- الترفيه ، روحة جيّة ، كشتة يمين يسار .
2- مبلغ إحتياطي ينفعك وقت الحاجة و الزنقة .

و غير كذا ، المبلغ تقريبي ما هو شئ مؤكد ، و كذلك أنا حاسب لك الفترة على أساس السنة و يمكن الله يكتبها لك و تجيك البعثة في 6 شهور ؟ ويمكن تنلطع سنة ما أحد ألحقك ؟؟! فلذلك يا أخوك لا تعتمد على الأرقام اللي فوق و تقول أبد سلطان حسبها و من بكره شاد حزامي !! و أنصحك راجع شروط الإلحاق في موقع الملحقية السعودية في كندا ، لأن الشروط تغيّرت فعاد تأكد لا يكون أحد الشروط ما ينطبق عليك .


الله يكتب لك الطيب من عنده

^

أخوي ما تعتقد ان 91 الف شوي غاليه ع مدينة مثل ريجينيا ؟

هذا وبدون ترفيه ! وحاس ان سعر المعهد حبتين غالي ع 10 اسابيع !!!

للمعلوميه انا مستواي بالانقلش فوق لفل 3 يعني استحاله ابتدي من المستوى الاول يمكن من الثاني !

لأني دارس سنه انقلش بسعود مكثف

^

اخوي انا أقدر أعطيك المبلغ من آخر الكلام و لا أعلمك التفاصيل ، الحسابات قدامك . ضبطها و عدل فيها على ما تهوى ، و بالنسبة لسالفة إن المبلغ غالي فالمسألة مسألة حسابات قدامك و لا أعطيتك المبلغ من رآسي عشان أسويلك خصم !!

الناس اللي وضعهم المادي متوسط كانوا يجون قبل قرار الإلحاق الجديد و كانوا يلتحقون في ظرف 3 شهور كحد أقصى ، لكن الحين الوضع الحين تغير و يبي له ميزانية أعلى . تبي الشور ؟ أنتظر لين يجي برنامج الملك عبد الله الجديد و إلا شيّك على برنامج التأمينات العامة للإبتعات .


بالتوفيق

التعليم الكندي متطور عالميا ومعظم الجامعات مستواها واحد لكن تختلف في السعر فالاولى السؤال عن ارخص جامعة وليس معيشة

كلام الاخ / سلطان . عين الصواب ..

وهو بصراحه ما قصر . حاسبه لك بالتفاصيل .وارقامه كلها صحيحه .!!

بس بصراحه يا سلطان .. تراك خوفتني شوي بخصوص الألتحاق ..!!

انا عندي قبول من الجامعه والمعهد وبمشئيه الله تعالي . جايكم على 21/09/2010م .

وراح افصل من الدوام . ومعاي فلوسي .. وراح ادرس .. والباقي تاركه لرب العالمين .!!



بس إن شاء الله نلحتق بالبعثه ..

وإذا كان عندك شروط اللالتحاق بالبعثه .. تزودنا به ..!!

إذا ممكن يا سلطان .. تعلمنا من مكافأه البعثه ؟؟؟ مع سعر التحويل ؟؟
لأني اشوفك تضرب في 3,34 والسعر الآن على 3.60 ~~ ؟؟ أيهما أصح ؟؟؟


تقبل تحياتي .